Jó 17:15 - Tupàn zeꞌeg

¹⁵ Aze nezewe haw uzeapo nehe, ma'e àrogatu putar nehe. Aipo amo upuner ikatu ma'e ihewe uzeapo ma'e ràm hexakaw rehe wà.

Jó 17:15 ပူးပေါင်းရင်းမြစ်များ

Jó 13:15

Naheta kwaw ma'e hàrogatu haw ihewe kury. Ta'e Tupàn hezuka putar nehe xe. Nezewe rehe we amume'u putar hekatu haw henataromo nehe.

Jó 14:19

'Y u'ar ita rehe imukwamukwar pà. 'y ywy rehe uwyrykahy ma'e weraha ywy uzeinuinuromo. Nezewegatete eremumaw teko wama'eràrogatu haw wanuwi ne.

Jó 19:10

Umàmàn heywyr heàmàtyry'ym pà. Te hemumaw. O'ok hema'eràrogatu haw ka'akyr ài. Te hapo o'ok.

Jó 4:6

Tupàn wi nekyze haw nanemukàg kwaw aipo. Nereko haw ikatu ma'e nanemynehem kwaw ma'e hàrogatu haw pupe aipo.

Jó 6:11

Nahekàg kwaw ihe. Màràzàwe tuwe aikuwe ihe. Naheta kwaw ma'e hàrogatu haw ihewe.

Jó 7:6

He'ar upaw na'arewahy. Nuzawy kwaw pàn ipyahaw. Na'arew uzàn oho. He'ar uhem oho ihewi ma'eràro katu haw hezar 'ym pà. Hereko haw nuzawy kwaw ywytu.

Isaías 38:10

— Àmàno putar hetua'uhez 'ym mehe we ihe nehe, a'e hezeupe. — Ko 'ar henataromo apyta putar umàno ma'e kwer waneta haw pe nehe, a'e hezeupe.

Lamentações de Jeremias 3:18

Àmàno etea'i kury. Tupàn Tuweharupi Wiko Ma'e hàro haw upaw ihewi kury.

Ezequiel 37:11

Tupàn Tuweharupi Wiko Ma'e uze'eg ihewe. — Awa ta'yr, Teko Izaew nuzawy kwaw 'aw kagwer wà. — Uxinig wà, i'i teko wanupe wà. Naheta kwaw waneko katu àwàm wanupe. Nuzeapo kwaw ikatu ma'e wanupe nehe, i'i wà.