Jó 11:14 - Tupàn zeꞌeg

¹⁴ Eityk ikatu 'ymaw nepo imupihunar nehe. Emupyta kar zo katu 'ymaw neràpuz me nehe.

Jó 11:14 ပူးပေါင်းရင်းမြစ်များ

Gênesis 4:7

— Aze mo erezapo ikatu ma'e, nerurywete mo, i'i izupe. — Erezapo ikatu 'ym ma'e. A'e rupi ikatu 'ymaw upyta neràro pà neràpuz hukenaw huwake a'e kury. Heko wer nezar romo a'e kury. Aze erepuner nehe, eityk nehe, i'i izupe.

2 Reis 17:13

Tupàn Tuweharupi Wiko Ma'e omono kar uze'eg heraha har wanupe. Omono kar uze'eg imume'u har wanupe no. — Pemume'u ko heremimutar Izaew wanupe nehe, Zuta wanupe nehe no. — Pepytu'u ikatu 'ym ma'e iapo re nehe. Peruzar heremiapo putar haw nehe, heze'eg pape rehe imuapyk pyrer nehe, peipy wanupe heremimono kar nehe. Kwehe mehe amono a'e heze'eg heremiruze'eg wanupe ihe, heze'eg imume'u har wanupe ihe no. Amono kar peme ihe. Pemume'u heze'eg heremiaihu wanupe nehe, a'e wanupe, i'i Tupàn Tuweharupi Wiko Ma'e wemiruze'eg wanupe.

Jó 22:23

Aze erezewyr Tupàn upuner wera'u ma'e pe nehe, aze ereiko ikàg 'ym ma'e romo henataromo nehe, Aze eremumaw ikatu 'ymaw neràpuz me har nehe,

Jó 22:5

Nerenoz putar a'e nehe, ta'e erezapo ikatu 'ym ma'e tetea'u ne xe. Teko nupuner kwaw nekatu 'ym awer ipapar haw rehe wà.

Jó 34:32

— Exak kar hekatu 'ymaw ihewe nehe, aipo ere izupe. — Apytu'u putar ikatu 'ym ma'e iapo re nehe kury, aipo ere izupe.

Jó 4:7

Nema'enukwaw amo teko ikatu 'ym ma'e iapo 'ymar rehe aipo, Teko iaiw haw rehe u'ar ma'e kwer rehe aipo, Teko imunar 'ym ma'e imumaw pyrer rehe aipo.

Jó 8:6

Aze nekatu azeharomoete, aze ereiko imunar 'ym ma'e romo, Tupàn ur putar na'arewahy nepytywà pà nehe. Umur wi putar nereko haw newe nehe, ta'e nekatu tuwe ne xe.

Salmos 101:2

Hepureruze'eg mehe naheremu'em kwaw ihe nehe, nahemunar kwaw ma'e rehe nehe. Màràn mehe erezur putar heàwàxi pà nehe. Aiko putar ikatu ma'e romo heràpuz me nehe.

Isaías 1:15

Pepo hupir mehe ihewe peze'eg mehe, name'e kwaw penehe nehe. Pepuner ihewe peze'eg tetea'u haw rehe nehe. Nezewe rehe we napeinu kwaw nehe, ta'e penemiapo kwer ikatu 'ym ma'e pemuigo kar ipo ipiw ma'e ài a'e xe.

Tiago 4:8

Pezamutar katu Tupàn nehe. A'e mehe peamutar katu a'e nehe no. Pepo ipiw mehe pezepuez. Nezewegatete, pezapo ikatu 'ym ma'e peiko ko 'ar rehe. Pepytu'u tuwe nehe, pezepuez taw ài nehe. — Xo ikatuahy ma'e azapo teko ihe, peze mua'u peiko, ikatu 'ym ma'e iapo mehe. Pepytu'u nezewe peze'eg ire nehe.

1 Samuel 7:3

Amo 'ar mehe uze'eg Xamuew Izaew wanupe a'e kury. — Aze pezewyr wer tuwe Tupàn Tuweharupi Wiko Ma'e pe nehe, peityk tupàn a'ua'u amo ae ywy rehe arer pe wà nehe. Peityk tupàn ua'u kuzà Atarot her ma'e hagapaw pe wà nehe no. Pezemonokatu tuwe Tupàn pe nehe. Xo a'e zo pemuwete katu nehe. A'e mehe pepyro putar Piri ywy rehe har wanuwi nehe, i'i wanupe.