Jó 14:10 - Tupàn zeꞌeg

¹⁰ Teko nuiko kwaw ywyra ài wà. Umàno mehe upaw wà. Wekwe imono re, ma'e pe oho putar wà nehe.

Jó 14:10 ပူးပေါင်းရင်းမြစ်များ

Gênesis 49:33

Wemiapo putar haw wa'yr wanupe imume'u re uzeàpàrirog wi Zako uker haw rehe umàno pà kury. Hekwe oho wànàm wapyr teko umàno ma'e kwer wapyta haw pe kury.

1 Crônicas 29:15

O Tupàn Tuweharupi Wiko Ma'e. Erekwaw ko ma'e ne. Ureipy a'e wà, ure ure no, uruiko amo ae ywy rehe har zàwenugar romo ure. Uruiko ko rupi ukwaw ma'e zàwenugar romo. Ure'ar nuzawy kwaw ma'e i'àgaw ko rupi ukwaw ma'e. Nurupuner kwaw uremàno àwàm wi urehemaw rehe.

Jó 10:18

O Tupàn, màràzàwe tuwe hemuzexak kar pe ne. Aze mo àmàno purupe hezexak kar 'ym mehe we, ikatu wera'u mo ihewe.

Jó 11:20

Ikatu 'ym ma'e uzareko ikatu ma'e hàro 'ym pà wà. Nuexak kwaw uzàn àwàm wà. Xo umàno àwàm zo uwàro waiko wà.

Jó 13:9

Aze upuranu penehe nehe, aipo ikatu putar nehe. — Zaneremu'em teko wanupe. Nezewegatete Tupàn pe nazapuner kwaw zaneremu'emaw rehe no.

Jó 14:12

Nezewegatete aze heta we ywak nehe, Urumàno putar upaw rupi katete ure nehe. Uruzapo putar ureker haw zàwenugar uremàno pà nehe. Nurupu'àm pixik kwaw a'e re nehe.

Jó 14:9

Nezewe rehe we aze ximono 'y pixik hehe nehe, hezuz wi putar nehe. Hàkà wi putar ywyra ipyahu ma'e ài nehe.

Jó 19:26

Hema'eahy haw uxi'uxi'u putar hepir paw rupi a'e nehe. Nezewe rehe we aexak putar Tupàn ko heretekwer pupe hereko mehe ihe nehe.

Jó 20:7

Nezewe rehe we upaw putar tuwe tanimuk ài nehe. Nukweraw kwaw nehe. Ikwaw parer nukwaw kwaw izupe uzeapo ma'e kwer wà.

Jó 3:11

Màràzàwe tuwe nazexak kar kwaw umàno ma'e kwer romo. Màràzàwe tuwe namàno kwaw hezexak kar mehe.

Jó 3:13

Aze mo àmàno a'e 'ar mehe we, Aker mo ko 'ar rehe. Apytu'u mo ma'erahy ipuraraw 'ym pà.

Jó 7:21

Màràzàwe tuwe nereharaz ikatu 'ym ma'e heremiapo kwer wi. Màràzàwe tuwe neremunàn kwaw hekatu 'ymaw. Nan kwehe tete aiko putar hetym àwàm pupe ihe nehe. Herekar putar pe nehe. Naikuwe kwaw nehe.

Provérbios 14:32

Ikatu 'ymaw weraha ikatu 'ym ma'e iaiw paw pe wà. Imunar 'ymaw uzekaiw ikatu ma'e wanehe.

Eclesiastes 3:20

Teko wiko putar ywy romo wà. Ma'ea'yr wiko putar ywy romo wà no. Zuawygatu waneko àwàm. Teko ur ywy wi wà. Uzewyr putar a'e pe wà nehe no. Ma'ea'yr ur ywy wi wà no. Uzewyr putar a'e pe wà nehe no.

Eclesiastes 3:21

— Teko hekwe uzeupir imàno re. Ma'ea'yr wezyw imàno re, i'i teko wà. Aipo upuner a'e ma'e ikwaw katu haw rehe wà.

Mateus 27:50

Uhapukazahy wi Zezuz a'e kury. Umàno kury.

Atos 5:10

A'e 'ar mehe we u'ar a'e kuzà Pet ipy huwake kury. Umàno a'e no. Kwàkwàmogwer wixe a'e 'ar mehe wà. Wexak hetekwer umàno ma'e kwer wà. Weraha wà, imen umàno ma'e kwer huwake itym pà wà.