Jó 13:5 - Tupàn zeꞌeg

⁵ A. Aze mo pepytu'u peze'eg ire, — Ma'ekwaw katu har, i'i mo teko peme wà.

Jó 13:5 ပူးပေါင်းရင်းမြစ်များ

Jó 11:3

Izo. — Nuwazar kwaw heze'eg ihewe wà nehe, aipo ere iko nezeupe. — Heze'eg urywahyahy haw umupytu'u kar herehe we har waze'eg ire nehe, aipo ere iko nezeupe.

Jó 13:13

Peze'eg zo kury. Aze'eg putar kury. Wyzài ma'e izeapo mehe aze'eg putar kury.

Jó 13:6

Peinu heremiapo kwer imume'u àwàm nehe kury. Pezekaiw heze'eg rehe nehe no.

Jó 16:3

Aipo ko peze'eg ywytu zàwenugar nupaw pixik kwaw nehe. Màràzàwe tuwe napepytu'u kwaw heputupyk ire.

Jó 18:2

Izo, màràzàwe tuwe nerepytu'u kwaw neze'eg ire. Epytu'u nehe ty. Ezeapyaka katu heze'eg rehe nehe. Nezewe mehe zapuner putar ma'e rehe zaneze'egaw rehe nehe.

Jó 19:2

Màràn 'ar pemumaw putar peze'egahy pà ihewe nehe, Hekutuk pà peze'eg pupe nehe.

Jó 21:5

Aze peme'e herehe nehe, Pemono putar pepo pezuru pupe pepytuhegatu pà nehe.

Jó 32:1

Izo ukwaw weko haw a'e. — Naiko kwaw ikatu 'ym ma'e iapo har romo ihe, i'i uzeupe. A'e rupi imyrypar upytu'u ikatu 'ymaw imume'u re izupe wà kury.

Jó 32:16

Upytu'u uze'eg ire wà kury. Nuze'eg wi kwaw wà nehe. Waze'eg 'ym mehe, aipo àro putar aha teko nehe.

Provérbios 17:28

Te iranaiw ma'e nuzawy kwaw ma'e kwaw katu har a'e, aze nuze'eg kwaw a'e.

Eclesiastes 5:3

Aze erezemupy'a tetea'u nereko haw rehe nehe, nepuahu haw iaiw ma'e tetea'u uhem putar newe nehe. Aze ereze'eg tetea'u nehe, neranaiw haw tetea'u eremume'u putar nehe.

Amós 5:13

Ma'e kwaw katu har numume'u kwaw pekatu 'ymaw wà, ta'e tuwihaw paw na'ikatu kwaw ko 'ar rehe a'e wà xe.

Tiago 1:19

Peruzar ko ze'eg nehe, herywyr heremiamutar wà. Aze amo umume'u Tupàn ze'eg nehe, pezeapyaka katu hehe nehe. Aze napekwaw katu kwaw Tupàn ze'eg nehe, pemume'u zo ize'eg peho tàrityka'i amo pe nehe. Amo wikwahy tàrityka'i wyzài ma'e rehe wà. Peiko zo wazàwe nehe.