Jó 15:5 - Tupàn zeꞌeg

⁵ Ereze'eg nezewe ta'e ikatu 'ym ma'e iapo har romo ereiko ne xe. Neremu'em amo wanupe neze'eg mehe.

Jó 15:5 ပူးပေါင်းရင်းမြစ်များ

Jó 11:6

Nemu'e mo ma'ekwaw katu haw rehe a'e. Ta'e heta ma'e temigwaw 'ym tetea'u xe, ma'e imume'u haw inuromo xe. Nezewe mehe mo erexak Tupàn nerehe izepykaw. Nerehe izepykaw ipixika'i. Upuner mo zepykaw uhua'u ma'e pupe nerehe uzepykaw rehe, ta'e uhua'u neremiapo kwer ikatu 'ym ma'e xe.

Jó 12:6

Imunar ma'e wiko ikatu haw rehe wàpuz me wà. Tupàn henataromo ikatu 'ym ma'e iapo har wikuwe uzemupy'a 'ym pà wà. Wakàgaw uzeapo wazar romo.

Jó 15:4

Nepurumumaw wer Tupàn imuwete haw rehe. Aze mo erepuner wamupytu'u kar haw rehe, ni amo nuze'eg iwer mo Tupàn pe wà.

Jó 22:5

Nerenoz putar a'e nehe, ta'e erezapo ikatu 'ym ma'e tetea'u ne xe. Teko nupuner kwaw nekatu 'ym awer ipapar haw rehe wà.

Jó 32:1

Izo ukwaw weko haw a'e. — Naiko kwaw ikatu 'ym ma'e iapo har romo ihe, i'i uzeupe. A'e rupi imyrypar upytu'u ikatu 'ymaw imume'u re izupe wà kury.

Jó 32:2

Amo awa Eriu her ma'e wiko a'e pe. Marakew ta'yr romo Muz izuapyr romo Hàw izuapyr romo hekon a'e. Eriu wikwahy Izo pe kury. Ta'e Izo umume'u ukatu haw a'e pe har wanupe a'e xe. — Nazapo kwaw ikatu 'ym ma'e ihe, i'i wiwi a'e pe har wanupe. — Tupàn upuraraw kar e ma'erahy ihewe a'e, i'i wanupe.

Jó 5:12

— Azapo putar ma'e ihe nehe, i'i ikatu 'ym ma'e iapo zemimar uzeupe. Tupàn nuzapo kar kwaw izupe. Nupuner kwaw a'e ma'e iapo haw rehe.

Jó 5:13

Upyhyk ma'e iapo zemimar ma'e iapo zemim mehe wà. Umumaw wanemiapo ràm iaiw ma'e wanuwi.

Salmos 64:3

Teko ikatu 'ym ma'e umuaime katu uwapeku takihepuku ài wà. U'yw ài uwako'ok uze'eg iaiw ma'e wà no. Waze'eg tynehem puruzuka haw pupe.

Jeremias 9:8

Wapeku nuzawy kwaw u'yw puruzuka haw iapyr hereko har wà. Wazuru umume'u temu'emaw wà. Pitàitàigatu uze'egatu mua'u uzeake har wanupe wà. Azeharomoete umuàgà'ym miar pyhykaw zàwenugar waiko uzeake har wanupe wà.

Lucas 6:45

Awa ikatu ma'e a'e, ikatuahy ipy'a a'e, a'e rupi ikatuahy ma'e uzapo oho iko a'e. Awa ikatu 'ym ma'e a'e, iaiw ipy'a, a'e rupi ikatu 'ym ma'e uzapo oho iko a'e. Aze amo ima'enukwaw ikatu 'ym ma'e rehe a'e nehe, uze'eg putar ikatu 'ym ma'e rehe a'e nehe. Aze ima'enukwaw ikatu ma'e rehe nehe, uze'eg putar ikatu ma'e rehe nehe.

Tiago 1:26

— Amuwete katu Tupàn teko ihe, aze amo teko i'i uzeupe wà nehe, aze umume'u ze'eg iaiw ma'e tuweharupi wà nehe, aze uze'eg zemueteahy amo wanehe wà nehe, azeharomoete a'e teko numuwete katu kwaw Tupàn a'e wà. Hemu'em waiko uzeupe wà no.