Jó 13:28 - Tupàn zeꞌeg

²⁸ Nezewe mehe apaw aha iteko ywyra kupi'i hereko har ài. Nazawy kwaw kamir yhok tetea'u wanemi'u kwer no.

Jó 13:28 ပူးပေါင်းရင်းမြစ်များ

Jó 17:14

— Hetymaw wiko heru romo, a'e putar nehe. Merua'yr wiko hehy romo wà, hereinyr romo wà.

Jó 2:7

Na'e Zurupari uhem Tupàn Tuweharupi Wiko Ma'e henatar wi kury. Omono perew tetea'u Izo hetekwer rehe. Upyk ipy wi te iàkàg rehe.

Jó 4:19

Aipo erezeruzar putar teko wanehe nehe. Wiko ywyzuwa iapo pyrer romo wà. Tupàn umuzuwazuwa ywy iku'i kwer teko romo iapo pà. Wiko pànàmiràn zàwe wà. Wyzài upuner wakamikamikaw rehe wà.

Jó 7:5

Merua'yr upyk heretekwer wà. Heperew ike'e haw hepyk a'e wà no. Hepir oxorok. Uhem ipewer izuwi.

Salmos 39:11

Eremume'u ureremiapo kwer ikatu 'ym ma'e urewe. Nezewe erezepyk urerehe, ureremiapo kwer ikatu 'ym ma'e hekuzaromo. Ereiko pànàmiràn ài ne, ureremiamutar katu pe ne. Eremumaw a'e ma'e urewi. Azeharomoete teko wiko pytuhemaw ài wà.

Salmos 39:12

O Tupàn Tuweharupi Wiko Ma'e, herenu pe newe heze'eg mehe nehe. Ezeapyaka katu ma'e newe henoz mehe nehe. Epytu'u zo ihewe neze'eg ire hezai'o mehe. Amumaw xo màràn 'ar zo neràpuz me upyta ma'e romo ihe, Heipy wazàwe ihe.

Isaías 50:9

Zanezar Tupàn Tuweharupi Wiko Ma'e hepytywà hepyro pà heàmàtyry'ymar wanuwi. A'e rupi ni amo nupuner kwaw herehe uzepykaw rehe wà nehe. Heàmàtyry'ymar paw ukàzym putar wà nehe. Nuzawy kwaw topoz ykyzu wanemi'u kwer wanemimumaw kwer a'e wà.

Oséias 5:12

Ykyzu umuaiw ma'e a'e wà. Nezewegatete amuaiw putar Izaew ihe wà nehe no. Ima'eahy haw iaiw ma'e upuruzuka tuwe a'e. Nezewegatete amumaw putar Zuta ihe nehe no.

Números 12:12

Amo kuzà imemyr uzexak kar umàno ma'e kwer romo a'e wà. Hetekwer nuhyk kwaw izexak kar mehe wà. Emuigo kar zo Mirià agwer ma'e romo nehe, i'i izupe.

Tiago 5:2

Penemetarer upaw putar pewi nehe. Pema'e penemi'u ipuga putar nehe no. Ykyzu u'u putar pekamir pewi wà nehe no.