Jó 17:13 - Tupàn zeꞌeg

¹³ Heràpuz umàno ma'e kwer wapyta haw pe hin putar nehe. Azeàpàrirog putar heker pà ipytunaw rehe nehe.

Jó 17:13 ပူးပေါင်းရင်းမြစ်များ

Jó 14:14

Aipo amo wikuwe wi putar umàno re wà nehe. Ihe àro putar 'ar ikatu wera'u ma'e ihe nehe. Heremipuraraw ipaw ire apytu'u putar hàro re nehe.

Jó 17:1

Napuner tària'i kwaw hepytuhemaw rehe. Hereko haw upaw etea'i. Hetym àwàm heràro iko.

Jó 17:12

— 'Aromo ipytunahy, i'i mua'u hemyrypar ihewe wà. — Tatainy uhem etea'i iko, i'i ihewe ipytunahy haw myteromo wà.

Jó 3:13

Aze mo àmàno a'e 'ar mehe we, Aker mo ko 'ar rehe. Apytu'u mo ma'erahy ipuraraw 'ym pà.

Jó 30:23

Hereraha pe iko umàno ma'e kwer wapyta haw pe ne. Akwaw neremiapo. Wikuwe ma'e paw uzeàwàxi putar a'e pe amo 'ar mehe wà nehe.

Jó 6:11

Nahekàg kwaw ihe. Màràzàwe tuwe aikuwe ihe. Naheta kwaw ma'e hàrogatu haw ihewe.

Jó 7:9

Umàno ma'e kwer wapyta haw pe wezyw ma'e kwer nuzewyr pixik kwaw nehe. Nuzawy kwaw ywàkun. Ukwaw ko rupi. Nuzewyr pixik kwaw nehe.

Salmos 139:8

Aze azeupir ywak rehe nehe, ereiko putar a'e pe nehe. Aze awezyw umàno ma'e kwer wapyta haw pe nehe, ereiko putar a'e pe nehe no.

Salmos 27:14

Ezeruzar Tuweharupi Wiko Ma'e rehe nehe. Ezeruzar katu nekyze 'ym pà nehe. Ezeruzar Tupàn Tuweharupi Wiko Ma'e rehe nehe.

Eclesiastes 12:5

Na'e pekyze putar aiha katu ma'e apyr wi pe'ar àwàm wi nehe. Te peata haw na'ikatu kwaw peme nehe. Pe'aw xig putar nehe. Nereputar kwaw ma'e nehe. A'e 'ar mehe zanetua'uhez mehe zaha putar zanepytu'u haw iahykaw rehe har pe nehe. A'e ma'e uzeapo mehe teko uzai'o putar taw myteromo zanerehe a'e wà nehe.

Isaías 57:2

Nezewe rehe we ikatu ma'e wexak putar zeàmàtyry'ym 'ymaw a'e wà. Ikatu haw rehe wiko ma'e upytu'u katu utymaw pupe wà.