Jó 19:9 - Tupàn zeꞌeg

⁹ Tupàn o'ok heremetarer ihewi paw rupi. Teko tetea'u umume'u hekatu haw kwehe mehe wà. Tupàn umumaw hekatu haw imume'u haw.

Jó 19:9 ပူးပေါင်းရင်းမြစ်များ

Jó 12:17

O'ok ma'e kwaw katu haw tuwihaw wanuwi. Umuigo kar tuwihaw awa iranaiw ma'e romo wà no.

Jó 12:19

Tupàn umunyryk kar xaxeto wama'ereko haw wi wà. Weityk upuner ma'e wà no.

Jó 16:15

Amunehew ma'eryru pàn iànàm ma'e ma'eryru iapo pyrer, hezemumikahy haw hexak kar pà. Ikàg 'ym ma'e romo aiko. A'e rupi ywyku'i kwer rehe apyk.

Jó 30:1

Ko 'ar rehe awa ihewi ipyahu wera'u ma'e upuka herehe wà. Wanu na'ikatu kwaw wà. Namono kwaw a'e teko ni hereimaw zawar wainuromo ihe wà, zawar àràpuhàràn wamono'ogar wainuromo ihe wà.

Salmos 89:39

Erezuhaw neze'egaw neremiruze'eg rehe we neremiapo katu kwer. Ereityk iàkà rehe har tuwihawete romo hexakar haw ywy rehe.

Salmos 89:40

Ereityk pàrirogawhu tawhu neremimonokatu kwer izywyr har. Erezuhazuhaw tàpuztàtà a'e pe har wà no.

Salmos 89:44

Erezo'ok ipuner haw tuwihawete wi. Ereityk henaw no.

Provérbios 27:24

Ta'e neremetarer upaw putar amo 'ar mehe nehe. Neruwihawete umàno putar amo 'ar mehe nehe no xe.

Isaías 61:6

— Xaxeto Tupàn Tuweharupi Wiko Ma'e henataromo har wà, i'i putar peme wà nehe. — Zanezar hemiruze'eg wà, i'i putar peme wà nehe. Peiko putar amo ae ywy rehe har wanemetarer izar romo nehe, wama'e izar romo nehe no. — Zanekàg kury, peze putar pezeupeupe nehe, ta'e penemetarer katuahy putar nehe xe.

Lamentações de Jeremias 5:16

Ni urekàgaw ipixika'i nupyta kwaw. Uruzapo ikatu 'ym ma'e ure. A'e rupi Tupàn umume'u urerehe uzepykaw a'e.

Oséias 9:11

Izaew wakàgaw ukàzym putar nehe. Uwewe putar oho wiràmiri ài nehe. Nuzexak kar kwaw kwarer wà nehe, kuzàtài wà nehe. Kuzà na'ipuru'a kwaw wà nehe. Na'imemyrzexak kar kwaw wà nehe.