Jó 12:5 - Tupàn zeꞌeg

⁵ Ikàg ma'e uze'eg zemueteahy iaiw haw pupe u'ar ma'e kwer wanehe wà. Umuàzàn u'ar etea'i ma'e ràm wà no.

Jó 12:5 ပူးပေါင်းရင်းမြစ်များ

Jó 12:4

Hemyrypar upuka herehe wà. Aiko imunar 'ym ma'e romo. Aiko ikatu 'ym ma'e iapo 'ymar romo. Kwehe mehe aze'eg teko Tupàn pe. Uwazar heze'eg ihewe a'e.

Jó 12:6

Imunar ma'e wiko ikatu haw rehe wàpuz me wà. Tupàn henataromo ikatu 'ym ma'e iapo har wikuwe uzemupy'a 'ym pà wà. Wakàgaw uzeapo wazar romo.

Jó 16:4

Aze mo pepuraraw ma'erahy peiko hezàwe, Apuner mo peze'egaw imume'u haw rehe. Azeàkàgmuawawak mo ma'e kwaw katu har ài. Apukamikamik mo heze'eg tetea'u pupe no.

Jó 18:5

Tatainy uwew e a'e. Nezewegatete iaiw ma'e heko haw upaw putar nehe no. Nuzawy kwaw tata ukaz 'ym ma'e heny haw.

Jó 6:5

Zumen hurywete ka'api'i i'u mehe a'e. Tapi'ak nuze'egahy kwaw a'e, aze heta ka'api'i izupe a'e.

Salmos 17:5

Tuweharupi ata nerape rupi. Nerape wi napiaw kwaw.

Salmos 94:18

O Tupàn Tuweharupi Wiko Ma'e, hemàno haw 'ar uhem etea'i mehe, Nepuruamutar katu haw hemupu'àm kar he'ar 'ym mehe we.

Provérbios 13:9

Awa ikatu ma'e wiko tatainy heny katu ma'e ài wà. Ikatu 'ym ma'e wiko tatainy uweuwew ma'e ài wà.

Provérbios 20:20

Aze eremono ze'egaiw neru rehe nehy rehe nehe, nereko haw uwew putar tatainy ipytunaw rehe har ài nehe.

Jeremias 13:16

Pemume'u penemiapo kwer ikatu 'ym ma'e Tupàn Tuweharupi Wiko Ma'e pezar pe nehe, pytunahy haw imur 'ym mehe we nehe. Aze ipytunahy nehe, pezepyapi putar ywytyruhu rehe nehe. Peàro tatainy peiko. Nezewe rehe we uzapo putar tatainy ma'e'àgaw ipytun ma'e romo nehe. Uzapo putar ipytunahy haw romo nehe.

Mateus 25:8

Na'e kuzàwaza ma'e kwaw 'ymar uze'eg ma'e kwaw par wanupe wà kury. — Pemur tatainy ipor urewe rihi kyn wà, ta'e ureratainy uwew etea'i ure 'y, i'i zepe wanupe wà.

Lucas 12:19

Na'e a'e putar hezeupe nehe. — Kwa, ma'e paw ikatuahy ihewe kury, a'e putar hezeupe nehe, i'i uzeupe. — Uhyk tuwe ma'e ihewe kury. Kwehe naputar kwaw amo ma'e ihe nehe. Apytu'u putar hema'ereko re nehe. Amai'u putar nehe, win i'u pà nehe no, ikatuahy putar hereko àwàm ihewe nehe, i'i uzeupe.

Deuteronômio 32:35

Tupàn uzepyk putar nehe. Umekuzar putar nehe. Ur putar amo 'ar nehe. A'e 'ar mehe iàmàtyry'ymar u'ar putar wà nehe. Iaiw haw wanehe i'ar haw 'ar uhem iko na'arewahy a'e.