Jó 18:13 - Tupàn zeꞌeg

¹³ Ma'eahy haw puruzuka ma'e uhàuhàz hetekwer rehe. Umunem kar izywa a'e, hetymà a'e no.

Jó 18:13 ပူးပေါင်းရင်းမြစ်များ

Gênesis 31:15

Urerereko amo ae ywy rehe har zàwe a'e. Kwehe mehe ureme'eg a'e. Upyhyk temetarer tetea'u urerekuzar romo. Umumaw a'e wemetarer paw rupi.

Gênesis 49:3

Ne Humen ne. Hera'yr itua'u wera'u ma'e romo ereiko ne. Hekàgaw romo ereiko. Hekàgaw ta'yr ipy romo ereiko. Ereiko wera'u amogwer hera'yr wanuwi, nekàg wera'u amogwer hera'yr wanuwi.

Jó 17:16

Aipo heremiàro wezyw putar ipupyaikaw pyrer umàno ma'e kwer wapyta haw pe har pe nehe. Aipo upytu'u putar hepyr ywy iwy pe nehe.

Isaías 14:30

Àràpuhàràn hawitu ma'e mono'ogar uzekaiw weimaw wanehe a'e. Nezewegatete azekaiw putar heremiaihu hemetarer 'ym ma'e wanehe ihe nehe. Amuigo kar putar ikatu haw rehe ihe wà nehe. Pe Pirite pe wà. Apumumàno kar putar ma'uhez taw uhua'u ma'e pupe ihe nehe. Namuikuwe wiwi kwaw ni pitài ihe wà nehe.

Jonas 2:6

Awezyw ywytyruhu hapo pe ihe. Awezyw ywy ukenaw tuweharupi uzewàpytym ma'e pe. Ne hepyro pe hemàno haw wi ne, Tupàn Tuweharupi Wiko Ma'e hezar.

Zacarias 14:12

Tupàn Tuweharupi Wiko Ma'e uzepyk putar teko Zeruzarez iàmàtyry'ymar paw wanehe nehe. Umur kar putar iaiw ma'e wanupe wano'o kwer i'u har romo wà nehe. Wanekuwe mehe we wano'o ukàzym putar wanuwi nehe. Te waneha te wapeku inem putar wàkàg pupe wà nehe no.

Apocalipse 6:8

Na'e aexak kawaru itawa ma'e ihe kury. Amo awa iku'az hin a'e. Màno haw a'e awa her romo a'e. Amo ma'e oho haikweromo a'e no. Umàno ma'e kwer waneko haw a'e ma'e her romo a'e. Tupàn omono ukàgaw wanupe a'e no. A'e rupi oho amo ywy rehe a'e wà kury. Uzàmàtyry'ym kar teko a'e ywy rehe har amo ae teko a'e ywy rehe har wanupe wà kury. Umumaw wanemi'u oho wà no. A'e rupi teko a'e ywy rehe har ima'uhez wà. A'e kawaru ku'az har umuma'eahy kar a'e pe har a'e wà no. Omono kar miar hehaite ma'e a'e pe wà no. Miar u'u teko a'e pe har a'e wà.