Jó 14:2 - Tupàn zeꞌeg

² Teko nuzawy kwaw ma'eputyr uzaw ire na'arewahy uxinig ma'e wà. Nuzawy kwaw i'àgaw wà no. Ukwaw ko rupi na'arewahy. Na'arewahy ukàzym no.

Jó 14:2 ပူးပေါင်းရင်းမြစ်များ

1 Crônicas 29:15

O Tupàn Tuweharupi Wiko Ma'e. Erekwaw ko ma'e ne. Ureipy a'e wà, ure ure no, uruiko amo ae ywy rehe har zàwenugar romo ure. Uruiko ko rupi ukwaw ma'e zàwenugar romo. Ure'ar nuzawy kwaw ma'e i'àgaw ko rupi ukwaw ma'e. Nurupuner kwaw uremàno àwàm wi urehemaw rehe.

Jó 15:33

Amo uwà'yw a'e, weityk u'a kwer iakyr mehe we a'e. Nuzawy kwaw agwer uwà'yw. Nuzawy kwaw uri 'yw uputyr heitykar.

Jó 4:20

Ku'em mehe zapuner zanereko haw rehe. Karuk mehe zàmàno zanereko wi 'ym pà. Ni amo nuzekaiw kwaw zanerehe wà.

Jó 8:9

Ta'e zazexak kar karumehe zane xe. Naxikwaw pixik kwaw ma'e zane. Zane'ar ywy rehe har upaw ma'e i'àgaw ài.

Salmos 102:11

Hereko haw nuzawy kwaw ma'e 'àg kwarahy heixe mehe har. Aiko ka'api'i uxinixinig ma'e ài.

Salmos 102:12

Ne Tupàn Tuweharupi Wiko Ma'e ereiko putar tuwihawete romo tuweharupi nehe. Teko wiko ma'e ràm wà, ima'enukwaw putar nerehe wà nehe.

Salmos 102:5

Hekuhemahy iteko. Xo hepir zo, xo hekàgwer zo heta ihewe. Hero'o kwer upaw.

Salmos 144:4

Teko nuzawy kwaw pytuhemaw wà. Waneko haw nuzawy kwaw ma'e'àg kwerupi ukwaw ma'e wà.

Salmos 37:2

Ukàzym putar na'arewahy ka'a uxinig ma'e kwer ài wà nehe, Ka'akyr umàno ma'e kwer ài wà nehe.

Salmos 39:5

Hereko haw ihewe nemur awer na'ipuku kwaw a'e. Hereko haw ipuku haw pixika'i nerenataromo. Azeharomoete teko waneko haw nuzawy kwaw pytuhemaw a'e.

Salmos 39:7

Hezar, ma'e apuner hàro haw rehe kury. Xo ne zo ereiko heremiàro romo ne.

Salmos 92:12

Teko nemuwete katu har iputyr putar inàzàràn 'yw ài wà nehe. Iaiha putar ywyràkàxigyw Irimano ywytyr rehe har ài wà nehe.

Salmos 92:7

Ikatu 'ym ma'e iapo har hezuz ka'a ài wà. Iaiw ma'e upuner hemetarer katu haw rehe wà. Nezewe rehe we eremumaw putar ne wà nehe.

Eclesiastes 8:13

— Nuzeapo katu kwaw ikatu 'ym ma'e wanupe nehe. Waneko haw upaw ma'e i'àgaw ài. Kwàkwàmo romo waneko mehe we, umàno putar wà nehe, ta'e nukyze kwaw Tupàn wi wà xe, i'i teko wà.

Tiago 4:14

Naxikwaw pixik kwaw zanereko àwàm pyhewe àràm zane. Zaiko ywyximorer ài. Ywyximorer uzexak kar e ko rupi a'e. Tàrityka'i ukàzym.

1 Pedro 1:24

Ta'e nezewe i'i Tupàn ze'eg kwehe arer a'e xe. Teko paw rupi a'e wà, Ka'api'i ài wanekon a'e wà. Wakàgaw wapuràgaw a'e wà, Nuzawy kwaw ka'api'i putyr a'e wà. Uxinig ka'api'i. Iputyr uxinig u'ar pà izuwi no.