Jó 11:18 - Tupàn zeꞌeg

¹⁸ Nereko haw ikatu putar nehe. Tynehem putar ma'e hàrogatu haw pupe nehe no. Tupàn nepyro putar katu 'ymaw wi nehe. Ereker katu putar ma'e rehe nezemupy'a 'ym pà nehe no.

Jó 11:18 ပူးပေါင်းရင်းမြစ်များ

Jó 11:17

Nereko haw uhyape katu wera'u putar kwarahy wapytepe hin mehe har wi nehe. Ne'ar ipytunahy wera'u ma'e a'e, nuzawy kwaw kwarahy uhem romo ma'e kwer nehe no.

Jó 11:19

Nepytu'u mehe ni amo ma'e nanemukuhem kwaw nehe. Teko tetea'u ur putar upytywà àwàm henoz pà newe wà nehe no.

Jó 6:11

Nahekàg kwaw ihe. Màràzàwe tuwe aikuwe ihe. Naheta kwaw ma'e hàrogatu haw ihewe.

Jó 7:6

He'ar upaw na'arewahy. Nuzawy kwaw pàn ipyahaw. Na'arew uzàn oho. He'ar uhem oho ihewi ma'eràro katu haw hezar 'ym pà. Hereko haw nuzawy kwaw ywytu.

Salmos 127:2

Aze amo uma'ereko tetea'u wemi'u ràm imono'og pà, Aze upu'àm izi'itahy, aze u'aw wi oho xo pyaze mehe, uma'ereko e a'e. Ta'e Tupàn omono temi'u wemiamutar katu wanupe a'e xe. Te waker mehe Tupàn uzapo ikatu ma'e wemiaihu pe.

Salmos 3:5

A'aw ihe. Aker katu ihe no. Ame'e wi heker ire, ta'e Tuweharupi Wiko Ma'e uzekaiw katu herehe a'e xe.

Salmos 4:8

He'aw mehe aker zeàmàtyry'ym 'ymaw rehe ihe. Ta'e ne, o Tupàn Tuweharupi Wiko Ma'e, hemuigo kar pe muite ikatu 'ymaw wi ne xe.

Salmos 43:5

Màràzàwe tuwe azemumikahy ihe. Màràzàwe tuwe naherurywete kwaw. Nezewe rehe we àro putar Tupàn ikatu ma'e hemiapo ràm ihe nehe. Amume'u putar ikatu haw teko wanupe ihe nehe no. Wiko hepyro har romo hezar romo a'e.

Provérbios 14:32

Ikatu 'ymaw weraha ikatu 'ym ma'e iaiw paw pe wà. Imunar 'ymaw uzekaiw ikatu ma'e wanehe.

Colossences 1:27

Nezewe Tupàn uzapo putar nehe. Ipurukwaw kar wer uze'eg ikwaw pyr 'ym rehe wemiruze'eg wanupe. Ikatuahy a'e ze'eg, teko hurywete henu mehe wà. Umume'u kar iko teko nànàn kury. Ai'aw ize'eg awer ikwaw pyr 'ym xe kury. Zaneruwihawete a'e, peinuromo hekon a'e. A'e rupi peiko putar ikàg ma'e romo ipuràg eteahy ma'e romo Tupàn ài nehe, i'i a'e ze'eg ikwaw pyr 'ym.