Jó 11:20 - Tupàn zeꞌeg

²⁰ Ikatu 'ym ma'e uzareko ikatu ma'e hàro 'ym pà wà. Nuexak kwaw uzàn àwàm wà. Xo umàno àwàm zo uwàro waiko wà.

Jó 11:20 ပူးပေါင်းရင်းမြစ်များ

Jó 12:1

Wazar Izo waze'eg wanupe kury.

Jó 17:5

Nezewe i'i teko wà. — Aze amo uzapo ikatu 'ym ma'e umyrypar wanupe temetarer ipyhyk pà wà nehe, Iapo arer ima'uhez putar wà nehe, i'i wà.

Jó 18:14

Wiko katu wàpuz me. Amo ozo'ok hàpuz wi tuwihawete màno haw her ma'e henataromo heraha pà wà.

Jó 27:22

Na'arewahy ur putar ikutyr ipuhareko 'ym pà. Uzapo ma'e tetea'u uzepyro pà ywytu wi.

Jó 27:8

Tupàn o'ok putar hehe uzeruzar 'ym ma'e waneko haw wanuwi nehe. Ma'e wàro putar i'ok ire wà nehe.

Jó 3:21

Uwàro umàno àwàm waiko wà. Nur kwaw a'e. Uputar umàno àwàm temetarer tetea'u wi wà. Nezewe rehe we nur kwaw wanupe.

Jó 3:22

Uzetymaw pupe uwezyw mehe hurywete wà. Hurywete azeharomoete wà.

Jó 31:16

Napytu'u pixik kwaw hemetarer 'ym ma'e wapytywà re ihe. Namuzai'o pixik kar kwaw kuzà imen umàno ma'e kwer ihe wà, ma'e hereko 'ym mehe ihe wà.

Jó 34:22

Aze ikatu 'ym ma'e iapo har izeàmim wer Tupàn wi, wekar wyzài ipytunahy haw. Nezewe rehe we nupuner kwaw uzeàmimaw rehe izuwi.

Jó 6:9

A'e mehe mo o'ok mo hereko haw ihewi. Heàmàtyry'ym mo hemumaw pà no.

Salmos 142:4

Ame'e hezeake. Naexak kwaw hepytywà har. Naheta kwaw hepyro har wà. Naheta kwaw herehe uzekaiw ma'e wà.

Salmos 69:3

Heze'eg myaw ihe, ta'e ahapukaz tetea'u ihe xe. He'az uxinigahy ihewi. Hereha ikene'o, ta'e aikar tuwe hezar tuweharupi ihe xe. Àro hepyro àwàm.

Provérbios 10:24

Aze ikatu 'ym ma'e ukyze amo ma'e uzeapo ma'e ràm wi nehe, uzeapo putar a'e ma'e azeharomoete nehe. Teko ikatu ma'e umuzeapo kar wemimutar.

Provérbios 10:28

Ikatu ma'e wanemiàro werur turywete haw wanupe. Ikatu 'ym ma'e wanemiapo ràm nuzeapo katu kwaw wà.

Provérbios 20:20

Aze eremono ze'egaiw neru rehe nehy rehe nehe, nereko haw uwew putar tatainy ipytunaw rehe har ài nehe.

Jeremias 25:35

Teko wanuwihaw nuhem kwaw umàno haw wi wà nehe, nuzepyro kwaw wà nehe.

Lamentações de Jeremias 4:17

Zame'e, te zanekene'o. Xiàro zanepytywà haw. Nuhem pixik kwaw. Zazeruzar teko amo ywy rehe har wanehe. — Zanepytywà putar a'e wà nehe, za'e zepe wanupe. Nupuner kwaw wà.

Levítico 26:16

a'e mehe azepyk putar penehe nehe. Amono kar putar ikatu 'ym ma'e penehe nehe: iaiw haw, ma'eahy haw, taku haw purumuagaiw ma'e teko wakàgaw henuhemaw. Pezutym e putar ma'eà'yz peko pe nehe. Peàmàtyry'ymar u'u putar hezuz ma'e wà nehe.

Amós 2:14

Uzàn katu ma'e nupuner kwaw zepykaw wi uhemaw rehe wà nehe. Ikàg ma'e weityk putar ukàgaw paw wà nehe. Ukyze 'ym ma'e nuzepyro kwaw umàno haw wi wà nehe.

Deuteronômio 28:65

Napeiko katu kwaw a'e ywy rehe nehe. Napeiko kwaw pekyze 'ym pà nehe. Tupàn Tuweharupi Wiko Ma'e pemynehem putar ma'erahy pupe nehe. Napexak kwaw katu haw nehe. Pekyze putar tuweharupi nehe.

Hebreus 2:3

Tupàn ikatuahy a'e, ta'e upurupyro iko tatahu wi a'e xe, ikatu 'ym ma'e wi a'e xe. Aze nazazekaiw kwaw a'e zepyro haw rehe nehe, nazapuner kwaw zanehemaw rehe zepykaw wi nehe. Zanezar ràgypy umume'u a'e zepyro haw a'e, ko ywy rehe wiko mehe a'e. Henu har a'e wà, umume'u zanewe a'e wà no. — Azeharomoeteahy ko ureze'eg ure, i'i zanewe wà, Zezuz ze'eg imume'u mehe zanewe wà.