Jó 11:6 - Tupàn zeꞌeg

⁶ Nemu'e mo ma'ekwaw katu haw rehe a'e. Ta'e heta ma'e temigwaw 'ym tetea'u xe, ma'e imume'u haw inuromo xe. Nezewe mehe mo erexak Tupàn nerehe izepykaw. Nerehe izepykaw ipixika'i. Upuner mo zepykaw uhua'u ma'e pupe nerehe uzepykaw rehe, ta'e uhua'u neremiapo kwer ikatu 'ym ma'e xe.

Jó 11:6 ပူးပေါင်းရင်းမြစ်များ

Esdras 9:13

Erezepyk urerehe ureremiapo kwer ikatu 'ym ma'e hekuzaromo ne, iaiw ma'e tetea'u imuzeapo kar pà urewe ne. Uhua'u ureremiapo kwer ikatu 'ym ma'e. Nezewe rehe we urukwaw ko ma'e ure. Urerehe nezepyk awer ipixika'i wera'i urekatu 'ymaw wi. Na'urezuka kwaw pe ne. Uremuigo kar wiwi pe ne.

Jó 11:5

Aze mo Tupàn uze'eg, ikatu mo ihewe. Aze mo uwazar neze'eg newe, ikatu mo ihewe.

Jó 12:13

Tupàn ukwaw katu ma'e a'e. Upuner katu no. Heta ma'e kwaw katu haw hehe. Ukwaw ma'e a'e.

Jó 15:11

Tupàn ipurumurywete kar wer nerehe. Màràzàwe tuwe nereputar kwaw nemurywete kar àwàm. Uruze'egatu uruiko newe her rehe.

Jó 15:5

Ereze'eg nezewe ta'e ikatu 'ym ma'e iapo har romo ereiko ne xe. Neremu'em amo wanupe neze'eg mehe.

Jó 15:8

Aipo erekwaw Tupàn hemiapo ràm imume'u pyr 'ym ne. Aipo xo ne zo ereiko ma'e kwaw katu har romo.

Jó 22:5

Nerenoz putar a'e nehe, ta'e erezapo ikatu 'ym ma'e tetea'u ne xe. Teko nupuner kwaw nekatu 'ym awer ipapar haw rehe wà.

Jó 28:28

Na'e uze'eg teko wanupe. — Aze peneko wer ma'e kwaw katu har romo nehe, pekyze pezar wi nehe. Aze pepurukwaw katu wer ma'e rehe nehe, petyryk ikatu 'ymaw wi nehe no, i'i wanupe.

Jó 33:12

Erezawy, a'e newe kury. Ta'e Tupàn uhua'u wera'u wemiapo kwer wanuwi a'e xe, teko wanuwi a'e xe.

Jó 9:4

Ohoete ima'e kwaw katu haw 'yryhu ài. Ipuner haw uhua'u a'e no. Mo upuner iàmàtyry'ymaw rehe wà. Mo upuner heitykaw rehe wà.

Salmos 103:10

Xiapo ikatu 'ym ma'e zane. Nezewe rehe we Tupàn Tuweharupi Wiko Ma'e nuzepyk kwaw zanerehe a'e, ikatu 'ym ma'e iapo har wanehe uzepykaw zàwe a'e. Numekuzar kwaw zaneremiapo kwer ikatu 'ym ma'e zanerehe uzepykaw pupe a'e.

Salmos 25:14

Aze teko ukyze izuwi wà, Tupàn Tuweharupi Wiko Ma'e wiko wamyrypar romo a'e. Umu'e a'e teko uze'eg iapo katu pyrer rehe wà no.

Lamentações de Jeremias 3:22

Tupàn puruamutar katu haw nupaw kwaw a'e. Ikatu haw nupaw pixik kwaw.

Daniel 2:28

Heta pitài tupàn ywak rehe. Umume'u ma'e ikwaw pyr 'ym a'e. Tupàn nemupuahu kar ma'e uzeapo ma'e ràm hexak kar pà newe a'e. O tuwihawete, amume'u putar nepuahu awer neker mehe arer newe nehe kury. Amume'u putar nepuahu awer zàwenugar neker mehe arer newe nehe no.

Daniel 2:47

Na'e uze'eg Taniew pe kury. — Tupàn penemimuwete a'e, upuner wera'u amogwer tupàn wanuwi upaw rupi katete azeharomoete a'e. Wiko tuwihawete paw wazar romo no. Wiko ma'e ikwaw pyr 'ym imume'u har romo. Akwaw heko haw. Ta'e eremume'u hepuahu awer ikwaw pyr 'ym ikwaw kar haw ihewe ne xe.

Mateus 13:35

Ta'e nezewe i'i Tupàn ze'eg imume'u har kwehe arer a'e xe. — Aze apurumu'e ihe nehe, amume'u putar ma'emume'u haw purupe nehe. Ma'e ikwaw pyr 'ym amume'u putar wanupe nehe. Ywy iapo mehe arer we te ko 'ar rehe kury, teko nukwaw pixik kwaw agwer ma'e a'e wà.

Efésios 3:5

Kwehe mehe Tupàn numume'u kwaw a'e ma'e teko wanupe a'e. Xo ko 'ar rehe kury, Hekwe umume'u iko uze'eg imume'u har wanupe kury, Zaneruwihawete hemimono karer wanupe kury.

Deuteronômio 29:29

Heta ma'e zaneremigwaw 'ym. Tupàn Tuweharupi Wiko Ma'e Zanezar wiko a'e ma'e izar romo a'e. Ukwaw kar amo ma'e zanewe. Ukwaw kar uze'eg zanewe. Xiruzar a'e ze'eg tuweharupi nehe. Tuwe zanezuapyapyr weruzar a'e ze'eg tuweharupi wà nehe no. Uzapo a'e ma'e uze'eg paw heruzar kar pà zanewe.