Jó 13:12 - Tupàn zeꞌeg

¹² Pema'enukwaw ze'eg kwehe arer rehe. Nuzawy kwaw tanimuk. Xityk imono. Tàpuz ipywahy ma'e nupurupyro kwaw zauxiapekwer wanuwi. Peiko tàpuz ywyzuwa iapo pyrer ài. Napekàg kwaw.

Jó 13:12 ပူးပေါင်းရင်းမြစ်များ

Gênesis 18:27

Uze'eg wi Àmàrààw izupe kury. — Aze'eg wi putar nehe kury. Aze heze'eg àwàm na'ikatu kwaw nehe, ezepyk zo herehe nehe, ta'e ereiko teko paw wazar romo ne xe. Ihe aiko umàno ma'e ràm ikàg 'ym ma'e romo ihe.

Gênesis 2:7

Na'e Tupàn umuapu'a ywy ku'i kwer awa romo iapo pà a'e kury. Nuikuwe kwaw awa a'e rihi. Upy Tupàn awa iapygwar rupi ywytu purumuigo kar ma'e imono pà izupe kury. Nezewe mehe wiko wikuwe ma'e romo a'e kury.

Jó 13:11

Tupàn uhua'u haw umynehem putar wakyze haw pupe a'e wà nehe. Ipurumukyzeahy haw u'ar putar penehe nehe.

Jó 13:13

Peze'eg zo kury. Aze'eg putar kury. Wyzài ma'e izeapo mehe aze'eg putar kury.

Jó 18:17

Ni amo na'ima'enukwaw pixik kwaw hehe wà nehe. Izywy rehe har heharaz putar her wi a'e wà nehe no.

Jó 21:34

Hemyrypar wà, peze'eg nahemurywete kar kwaw. Penemu'em peze'eg mehe.

Jó 27:1

Izo uze'eg putar a'e nehe kury.

Jó 29:1

Izo uze'eg putar a'e nehe kury.

Jó 4:19

Aipo erezeruzar putar teko wanehe nehe. Wiko ywyzuwa iapo pyrer romo wà. Tupàn umuzuwazuwa ywy iku'i kwer teko romo iapo pà. Wiko pànàmiràn zàwe wà. Wyzài upuner wakamikamikaw rehe wà.

Salmos 102:12

Ne Tupàn Tuweharupi Wiko Ma'e ereiko putar tuwihawete romo tuweharupi nehe. Teko wiko ma'e ràm wà, ima'enukwaw putar nerehe wà nehe.

Salmos 109:15

Tuwe Tupàn Tuweharupi Wiko Ma'e ima'enukwaw wanemiapo kwer ikatu 'ym ma'e rehe nehe. Tuwe teko heharaz iapo arer wanuwi wà nehe.

Salmos 34:16

Wiko ikatu 'ym ma'e iapo har waàmàtyry'ymar romo a'e. A'e rupi, wamàno re amo teko heharaz wanuwi na'arewahy wà.

Êxodo 17:14

Na'e Tupàn Tuweharupi Wiko Ma'e uze'eg Moizez pe kury. — Emuapyk ko ma'e uzeapo ma'e kwer imume'u haw pape rehe nehe. Nezewe mehe teko ima'enukwaw putar hehe wà nehe. — Tupàn umumaw putar tuwe Amarek izuapyapyr a'e wà nehe, ere Zuzue pe nehe.

Provérbios 10:7

Teko ima'enukwaw putar ikatu ma'e wanehe a'e wà nehe. — Ze'egatu zàwenugar romo wanekon zanewe a'e wà, i'i putar wanupe wà nehe. Teko heharaz putar ikatu 'ym ma'e wanuwi na'arewahy wà nehe.

Isaías 26:14

A'e teko umàno wà. Nuzewyr kwaw wikuwe wi pà wà nehe. Nuzawy kwaw ma'e 'àgaw wà. Nukweraw wi pixik kwaw wà nehe ta'e erezepyk wanehe ne xe. Eremumaw ne wà. Ni amo na'ima'enukwaw kwaw wanehe ko 'ar rehe wà.

2 Coríntios 5:1

Zaneretekwer nuzawy kwaw zaneràpuz a'e. Aze zaneata wer amo me nehe, xizar zaneràpuz. Nezewegatete zanemàno mehe nehe, Tupàn pe zaneho mehe nehe, xizar putar zaneretekwer nehe. Tupàn uzapo putar zaneràpuz ràm a'e nehe, uzepyr ywate a'e nehe. Nupaw pixik kwaw zaneràpuz a'e pe har zanewi nehe.