Jó 15:11 - Tupàn zeꞌeg

¹¹ Tupàn ipurumurywete kar wer nerehe. Màràzàwe tuwe nereputar kwaw nemurywete kar àwàm. Uruze'egatu uruiko newe her rehe.

Jó 15:11 ပူးပေါင်းရင်းမြစ်များ

1 Reis 22:24

Na'e Tupàn ze'eg imume'u har Zeneki her ma'e uhem Mikai huwake kury. Ukwar huwa rehe. Upuranu hehe. — Màràn mehe Tupàn Tuweharupi Wiko Ma'e hekwe uhem ihewi newe uze'eg pà a'e, i'i izupe hehe upuranu pà.

Jó 13:2

Hemyrypar wà. Napeiko kwaw ihewi ikàg wera'u ma'e romo. Akwaw penemigwaw.

Jó 15:8

Aipo erekwaw Tupàn hemiapo ràm imume'u pyr 'ym ne. Aipo xo ne zo ereiko ma'e kwaw katu har romo.

Jó 23:12

Aruzar Tupàn hemiapo kar. Azapo hemimutar tuweharupi. Nazapo kwaw heremimutar.

Jó 36:15

Tupàn zanemu'e ma'erahy pupe a'e. Upuraraw kar ma'eahy haw zanewe zanereha imuzawok kar pà.

Jó 36:16

Izo. Kwehe mehe Tupàn nepyro ikatu 'ymaw wi a'e. Nemuigo kar ikatu haw rehe. Neràpuz me teko umai'u katu tuweharupi wà.

Jó 6:10

Aze mo akwaw a'e ma'e Tupàn hemiapo ràm, Apoapor mo herurywete haw rehe. Aze mo apuraraw ma'erahy tetea'u, Nezewe rehe we mo apoapor mo. Ta'e Tupàn ikatuahy a'e xe. Hemiapo kar paw ikatu ihewe.

Salmos 77:3

Tupàn rehe hema'enukwaw mehe azypyrog hekuhem pà ihe. Azypyrog ma'e rehe hema'enukwaw pà. A'e mehe azemumikahy.

2 Coríntios 7:6

A'e rupi, Tupàn umuryw kar uzemumikahy ma'e a'e, ta'e umur kar Xit urepyr a'e xe. A'e rupi urerurywete urepyr ihemaw rehe ure. Tupàn a'e, umur kar Xit urepyr a'e, uremurywete kar pà a'e, ta'e Tupàn umuryw kar uzemumikahy ma'e tuweharupi a'e wà xe.