Jó 19:14 - Tupàn zeꞌeg

¹⁴ Heànàm utyryk ihewi wà. Hemyrypar na'ima'enukwaw kwaw herehe wà kury.

Jó 19:14 ပူးပေါင်းရင်းမြစ်များ

Gênesis 40:23

Win rehe uzekaiw ma'e na'ima'enukwaw kwaw Zuze rehe. Heharaz tuwe izuwi.

2 Samuel 16:23

A'e 'ar rehe aze Aitopew umume'u amo pureruze'egaw, tuwihaw weruzar ize'eg Tupàn ze'eg zàwe wà. Tawi weruzar ize'eg. Àmixàràw weruzar ize'eg no.

Jó 19:15

Heràpuz me upyta ma'e imaranugar ihewi wà. Nuzawy kwaw hekwaw 'ymar wà. Ihewe uma'ereko ma'e herereko amo ae ywy rehe har ài wà.

Jó 19:19

Te hemyryparete wanupe hero kury. Teko heremiamutar wera'u hereityk wà.

Jó 42:11

Tywyr paw wà, heinyr paw wà no, oho hexak pà wà. Uzapo mai'u hawhu wanupe wàpuz me. — Uruzemumikahy ma'e newe uzeapo ma'e kwer rehe ure, i'i izupe wà. — Tupàn umur kar iaiw paw tetea'u nerehe a'e. Uruzemumikahy henu mehe ure, i'i izupe wà. Pitàitàigatu umur temetarer izupe wà. Umur kwàku'aw har or iapo pyrer izupe wà no.

Salmos 31:12

Upaw rupi heharaz ihewi wà. Aiko umàno ma'e kwer zàwenugar romo wanupe ihe. Aiko ma'e heityk pyrer zàwenugar romo.

Salmos 38:11

Hemyrypar nuhem kwaw heruwake a'e wà, Ta'e hepereperew ihe xe. Te heànàm utyryk ihewi wà.

Provérbios 18:24

Amo zemuryparypar haw upaw na'arewahy. Nemyrypar azeharomoete har neamutar katu wera'u uwywyr wi a'e.

Jeremias 20:10

Aenu teko tetea'u wanewowo mehe ihe wà. — Heta tetea'u kyzeahy haw zaneywyr, i'i wà. — Zazepyk Zeremi rehe nehe. Ximume'u hemiapo kwer nehe, i'i wà. Te hemyryparete wàro hezepyapi àwàm he'ar àwàm wà. — Aze ru'u u'ar putar miar zuka haw zàwenugar pupe nehe. A'e mehe zazepyk putar hehe nehe, i'i wà.

Lamentações de Jeremias 1:2

Umumaw pytun gatu uzai'o pà. Hehaykwer uwyryk huwa rehe. Kwehe mehe heta imyrypar tetea'u wà. Ni pitài nupyta kwaw imurywete kar har romo kutàri wà. Paw rupi weityk wà. Wiko iàmàtyry'ymar romo wà kury.

Mateus 10:21

Amo awa omono putar wyky'yr tuwihaw wanupe a'e wà nehe, wazuka kar pà wanupe a'e wà nehe. Amo awa omono putar wywyr tuwihaw wanupe a'e wà nehe, wazuka kar pà wanupe a'e wà nehe. Amo ae awa omono putar wa'yr tuwihaw wanupe a'e wà nehe no, omono putar wazyr tuwihaw wanupe a'e wà nehe no, wazuka kar pà wanupe a'e wà nehe no. Amo kwarer omono putar u tuwihaw wanupe a'e wà nehe, omono putar uhy tuwihaw wanupe wà nehe no, wazuka kar pà wanupe wà nehe no.

João 13:18

Aze'eg teko peme paw rupi ihe kury. Xo pitài xe har rehe zo aze'eg teko ihe kury. Apukwaw katu pitàitàigatu ihe. Pitài xe har heàmàtyry'ymar romo hekon a'e. Akwaw a'e awa ihe. Nezewe i'i ze'eg kwehe arer a'e. — Amo awa u'u putar temi'u heremimono kwer a'e nehe. A'e re heàmàtyry'ymar romo uzeapo putar a'e nehe, i'i ze'eg kwehe arer hereko haw rehe a'e. Uzeapo putar ma'e a'e ze'eg rupi katete a'e nehe kury.