Jó 13:4 - Tupàn zeꞌeg

⁴ Penemu'em pema'ekwaw 'ymaw imim pà. Peiko muhàg kwaw par teko imukatu 'ymar ài.

Jó 13:4 ပူးပေါင်းရင်းမြစ်များ

Neemias 6:8

Amono kar ko heze'eg izupe. — Neremume'u kwaw ni pitài ze'eg azeharomoete har. Xo temu'emaw zo eremume'u iko, a'e izupe.

Jó 16:2

Agwer ma'e ainu kwehe mehe ihe. Nahemurywete kar kwaw pe. Hemuzemumikahy kar pe.

Jó 27:12

Nan. Namume'u kwaw nehe, ta'e pexak a'e ma'e paw rupi xe. Màràzàwe tuwe pepyta xe iranaiw ma'e ài peze'eg pà.

Jó 6:15

Pe hemyrypar pe, Nahepytywà kwaw pe. Azemumikahy peze'eg henu mehe. Peiko yrykaw kwarahy mehe typaw ma'e kwer ài ihewe.

Jó 6:20

Uhem mehe uzemumikahy paw rupi wà. Hàrogatu haw umàno wanuwi a'e pe.

Jó 6:21

Peiko a'e yrykaw ài. Pexak ma'erahy heremipuraraw. A'e rupi pekyze.

Salmos 119:69

Amo wanuwi wiko wera'u ma'e umume'u wemu'emaw hekutyr wà. Hepy'a pe wahy haw rupi aruzar neremiapo kar ihe.

Êxodo 20:16

Penemu'em zo amo pe penapi har hemiapo kwer rehe nehe.

Jeremias 23:32

Peinu katu ko ze'eg heremimume'u nehe. Aiko Tupàn Tuweharupi Wiko Ma'e romo ihe. Amo heze'eg imume'u har upuahu wà. Wapuahu haw tynehem temu'emaw pupe. Nezewe rehe we umume'u teko wanupe wà. Umume'u a'e upuahu awer wà, temu'emaw imume'u pà ukatu haw imume'u pà heremiaihu wanupe pe iawy kar pà wà. Ihe namono kar kwaw a'e awa teko wanupe. Naiko kwaw wamono kar har romo. Nupytywà pixik kwaw heremiaihu wà. Ihe Tupàn Tuweharupi Wiko Ma'e aze'eg nezewe kury.

Jeremias 30:13

Naheta kwaw penehe uzekaiw ma'e wà. Naheta kwaw muhàg peperew pe. Naheta kwaw pemukatu àwàm hàro haw.

Jeremias 46:11

Teko Ezit ywy rehe har wà, peho Zireaz pe no. Pekar muhàg peho nehe. Pepuhàg paw na'ikatu kwaw. Ta'e naheta kwaw pema'eahy haw wi pemukatu haw xe.

Jeremias 6:14

Teko upuraraw ma'erahy wà. Wanuwihaw nuzekaiw kwaw wanemipuraraw rehe wà. — Ikatuahy paw rupi, i'i wà. Azeharomoete paw rupi iaiw.

Jeremias 8:22

Aipo naheta kwaw muhàg Zireaz pe kury. Aipo naheta kwaw muhàg kwaw par a'e pe. Heta. Màràzàwe tuwe numukatu kar kwaw heànàm wà.

Ezequiel 34:4

Napemukàg kwaw ikàg 'ym ma'e pe wà. Napemukatu kar kwaw ima'eahy ma'e pe wà. Napemono kwaw muhàg waperew rehe. Napekar kwaw upeawy ma'e kwer wà. Napekar kwaw ukàzym ma'e kwer wà. Nan. Perekoahy àràpuhàràn ma'erahy ipuraraw kar pà wanupe. Pekutuk pe wà.

Oséias 5:13

Izaew uma'eahy haw hexak mehe a'e wà, Zuta wexak uzekutuk awer a'e wà no. Na'e Izaew oho Axir wanuwihawete ikàg ma'e pe wà. — Urepytywà pe nehe, i'i oho izupe wà. Axir wanuwihawete nupuner kwaw Izaew wamukatu haw rehe. Nupuner kwaw wakutuk awer imuke'e haw rehe.

Marcos 2:17

Wenu Zezuz waze'eg mehe, uze'eg wanupe. — Ima'eahy 'ym ma'e nuzexak kar kwaw oho muhàg kwaw par pe a'e wà. Xo ima'eahy ma'e zo oho muhàg kwaw par pe wà. Nezewegatete nazur kwaw xe teko ikatuahy ma'e wanenoz pà ihe, heremiruze'eg romo wamuigo kar pà ihe. Ikatu 'ym ma'e iapo har ainoz putar hezeupe ihe wà nehe, heremiruze'eg romo wamuigo kar pà ihe wà nehe, i'i wanupe.

Marcos 5:26

Muhàg kwaw par a'e wà, omono zepe muhàg izupe a'e wà. Ima'eahy wera'u a'e re. Umumaw e wemetarer imukàzym mà muhàg hekuzaromo. U'u zepe muhàg paw. Numukatu kwaw. Ima'eahy wi wi.