Jeremias 9:9 - Tupàn zeꞌeg

⁹ Aipo nazepyk kwaw wanehe agwer wanemiapo kwer hekuzaromo nehe. Aipo nazepyk kwaw agwer teko wanehe nehe. Ihe Tupàn Tuweharupi Wiko Ma'e aiko ko ma'e imume'u har romo ihe, i'i Tupàn.

Jeremias 9:9 ပူးပေါင်းရင်းမြစ်များ

Isaías 1:24

A'e rupi, pezeapyaka katu Zanezar ize'eg mehe nehe. Tupàn Tuweharupi Wiko Ma'e Ikàg Wera'u Ma'e romo Izaew wazar Ikàg Ma'e romo hekon a'e. Nezewe uze'eg wemiaihu wanupe. — Azepyk putar penehe nehe, heàmàtyry'ymar wà. Amekuzar putar penemiapo kwer ikatu 'ym ma'e peme nehe.

Isaías 10:3

Ma'e pezapo putar zepykaw 'ar mehe nehe. A'e 'ar mehe zauxiapekwer ur putar ywy muite har wi iaiw paw herur pà peme wà nehe. Mo pe penoz putar pepytywà àwàm nehe. Ma'e pe pezumim putar penemetarer nehe, pema'e hekuzar katu ma'e.

Isaías 57:6

Pepyhyk ita ihym ma'e yrykaw pupe har tupàn a'ua'u penemimuwete romo wamuigo kar pà pe wà no. A'e re pemono win wanupe. Pemono arozràn wanupe wamuwete pà no. — Nezewe haw zaneremiapo ikatu Tupàn Tuweharupi Wiko Ma'e pe a'e, peze peiko ihewe aipo.

Jeremias 12:11

Umuaiw ywy wà. Teko weityk a'e ywy herenataromo wà. Uzeapo ywyxiguhu romo. Ni amo nuzekaiw kwaw hehe wà.

Jeremias 12:4

Màràn 'ar ureywy upyta typaw haw romo nehe. Màràn zahy ka'api'i umumaw putar uxinig pà urereimaw wanuwi nehe. Ma'ea'yr a'e wà, wiràmiri a'e wà no, umàno oho waiko wà. Ta'e ko ywy rehe har uzapo ikatu 'ym ma'e waiko wà xe. — Tupàn nuexak kwaw wanemiapo a'e, i'i uzeupeupe wà, a'e Tupàn pe.

Jeremias 4:25

Aexak teko waneta 'ymaw ihe. Te wiràmiri uwewe oho wà.

Jeremias 5:29

Azepyk putar wanehe wanemiapo kwer hekuzaromo nehe. Azepyk putar 'aw teko wanehe nehe. Ihe Tupàn Tuweharupi Wiko Ma'e aiko ko ma'e imume'u har romo ihe.

Jeremias 5:9

Aipo napuraraw kar kwaw ma'erahy wanupe agwer ma'e hekuzaromo nehe. Aipo nazepyk kwaw agwer teko wanehe nehe.

Oséias 4:3

A'e rupi uxinig putar ywy nehe. A'e rupi a'e ywy rehe har paw umàno putar wà nehe. Ma'ea'yr umàno putar wà nehe. Wiràmiri umàno putar wà nehe no. Pira umàno putar wà nehe no.

Joel 1:19

Ahapukaz newe, Tupàn Tuweharupi Wiko Ma'e. Ywyra uxinig paw wà. Ka'api'i uxinig paw wà no. Nuzawy kwaw tata hemiapy kwer wà.

Amós 5:1

Teko Izaew wà, peinu katu ko zegar haw purumuzemumikahy kar haw nehe. Amuzàg putar ko zegar haw penehe ihe nehe kury.

Amós 5:2

Izaew ipuràg eteahy a'e. Ikatuahy kuzà awa puhe oho 'ym ma'e ài a'e. U'ar kwez kury. Nupu'àm wi pixik kwaw nehe. U'ar uiwy rehe. Ni amo nupytywà kwaw imupu'àmaw rehe wà.