Jó 16:20 - Tupàn zeꞌeg

²⁰ Hemyrypar uze'eg urywahyahy herehe wà. Azewyr Tupàn pe herehay hereko pà.

Jó 16:20 ပူးပေါင်းရင်းမြစ်များ

2 Reis 20:3

— O Tupàn Tuweharupi Wiko Ma'e. Tuweharupi aiko neremiruze'eg romo ihe. Ama'ereko katu tuwe newe hepytu'u 'ym pà. Tuweharupi azapo neremiapo putar haw iteko, i'i izupe. Na'e uzai'oahy kury.

Jó 16:16

Azai'o tetea'u. A'e rupi heruwa nuzawy kwaw ukaz ma'e kwer. Hereha iàpyàpyzahy. Ipihupihun izywyr no.

Jó 16:21

Awa umume'u umyrypar ikatu haw tàmuz wanenataromo a'e. Nezewegatete aputar hekatu haw Tupàn henataromo imume'u àràm ihe no.

Jó 16:4

Aze mo pepuraraw ma'erahy peiko hezàwe, Apuner mo peze'egaw imume'u haw rehe. Azeàkàgmuawawak mo ma'e kwaw katu har ài. Apukamikamik mo heze'eg tetea'u pupe no.

Jó 16:7

Ne o Tupàn ne, herezar pe kwez ikàg 'ym ma'e romo ne. Eremumaw heànàm paw ne wà.

Jó 17:2

Upuka ma'e umàmàn heywyr wà. Aze uze'eg zemueteahy herehe wà, napuner kwaw wanehe hezepykaw rehe.

Jó 17:7

Apuraraw ma'erahy tetea'u teko ihe. Te naherehàpyhàgatu kwaw kury. Heretekwer nuzawy kwaw ma'e i'àgaw a'e.

Jó 19:13

Tupàn hereityk kar herywyr wanupe a'e. Hekwaw par herereko wemigwaw 'ym ài wà.

Jó 23:3

Hepurukwaw wer hexakaw rehe. Ma'e pe aexak putar nehe. Heho wer zepe heko haw pe.

Salmos 109:4

Aiko wamyrypar romo ihe. Umekuzar hekatu haw ikatu 'ym ma'e pupe wà. Nezewe rehe we aze'eg newe ikatu ma'e wanupe neremiapo ràm henoz tà ihe.

Salmos 142:2

Aze wyzài ma'e na'ikatu kwaw ihewe, amume'u izupe. Aze amo ikatu 'ym ma'e uzeapo ihewe, amume'u izupe.

Hebreus 5:7

Ko ywy rehe wiko mehe uze'eg Zezuz Tupàn pe tuweharupi a'e. — Hepytywà pe nehe, i'i izupe tuweharupi. Uzai'o izupe uze'eg mehe no. Tupàn upuner mo imàno haw wi ipyro haw rehe a'e. Nupyro kwaw. Zezuz uzeapo ikàg 'ym ma'e romo. Weruzar Tupàn ze'eg iko tuweharupi, hemiapo putar haw iapo pà. A'e rupi Tupàn wenu ize'eg mehe.