Jó 19:7 - Tupàn zeꞌeg

⁷ Amume'u ipuruzuka haw ihe. Ni amo naherenu kwaw wà. Aenoz hepytywà haw purupe. Ni amo naherereko katu kwaw wà.

Jó 19:7 ပူးပေါင်းရင်းမြစ်များ

Jó 10:3

Ne ae heapo pe ne. Màràzàwe tuwe ma'erahy ihewe ipuraraw haw ikatu newe. Màràzàwe tuwe heretykaw ikatu newe. Màràzàwe tuwe teko ikatu 'ym ma'e wanemiapo ikatu newe.

Jó 16:21

Awa umume'u umyrypar ikatu haw tàmuz wanenataromo a'e. Nezewegatete aputar hekatu haw Tupàn henataromo imume'u àràm ihe no.

Jó 21:27

Akwaw pema'enukwaw paw ihe. — Ikatu 'ym ma'e iapo har, peze peiko ihewe.

Jó 30:20

O Tupàn, aze'eg newe hepytywà àwàm henoz pà newe. Nerewazar kwaw heze'eg ihewe ne. Aze'eg newe. Nerezekaiw kwaw herehe.

Jó 30:24

Awa imumaw pyrer romo aiko ihe. Màràzàwe tuwe heàmàtyry'ym pe ne. Napuner kwaw ma'e iapo haw rehe. Xo hepuhareko àwàm henoz taw rehe zo apuner.

Jó 30:28

Aiko hezemumikahy pà. Hereko haw nuzawy kwaw 'ar kwarahy hereko 'ymar. Apu'àm teko paw wanenataromo hepytywà àwàm henoz pà.

Jó 34:5

— Naiko kwaw ikatu 'ym ma'e iapo har romo ihe, i'i Izo iko. — Tupàn na'ipurumur wer kwaw hekatu haw hekuzar rehe ihewe, i'i iko.

Jó 40:8

Aipo nepuruexak kar wer iko hekatu 'ymaw rehe purupe. Aipo aiko ikatu 'ym ma'e iapo har romo. Aipo ereiko ikatu 'ym ma'e iapo 'ymar romo.

Jó 9:24

Tupàn omono ywy ikatu 'ym ma'e wapo pe. Upyk tuwihaw waneha pàn pupe no. Aze Tupàn nuiko kwaw a'e ma'e iapo arer romo, mo wiko a'e ma'e iapo arer romo a'e.

Jó 9:32

Tupàn nuiko kwaw teko romo hezàwe. A'e rupi napuner kwaw ize'eg iwazar haw rehe izupe. Nurupuner kwaw urezeàmàtyry'ymaw imukatu haw rehe tàmuz wanenataromo.

Salmos 22:2

Tupàn hezar. Aenoz newe 'aromo ihe. Nerewazar kwaw heze'eg ihewe. Uruenoz pyhaw no. Napuner kwaw hepytu'u haw rehe.

Salmos 22:3

Ne nekatuahy ne. Ereapyk nerenaw rehe. Teko Izaew izuapyapyr paw umume'u nekatu haw newe wà.

Jeremias 20:8

Tuweharupi heze'eg mehe ahapukaz ze'eg imume'u pà ihe. — Puruzuka haw, a'e wanupe. — Ma'e imumaw paw, a'e wanupe. O Tupàn Tuweharupi Wiko Ma'e, aiko ikàg 'ym ma'e romo wanupe. Uze'eg uryweteahy herehe tuweharupi wà. Ta'e amume'u neze'eg wanupe ihe xe.

Lamentações de Jeremias 3:8

Ahapukaz hepytywà àwàm henoz pà. Na'ipurenu wer kwaw heze'eg rehe.