Jó 16:9 - Tupàn zeꞌeg

⁹ Wikwahy mehe Tupàn hereityk azeharomoete a'e. Na'iakatuwawahy kwaw herehe ume'e mehe. Nuzawy kwaw miar ipuruzukaiwahy ma'e. Ur heraikweromo hezuka àwàm imume'u pà.

Jó 16:9 ပူးပေါင်းရင်းမြစ်များ

Jó 13:24

Màràzàwe tuwe erezeàmim ihewi. Màràzàwe tuwe herereko pe neàmàtyry'ymar ài.

Jó 13:27

Erezàpixipixi hepy iko kyhàhàm tàtà ma'e pupe. Ereme'egatu heata haw nànàn. Ereme'e hepypor pe rupi heremizar nànàn no.

Jó 18:4

Xo ne zo erezekutuk nekwahy haw pupe. Erekwahy ne. Aipo ywy uzeapo putar ywyxiguhu romo a'e rupi nehe. Ereze'eg ne. Aipo ywytyruhu utyryk putar wenaw wi a'e rupi nehe.

Jó 19:11

Ihewe ikwahy haw ukaz tata ài. Herereko wàmàtyry'ymar ài a'e.

Jó 30:21

Erepuraraw kar e ma'erahy ihewe. Paw rupi nekàgaw pupe heàmàtyry'ym pe ne.

Jó 33:10

— Tupàn wekar hekatu 'ymaw a'e, ta'e izepyk wer herehe a'e xe. Herereko uwàmàtyry'ymar ài.

Jó 6:4

Tupàn upuner wera'u ma'e hezywa u'yw puruzuka haw hereko har pupe a'e. A'e puruzuka haw wixe hepy'a pupe. Heàmàtyry'ym awer pupe Tupàn hemynehem hekyzeahy haw pupe no.

Salmos 35:16

Nuzawy kwaw uzemumyz 'ym ma'e rehe upuka ma'e wà. Upuka nezewe herehe uze'eg urywahyahy pà wà. Ume'eahy herehe wà, na'iakatuwawahy kwaw herehe wà.

Salmos 37:12

Ikatu 'ym ma'e umume'u wemiapo ràm iaiw ma'e a'e wà, ikatu ma'e wanupe wemiapo ràm a'e wà. Ume'e wanehe iakatuwawahy 'ym pà wà.

Salmos 50:22

Peneharaz ihewi. Pema'enukwaw katu penemiapo kwer rehe nehe. Aze napema'enukwaw kwaw wanehe nehe, apumumaw putar ihe nehe. Ni amo nupuner kwaw pepyro haw rehe wà nehe.

Lamentações de Jeremias 2:16

Neàmàtyry'ymar paw uze'eg zemueteahy nerehe upuka pà wà. Na'iakatuwawahy kwaw nerehe wà. A'e rupi — Ximumaw Zeruzarez zane, i'i wà. — Uhem 'ar zaneremiàro kwez kury, i'i wà. — Xixak uzeapo ma'e kwer paw rupi zane, i'i wà.

Lamentações de Jeremias 3:10

Tupàn nuzawy kwaw zàwàruhu iriàw miar hàro har a'e, ihewe a'e. Nuzawy kwaw zàwàruhu uruxu her ma'e herehe ipuruzuka wer ma'e no.

Oséias 5:14

Azàmàtyry'ym putar Izaew ihe wà nehe, Zuta ihe wà nehe no. Aiko putar zàwàruhu iriàw miar izuka mehe har ài wàmàtyry'ym mehe ihe nehe. Apei'ài'àg putar amo pehegwer romo wà nehe. A'e re aha putar a'e wi hezeupi waneraha pà nehe. Ni amo nupuner kwaw wapyro haw rehe wà nehe.

Oséias 6:1

Teko Izaew uze'eg wà kury. — Zazewyr zaha Tupàn Tuweharupi Wiko Ma'e pe upaw rupi zane nehe ty wà. Zanekutuk a'e. Azeharomoete zanemukatu wi putar nehe no. Uzepyk zanerehe. Azeharomoete heharaz putar zaneremiapo kwer wi nehe no.

Miquéias 7:8

Pe ureàmàtyry'ymar pe. Peze'eg urywahyahy zo urerehe nehe. Uru'ar azeharomoete. Urupu'àm wi putar nehe. Ko 'ar rehe uruiko pytunaw pe. Tupàn Tuweharupi Wiko Ma'e wiko putar tatainy zàwenugar romo urewe nehe.

Atos 7:54

Na'e tuwihaw a'e wà kury, a'e ze'eg henu mehe wikwahy tuwe a'e wà kury. Wàzgyrygyryw izupe ta'e ipuruzukaiw izupe wà xe.