Jó 1:10 - Tupàn zeꞌeg

¹⁰ Nerezapo pixik kar kwaw ikatu 'ym ma'e izupe, iànàm wanupe, ima'e pe. Eremono neze'egatu hemiapo nànàn. A'e ywy rehe a'e wereko tapi'ak tetea'u wera'u amo wanuwi upaw rupi a'e wà.

Jó 1:10 ပူးပေါင်းရင်းမြစ်များ

Gênesis 15:1

Amo 'ar rehe Àmàràw wexak amo ma'e upuahu pe har zàwenugar a'e kury. Hexak mehe Tupàn Tuweharupi Wiko Ma'e uze'eg wà izupe. — Ekyze zo nehe, Àmàràw. Urupyro putar ikatu 'ymaw paw wi ihe nehe. Amono putar ma'e tetea'u newe nehe, neremiapo kwer hekuzaromo nehe, i'i izupe.

Gênesis 26:12

A'e kwarahy mehe, Izak uzutym ma'eà'yz tetea'u a'e ywy rehe. Pitài ma'eà'yz itym pyrer rehe opo'o 100 a'e kury. Umueta tetea'u kar Tupàn Tuweharupi Wiko Ma'e ima'e izupe a'e pe.

Gênesis 30:30

Xe hezur 'ym mehe we naheta tetea'u kwaw ma'e newe. Hezur ire eremono'og ma'e tetea'u ne. Heta tetea'u nereimaw newe wà. Tupàn Tuweharupi Wiko Ma'e omono tuwe uze'egatu nerehe, ta'e aiko xe nepyr ihe xe. Uhyk kury. Azekaiw katu putar heànàm wanehe ihe nehe kury, i'i izupe.

Gênesis 30:43

A'e rupi Zako hemetarer katu kury. Heta tetea'u ma'e izupe wà: àràpuhàràn hawitu ma'e wà, àràpuhàrànete wà, uma'ereko ma'e kuzà wà, awa wà no, kamer wà, zumen wà no. Heta tetea'u izupe wà.

Gênesis 39:5

A'e 'ar henataromo Tupàn Tuweharupi Wiko Ma'e omono uze'egatu a'e Ezit ywy rehe har heko haw rehe a'e no, ta'e Zuze ikatu izupe a'e xe. Hàpuz pupe har nànàn, ma'etymaw pe har a'e pe har nànàn Tupàn omono uze'egatu no.

Gênesis 49:25

Tupàn Zuze tu izar a'e nehe, upytywà putar Zuze a'e nehe. Ma'e paw iapo har ikàg wera'u ma'e a'e nehe, omono putar uze'egatu hehe a'e nehe. Umur putar uze'egatu ywak rehe har nehe. Umur putar uze'egatu 'y ywy wy pe har nehe no. Umur putar ma'ea'yr tetea'u izupe heimaw romo wà nehe. Umur putar ta'yr tetea'u izupe wà nehe no.

Jó 1:3

Heta tetea'u heimaw wà: 7.000 àràpuhàràn hawitu ma'e wà, 3.000 kawaru kupewa'a kamer her ma'e wà, 1.000 tapi'ak wà, 500 zumen wà. Heta tetea'u uma'ereko e ma'e izupe wà no. Wiko awa hemetarer katu wera'u ma'e romo awa kwarahy ihemaw kutyr har paw wanuwi.

Jó 29:2

Aze mo apuner hezewyr haw rehe hereko awer pe. Tupàn uzekaiw katu herehe a'e 'ar mehe.

Jó 29:6

Heta tapi'ak kamykwer heràpuz me tuweharupi. Uhyk urewe. Heta ma'e ikawer uri ita wamyter pe hezuz ma'e kwer wi henuhem pyrer no.

Jó 31:25

Heremetarer katu kwehe mehe ihe. Nezewe rehe we naiko wera'u kwaw amo wanuwi. — Temetarer imono'ogaw akwaw katu wera'u pewi ihe, na'e kwaw amo wanupe.

Jó 42:12

Tupàn Tuweharupi Wiko Ma'e umur uze'egatu Izo rehe heko haw iahykaw rehe. Ikatu wera'u heko haw a'e 'ar rehe har a'e, heko awer izypy mehe arer wi kury. Heta tetea'u heimaw izupe wà: 14.000 àràpuhàràn hawitu ma'e wà, 6.000 kawaru kupewa'a wà, 2.000 tapi'ak wà, 1.000 zumen wà.

Salmos 107:38

Tupàn omono uze'egatu wemiaihu wanehe a'e. Wa'yr tetea'u umuzàg wà. Numumaw kar pixik kwaw tapi'ak a'e pe wà.

