Jeremias 6:27 - Tupàn zeꞌeg

²⁷ Zeremi, eagaw heremiaihu ne wà nehe kury, itatàtà hagaw haw zàwe ne wà nehe kury. Eme'egatu wanehe nehe. Ezeagaw wanemiapo hexak pà nehe.

Jeremias 6:27 ပူးပေါင်းရင်းမြစ်များ

Jeremias 1:18

Einu heze'eg nehe, Zeremi. Teko ko ywy rehe har wiko putar neàmàtyry'ymar romo a'e wà nehe: Zuta ywy rehe har wanuwihawete wà, amogwer tuwihaw wà, xaxeto wà, teko wà. Paw rupi wiko putar neàmàtyry'ymar romo wà nehe. Nezewe rehe we kutàri amono hekàgaw teko newe. Nezewe mehe erepuner putar a'e teko wanenataromo neze'egaw rehe nehe. Ereiko putar tawhu pàrirogawtàtà ma'e tetea'u hereko har ài nehe, izyta itaper iapo pyrer ài nehe no, pàrirogawtàtà ma'e itazu morog iapo pyrer ài nehe no. Nanereityk kwaw wà nehe. Ta'e aiko putar neruwake ihe nehe xe, nerehe hezekaiw pà ihe nehe xe. Ihe Tupàn Tuweharupi Wiko Ma'e aze'eg kwez kury, i'i Tupàn ihewe.

Jeremias 15:20

Urumuigo kar putar pàrirogawtàtà itazu morog iapo pyrer zàwenugar nehe, 'aw teko wanupe nehe. Neàmàtyry'ym putar wà nehe. Nezewe rehe we nanereityk kwaw wà nehe. Ta'e aiko putar nerehe we nerehe hezekaiw pà ihe nehe xe, nepyro pà ihe nehe xe.

Jeremias 9:7

A'e rupi Tupàn Tuweharupi Wiko Ma'e Upuner Wera'u Ma'e uze'eg nezewe. — Teko umupyràn itatàtà ikatu 'ymaw henuhem pà izuwi wà. Nezewegatete azo'ok putar ikatu 'ymaw heremiaihu wanuwi ihe nehe no. Agaw putar ihe wà nehe. Heremiaihu uzapo ikatu 'ym ma'e wà. Ma'e azapo putar wanupe nehe.

Ezequiel 20:4

Awa ta'yr, aipo erehyk 'aw teko wanemiapo kwer imume'u àwàm rehe. A'e mehe emume'u nehe kury. Emuma'enukwaw waipy wanemiapo kwer purumumaranugar kar ma'e rehe ne wà nehe.

Ezequiel 22:2

— Awa ta'yr, Aipo erezemuàgà'ym tawhu puruzuka ma'e pupe tynehem ma'e rehe nezepyk àwàm rehe. Exak kar wanemiapo kwer purumumaranugar kar ma'e wanupe nehe.