Jó 14:3 - Tupàn zeꞌeg

³ Nuruiko kwaw ikàg ma'e romo. Màràzàwe tuwe erezekaiw urerehe. Naiko kwaw upuner ma'e romo. Màràzàwe tuwe hereraha pe nerenataromo.

Jó 14:3 ပူးပေါင်းရင်းမြစ်များ

Jó 13:25

Aiko ka'a huwer ywytu hemiraha zàwe ihe. Màràzàwe tuwe hemukyze kar pe ne. Nazawy kwaw pino uxinig ma'e. Màràzàwe tuwe nepurupuraraw kar wer ma'erahy rehe ihewe.

Jó 13:27

Erezàpixipixi hepy iko kyhàhàm tàtà ma'e pupe. Ereme'egatu heata haw nànàn. Ereme'e hepypor pe rupi heremizar nànàn no.

Jó 22:4

Nerenoz putar nerehe uzepyk pà nehe. Eremuwete katu Tupàn hehe nezeruze'eg pà. — Izo hemuwete katu a'e, a'e rupi ainoz putar hemiapo kwer imume'u pà nehe, hehe hezepyk pà nehe, ni'i kwaw Tupàn uzeupe.

Jó 9:32

Tupàn nuiko kwaw teko romo hezàwe. A'e rupi napuner kwaw ize'eg iwazar haw rehe izupe. Nurupuner kwaw urezeàmàtyry'ymaw imukatu haw rehe tàmuz wanenataromo.

Salmos 143:2

Aiko neremiruze'eg romo ihe. Ezepyk zo herehe heremiapo kwer hekuzaromo nehe. Xo ne zo nekatu. Naheta kwaw amo ikatu 'ym ma'e iapo 'ymar a'e wà.

Salmos 144:3

O Tupàn Tuweharupi Wiko Ma'e. Teko umàno amo 'ar mehe upaw rupi a'e wà. Nuiko kwaw ikàg ma'e romo wà. Màràzàwe tuwe nema'enukwaw wanehe. Màràzàwe tuwe erezekaiw wanehe.

Salmos 8:4

Màràzàwe tuwe nema'enukwaw teko wanehe. Na'ikàg kwaw wà. Màràzàwe tuwe umàno ma'e ràm wanehe erezekaiw.

Romanos 3:19

Kwehe mehe Tupàn umur uze'eg Moizez pe a'e. Moizez umuapyk a'e ze'eg pape rehe a'e. — Emume'u ko ze'eg zutew wanupe nehe, i'i Tupàn izupe. A'e rupi teko paw upuner ize'eg ikwaw paw rehe a'e wà kury. A'e rupi aze teko nuweruzar kwaw ize'eg wà nehe, a'e mehe a'e teko nupuner kwaw nezewe u'e haw rehe wà nehe. — Kwa, nakwaw kwaw Tupàn ze'eg ihe, nupuner kwaw u'e haw rehe wà nehe. A'e rupi amo 'ar mehe Tupàn i'i putar teko nànàn a'e nehe. — Pekwaw heze'eg, naperuzar kwaw, a'e rupi azepyk putar penehe ihe nehe kury, i'i putar wanupe nehe.