Jó 12:24 - Tupàn zeꞌeg

²⁴ Umue'o kar teko wanuwihaw wà. Weraha ywyxiguhu rehe pe heta 'ymaw rupi no.

Jó 12:24 ပူးပေါင်းရင်းမြစ်များ

Jó 12:20

Tupàn umupytu'u kar pureruze'eg ma'e waze'eg ire wà. Umumaw tua'uhez wama'ekwaw katu haw wanuwi no.

Jó 17:4

Erewàpytym a'e upuka ma'e wama'enukwaw paw wanuwi ne. Nezewe mehe nukwaw katu kwaw ma'e wà. Hereityk kar zo pe wanupe nehe.

Salmos 107:4

Amo peipy wata e oho waiko ywyxiguhu rehe wà. Nuexak kwaw tawhu weko àwàm wà.

Salmos 107:40

Tuwihaw Tupàn hemiaihu waneityk arer wà, iro Tupàn pe wà. Wexak kar Tupàn wikwahy haw wanupe kury. Umuata e kar a'e tuwihaw waneraha ywyxiguhu teko heta 'ymaw rehe wà.

Salmos 59:12

Tuweharupi uze'eg mehe heàmàtyry'ymar uzapo ikatu 'ym ma'e a'e wà. Wiko wera'u amo wanuwi a'e wà. Tuwe waneko wera'u haw upaw nehe. Omono ze'egaiw amo teko wanehe wà. Hemu'em wà no.

Isaías 19:1

Na'aw Tupàn ze'eg Ezit ywy rehe zepyk àwàm xe kury. Tupàn Tuweharupi Wiko Ma'e ywàkun rehe wapyk ma'e oho iko tàrityka'i Ezit ywy rehe kury. Tupàn a'ua'u a'e ywy rehe har uryryryryz putar henataromo wà nehe. Ezit ywy rehe har paw ukyze putar izuwi wà nehe.

Daniel 4:12

Huwer ipuràg eteahy. I'a tetea'u no. Teko ywy nànànar upuner i'a kwer i'u haw rehe wà, te uhyk wanupe. Miar upytu'u i'àgaw pe wà. Wiràmiri uzapo waity hàkà rehe wà. Wikuwe ma'e paw u'u i'a kwer wà.

Daniel 4:13

Apuahu we ihe rihi. Na'arewahy aexak Tupàn heko haw pe har ume'egatu ma'e. Wezyw ywak wi a'e kury.

Daniel 4:16

He'o putar nehe. Ima'enukwaw putar ma'e rehe miar ài nehe. Umumaw putar 7 kwarahy nezewe wiko pà nehe.

Daniel 4:33

A'e 'ar mehe we Namukononozor rehe Tupàn izepykaw uzypyrog a'e kury. Omono kar teko wamyter wi. Uzypyrog ka'api'i i'u pà tapi'ak ài. Uker katu pe. Zuwiri umuàkym. I'aw ipuku. Nuzawy kwaw wiràhu hawer. Ipoàpe ipukua'u no. Nuzawy kwaw kàkà ipyàpe.

Oséias 7:11

Izaew nuzawy kwaw pyku'i iranaiw ma'e wà. Oho Ezit pe upytywà àwàm henoz pà wà. A'e re oho Axir pe upytywà àwàm henoz pà wà no.