Jó 16:8 - Tupàn zeꞌeg

⁸ Hemono pe zemunehew paw zàwenugar pupe. A'e rupi 'aw awa umume'u heremiapo kwer ikatu 'ym ma'e wà. Xo hepir zo heta ihewe kury. Xo hekagwer zo no. A'e rupi, — Ikatu 'ym ma'e iapo har romo ereiko, i'i amogwer ihewe wà.

Jó 16:8 ပူးပေါင်းရင်းမြစ်များ

Jó 10:17

Tuweharupi erereko heremiapo kwer ikatu 'ym ma'e imume'u har ne wà. Ihewe nekwahy haw uhu wera'u tuweharupi no. Hekutuk pe nepytu'u 'ym pà. Ereiko zauxiapekwer imono'og pyrer wazàwe heàmàtyry'ym mehe.

Jó 17:7

Apuraraw ma'erahy tetea'u teko ihe. Te naherehàpyhàgatu kwaw kury. Heretekwer nuzawy kwaw ma'e i'àgaw a'e.

Jó 19:20

Xo hepir hekagwer rehe we upyta we ihewe. Hereko wiwi haw zawaiw katu ihewe.

Jó 33:21

Iagaiwahy. Upaw oho iko. Iahykaw rehe xo ipir zo heta ikagwer rehe we.

Salmos 106:15

A'e rupi omono wanemimutar wanupe. Omono kar amo ma'eahy haw iaiw ma'e wanupe no.

Salmos 109:24

Hepenàràg uryryryryz iko ta'e azekwaku tetea'u hemai'u 'ym pà ihe xe. Heretekwer ukàzym oho iko ta'e heagaiwahy ihe xe.

Isaías 10:16

A'e rupi zanezar Tupàn Tuweharupi Wiko Ma'e Ikàg Wera'u Ma'e omono kar putar amo ma'eahy haw zauxiapekwer Axir parer ikàg ma'e wanehe nehe. Upyro putar wakàgaw wanuwi nehe. Omono kar putar haku haw tata zàwenugar wanehe nehe. Ukaz putar wanetekwer wà nehe.

Isaías 24:16

Teko ywy muite wera'u rehe har uzegar Tupàn Ikatuahy Ma'e ikatu haw rehe wà. Xinu wazegar mehe zane wà. Aze'eg nezewe ihe kury. — Hemaranugar ihe. Hepuhareko pe nehe. Napuner kwaw amo ma'erahy ipuraraw paw rehe. Teko wanupe ikatu 'ym ma'e iapo har wà, hemu'em wiwi waiko amo wanupe wà. Heta temu'emaw taw wanàwanàn, a'e ihe.

Efésios 5:27

Ikatuahy ma'e romo zanemuigo kar a'e, ta'e ipurumur wer zanerehe uzeupe a'e xe. Ta'e — Heremiruze'eg ikatuahy ma'e, i'i wer zanewe a'e xe. Zanepuràg eteahy putar a'e 'ar mehe nehe. Naheta pixik kwaw ikatu 'ym ma'e zanerehe nehe no. Kuzàwaza imen romo mehe nuzyzyzyzyg kwaw a'e. Uzahak a'e no, wipiwer imumaw pà uzewi a'e no. Nezewegatete uzeruzar ma'e ipuràg eteahy putar Zaneruwihawete ipyr uzemono'ono'og pà wà nehe no. Uzeruzar ma'e uzemono'og putar Zaneruwihawete ipyr a'e wà nehe, kuzàwaza uzyzyzyzyg 'ym ma'e ài a'e wà nehe, izipiwer 'ym ma'e ài a'e wà nehe.

Rute 1:21

Xe wi hehem ire heta ikatu ma'e tetea'u ihewe. Tupàn hemuzewyr kar xe ma'e hereko 'ymar romo a'e kury. A'e rupi — Hurywete ma'e, peze zo ihewe nehe. Ta'e Tupàn ikàg wera'u ma'e upuraraw kar ma'erahy ihewe a'e, 'y. Hemuzemumikahy kar a'e, i'i wanupe.