Salmos 34:7

Tupàn Tuweharupi Wiko Ma'e heko haw pe har upyta Tupàn wi ukyze ma'e wanuwake a'e. Umunyryk kar ikatu 'ymaw wanuwi wi a'e.

Salmos 5:12

Ne, o Tupàn Tuweharupi Wiko Ma'e ne, eremono neze'egatu teko nereruzar har wanehe ne. Nekatu haw nuzawy kwaw u'yw wi wamimaw wanupe.

Salmos 71:21

Hemuigo kar putar ikàg wera'u ma'e romo. Teko tetea'u ukwaw putar heremiapo kwer wà nehe. Tuweharupi hemurywete kar putar pe nehe.

Salmos 80:12

Màràzàwe tuwe ereityk pari i'yw izywyr har. Ko 'ar rehe pe rupi wata ma'e upuner uwà rehe imunar haw rehe wà kury.

Salmos 90:17

O Tupàn urezar, ezakook neze'egatu urerehe nehe. Emukatu ureremiapo ràm paw rupi nehe. Azeharomoete, ezapokatu ureremiapo ràm paw rupi nehe.

Provérbios 10:22

Tupàn ze'egatu purupe imono pyrer werur zanereko katu haw zanewe. Naheta kwaw amo ma'e izàwenugar.

Isaías 5:2

Uhàwykàz ita henuhem pà. Uzutym uwà 'yw ikatu wera'u ma'e. Ko myter pe uzapo tàpuz ime'egatu haw iaiha ma'e no. Uzapo kawawhu uwà imuy'e haw romo no. Wàro uwà 'yw i'a katu haw. Xo uwà hazahy ma'e zo hezuz zepe a'e pe.

Isaías 5:5

Amume'u putar heremitygwer uwà tyw pe heremiapo ràm ihe kury. — Azo'ok putar pari a'e wi nehe. Aityk putar pàrirogaw imunar ma'e wamunyryk kar haw nehe no. Amuixe kar putar ma'ea'yr heko pe wà nehe. Amumaw kar putar uwà rupaw nehe.

Zacarias 2:5

Nezewe i'i Tupàn Tuweharupi Wiko Ma'e. A'e ae wiko putar pàrirogaw romo tata iapo pyrer Zeruzarez izywyr a'e nehe. Wiko putar a'e tawhu pupe nehe. Wexak kar putar ukàgaw upuràg eteahy haw a'e pe purupe nehe no.

Zacarias 2:8

Tupàn Ikàg Wera'u Ma'e umur ukàgaw ihewe kury. — Emume'u ko heze'eg teko heremiaihu wanemetarer heraha arer wanupe nehe, i'i ihewe. Nezewe ize'eg. — Heremiaihu waàmàtyry'ymar nuzawy kwaw heàmàtyry'ymar ihewe.

Deuteronômio 33:11

O Tupàn, emono neze'egatu Erewi izuapyapyr wanehe nehe. Tuweharupi emukàg kar wiwi wera'u ne wà nehe. Tuwe wanemiapo paw ikatu newe nehe. Emumaw waàmàtyry'ymar ne wà nehe. Tuwe nuzeupir wi pixik kwaw wà nehe.

Deuteronômio 33:27

Tupàn Tuweharupi Wiko Ma'e wiko zanerehe uzekaiw ma'e romo. Uzekaiw zanerehe tuweharupi uzywa pupe. Zanerenatar wi Tupàn umuhem kar zaneàmàtyry'ymar wà. — Pemumaw pe wà nehe, i'i zanewe.

Deuteronômio 7:13

Peamutar putar nehe. Umur putar uze'egatu penehe nehe no. Pemueta tetea'u kar putar tuweharupi nehe no. Umur putar pena'yr tetea'u peme wà nehe. Umur putar ma'e tetea'u penemi'u ràm romo nehe no: arozràn, ma'ywa uwà, uri, tapi'ak tetea'u wà, àràpuhàràn tetea'u wà. Tupàn umur putar agwer uze'egatu paw ywy peme wemimur ràm rehe peneko mehe nehe. Ta'e umume'u a'e ma'e iapo àwàm zaneipy wanupe a'e xe.

1 Pedro 1:5

Omonokatu a'e ma'e peme a'e. Pezeruzar Zezuz rehe. A'e rupi Tupàn pepyro a'e, ta'e ikàg a'e xe. Pepyro putar tatahu wi a'e nehe, pemuigo kar pà uzepyr tuweharupi a'e nehe. Iahykaw rehe umume'u putar zanepyro haw a'e nehe, teko nànàn a'e nehe.

1 Samuel 25:16

Uzekaiw katu urerehe pyhaw wà, 'aromo wà no, urereimaw wanehe urezekaiw mehe wà.