Jó 19:27 - Tupàn zeꞌeg

²⁷ Aexak putar hereha pupe nehe. Hereha wexak putar nehe. Nuiko kwaw heremigwaw 'ym romo ihewe nehe. Akwaw putar nehe. Aputar tuwe a'e ma'e izeapo àwàm ihe.

Jó 19:27 ပူးပေါင်းရင်းမြစ်များ

Jó 33:26

Tupàn pe ize'eg mehe Tupàn wenu putar nehe. Umuwete katu putar urywete haw rehe nehe no. Tupàn umuawyze katu putar awa ikatu ma'e ài nehe no.

Salmos 118:6

Tupàn Tuweharupi Wiko Ma'e wiko herehe we a'e. Nakyze kwaw. Ma'enugar ikatu 'ym ma'e upuner teko ihewe iapo haw rehe.

Salmos 119:81

O Tupàn, hepyro pe heàmàtyry'ymar wanuwi nehe. Hekene'o hepyro àwàm hàro pà. Azeruzar neze'eg rehe.

Salmos 17:15

Ihe uruexak putar ihe nehe, ta'e aiko katu ihe xe. Heme'e mehe, herehe we nereko haw hemynehem putar herurywete haw pupe nehe.

Salmos 73:26

Apuner ma'e kwaw par 'ym romo hereko haw rehe nehe. Apuner hetekwer ikàg 'ym ma'e romo hereko haw rehe nehe no. Nezewe rehe we Tupàn wiko putar hekàgaw romo nehe. Naputar kwaw amo ma'e ihe nehe.

Isaías 26:19

Teko ureinuromo har umàno ma'e kwer uzewyr putar wikuwe wi pà wà nehe. Wanetekwer ukweraw wi putar wà nehe. Umàno ma'e kwer wapyta haw pe har ume'e putar urywete haw rupi uzegar pà wà nehe. Eremur kar zuwiri ywy rehe, nezewegatete umàno ma'e kwer uhem putar ywy wi wikuwe wi pà wà nehe.

Isaías 33:17

Pexak wi putar amo tuwihawete ikàg ma'e ipuràg ma'e nehe. Weruze'eg putar ywy uhua'u ma'e rehe har wà nehe.

Números 24:17

Ame'e uzeapo ma'e ràm rehe. Aexak teko Izaew izuapyapyr wà. Wanuwihawete zahytata uhyape katu ma'e uzexak kar putar wanupe nehe. Ur putar Izaew wanuwi zahytata uwewe ma'e ài. Weityk putar Moaw wanuwihaw wà nehe. Umumaw putar 'aw teko wiko wera'u ma'e wà nehe.