Jó 14:15 - Tupàn zeꞌeg

¹⁵ Na'e herenoz putar pe nehe. Awazar putar neze'eg newe nehe. Nerurywete putar herehe nehe. Ta'e heapo pe ne xe.

Jó 14:15 ပူးပေါင်းရင်းမြစ်များ

Jó 10:3

Ne ae heapo pe ne. Màràzàwe tuwe ma'erahy ihewe ipuraraw haw ikatu newe. Màràzàwe tuwe heretykaw ikatu newe. Màràzàwe tuwe teko ikatu 'ym ma'e wanemiapo ikatu newe.

Jó 10:8

Nepo heapo. Umur herexakaw ihewe no. Ko 'ar rehe a'e nepo hemumaw iko kury.

Jó 13:22

O Tupàn, aze herenoz pe nerenataromo nehe, awazar putar neze'eg nehe. Aze ru'u ihe ràgypy aze'eg putar. Na'e erewazar putar heze'eg nehe.

Jó 14:14

Aipo amo wikuwe wi putar umàno re wà nehe. Ihe àro putar 'ar ikatu wera'u ma'e ihe nehe. Heremipuraraw ipaw ire apytu'u putar hàro re nehe.

Jó 7:21

Màràzàwe tuwe nereharaz ikatu 'ym ma'e heremiapo kwer wi. Màràzàwe tuwe neremunàn kwaw hekatu 'ymaw. Nan kwehe tete aiko putar hetym àwàm pupe ihe nehe. Herekar putar pe nehe. Naikuwe kwaw nehe.

Salmos 138:8

Erezapo putar ma'e neremimume'u kwer paw rupi nehe. O Tupàn Tuweharupi Wiko Ma'e, nepuruamutar haw nupaw pixik kwaw nehe. Erezypyrog nema'ereko haw iapo pà. Epytu'u zo iapo re nehe.

1 Tessalonicenses 4:17

Na'e Tupàn omono'og putar amogwer uzeruzar ma'e a'e 'ar mehe wikuwe ma'e a'e wà nehe, wanupir pà ywate a'e wà nehe, umàno ma'e kwer wapyr a'e wà nehe. Xiàwàxi putar Zanezar zaha ywak rehe zane nehe. Zapyta putar ipyr tuweharupi nehe.

1 Pedro 4:19

Pepuraraw ma'erahy peiko ko 'ar rehe, ta'e Tupàn numupytu'u kar kwaw teko a'e wà xe, ma'erahy peme ipuraraw kar ire a'e wà xe, ko 'ar rehe a'e wà xe. Napepyro kwaw ma'erahy wi ko 'ar rehe. Pezeruzar tuwe peapo arer rehe nehe, ikatu ma'e iapo pà tuweharupi nehe. — Apupyro putar ihe nehe, i'i zanewe. Zanepyro putar tuwe uze'eg rupi katete nehe amo 'ar mehe nehe.

1 João 2:28

Azeharomoete ko heze'eg ihe, hepurumuzàmuzàg wà. Zaneruwihawete ur putar nehe. Peiko hemiruze'eg romo nehe. A'e rupi teko wanuwa rupi uzexak kar mehe nehe, nazakyze kwaw izuwi zane nehe. Zanekàg putar nehe. Nazazeàmim kwaw izuwi a'e 'ar mehe nehe, tur mehe nehe, ta'e nazanemaranugar kwaw izuwi zane nehe xe, huwa rupi zane nehe xe.