Jó 18:11 - Tupàn zeꞌeg

¹¹ Ukyzeahy, ta'e teko tetea'u umume'u izuka àwàm wà xe. Iata mehe tuweharupi oho haikweromo wà.

Jó 18:11 ပူးပေါင်းရင်းမြစ်များ

Jó 15:21

Uze'eg ma'e upurumukyzeahy kar ma'e umynehem wapyakwar wà. — Ni amo nuzapo kwaw ikatu 'ym ma'e ihewe wà nehe, aze i'i wà nehe, A'e 'ar mehe we imunar ma'e ipuruzukaiwahy ma'e uzàmàtyry'ym putar wà wà nehe.

Jó 18:10

Iapo har umim miar ipyhykaw ywy pupe a'e, Iho àwàm rupi imim pà a'e.

Jó 18:18

Omono kar putar teko wikuwe ma'e wamyter wi wà nehe. Weraha putar tatainy wi wà nehe, ipytunaw pupe heityk pà wà nehe.

Jó 20:25

Ozo'ok putar u'yw ikupe wi wà nehe. Huwykwer heny putar u'yw rehe nehe. Ma'e wi ikyze haw wiko putar izar romo nehe.

Jó 20:8

Ukàzym putar puahu haw ài nehe. Nuzawy kwaw puahu haw zàwenugar pyhaw har. Ni amo nuexak wi kwaw wà nehe.

Jó 22:10

A'e rupi ikatu 'ym ma'e umàmàn neywyr kury. Na'arewahy nekyze haw wiko nezar romo no.

Jó 27:20

Ikyzeahy haw nuzawy kwaw 'y ko imimar. Typy haw wà. Upyk putar imumaw pà. Pyhaw ywytuaiw àmàn inuromo har omomor putar muitea'u nehe.

Jó 6:4

Tupàn upuner wera'u ma'e hezywa u'yw puruzuka haw hereko har pupe a'e. A'e puruzuka haw wixe hepy'a pupe. Heàmàtyry'ym awer pupe Tupàn hemynehem hekyzeahy haw pupe no.

Salmos 53:5

Uryryryryz putar ukyze pà a'e wà nehe. Nuryryryryz pixik kwaw nezewe a'e 'ym mehe wà, Ta'e Tupàn umuhàmuhàz wàmàtyry'ymar wàkàgwer a'e wà xe. Weityk wà. A'e rupi Izaew ipurumuzàmuzàg weityk putar upaw rupi katete wà.

Salmos 73:19

Na'arewahy eremumaw ikatu 'ym ma'e ne wà. Iaiw wamumaw paw.

Provérbios 28:1

Ikatu 'ym ma'e uzàn oho wà. Aze ni amo noho kwaw wanaikweromo wà nehe, nezewe rehe we uzàn oho wà. Awa imunar 'ym ma'e ikàg ma'e wi ukyze 'ym pà zàwàruhu ài a'e.

Isaías 28:19

Teko ma'erahy ipuraraw paw nànàn pepuraraw putar wainuinuromo pe nehe no. Tuweharupi ur putar nehe: ku'em mehe, kwarahy heixe re nehe no. Tupàn ze'eg pitàitàigatu werur putar pekyze haw ipyahu ma'e nehe.

Jeremias 46:5

Ma'e aexak teko ihe, i'i Tupàn. Ezit ywy rehe har uzàn ukyze pà wà. Uzàn wà, ta'e ukyzeahy wà xe. Uzàn na'arewahy wà. Nume'e kwaw waikwer amo wà nehe.

Jeremias 49:29

Pepyhyk wanàpuzràn nehe, waneimaw pe wà nehe no, pàn wanàpuzràn huken rehe imuzaiko pyrer nehe no, wanàpuzràn pupe har paw nehe no. Pepyhyk waneimaw kawaru kupewa'a pe wà nehe, nezewe peze'eg pà nehe: Teko ywy nànànar ukyze wà, peze wanupe nehe.

Jeremias 6:25

Noroho kwaw katu pe tawhu wi nehe. Nuruata kwaw pe rupi nehe. Ta'e ureàmàtyry'ymar wereko puruzuka haw a'e wà xe. Teko paw ukyzeahy wanuwi wà.

Daniel 5:9

Ukyze wera'u tuwihawete kury. Ipir xigatu. Ni amo tuwihaw nukwaw kwaw wemiapo ràm wà.

Levítico 26:36

Amukyze kar putar amo ywy rehe wikuwe ma'e ihe wà nehe. A'e mehe, te ywyra huwer i'ar mehe har ipu haw umuzàn kar putar a'e wà nehe. — Zaneàmàtyry'ymar ur waiko zaneraikweromo wà, i'i putar uzàn mehe wà nehe, ikwaw 'ym pà wà nehe. Ni amo noho kwaw wanaikweromo wà nehe. Nezewe rehe we u'ar putar wà nehe.

2 Coríntios 5:11

Urukwaw Tupàn wi urekyze haw ure. A'e rupi urumume'u ize'eg oroho uruiko purupe. Aze teko uzeruzar hehe wà nehe, urerurywete putar nehe. Tupàn zanekwaw katu paw rupi a'e. Tuwe hekwaw pe pepy'a pe nezewegatete pe nehe no.

1 Samuel 28:5

Zauxiapekwer Piri ywy rehe har wanexak mehe ukyze tuwe Xau a'e kury.