Jó 15:27 - Tupàn zeꞌeg

²⁷ Ume'e wiko wera'u ma'e ài. Aiko wera'u amo wanuwi ihe, i'i upy'a pe.

Jó 15:27 ပူးပေါင်းရင်းမြစ်များ

Jó 15:26

Nuweruzar kwaw Tupàn a'e. Wereko u'yw wi uzemimaw ipuhuz ma'e opo pe. Uzemomor Tupàn ikutyr.

Jó 17:10

Aze mo uzewyr xe wà, Naexak kwaw ni pitài ma'e kwaw katu har ihe, wainuinuromo ihe.

Salmos 119:70

Tàtàahy a'e teko upy'a pe wà. Nuzekaiw kwaw neze'eg rehe wà. Ihe herurywete neze'eg rehe ihe.

Salmos 17:10

Napuhareko kwaw ni pitài wà. Uze'eg ukatu wera'u haw rupi wà no.

Salmos 73:4

Ikatu 'ym ma'e nupuraraw kwaw ma'erahy wà. Ikàg a'e wà. Huhàgatu a'e wà no.

Salmos 73:7

Wapy'a tynehem ikatu 'ymaw pupe wà. Xo ikatu 'ym ma'e iapo àwàm rehe zo ima'enukwaw wà.

Salmos 78:31

Wikwahy Tupàn wanupe. Uzuka awa ikàg wera'u ma'e wà. Uzuka kwàkwàmo Izaew wainuromo har ikatu wera'u ma'e wà.

Isaías 6:10

Izai, ewàpytym ko teko wama'enukwaw paw nehe. Emuigo kar ma'e henu 'ymar romo ne wà nehe. Emuigo kar ma'e hexak 'ymar romo ne wà nehe. Nezewe mehe nupuner kwaw ma'e hexakaw rehe wà nehe. Nupuner kwaw ma'e henu haw rehe wà nehe. Nupuner kwaw ma'e kwaw paw rehe wà nehe. Aze mo upuner wà, uzewyr mo ihewe wà. Amukatu mo ihe wà.

Jeremias 5:28

Ikyra katu wà no. Uhyk wanemi'u wanupe. Wakatu 'ymaw uhua'u. Nupytywà kwaw tu 'ym ma'e wà ihy 'ym ma'e wà no. Nuzekaiw kwaw hemetarer 'ym ma'e wanehe wà.

Deuteronômio 32:15

Teko Tupàn hemixak kwer wiko hemetarer katu ma'e romo wà. Nezewe rehe we uzàmàtyry'ym Tupàn wà. Hemetarer katu wà. Waneko haw ikatu. Hurywete wà no. Nezewe rehe we weityk wapo arer Tupàn wà. Upuir uzehe uzekaiw ma'e omonokatu har wi wà. Weityk upyro har wà.