Jeremias 51:42 - Tupàn zeꞌeg

⁴² Yryhu oho Mawiron rehe. Upyk ykotok puruzuka ma'e pupe.

Jeremias 51:42 ပူးပေါင်းရင်းမြစ်များ

Salmos 18:16

Tupàn ywak rehe har upyho opo ihewe. Hepyhyk a'e. Yryhu wi hepyro.

Salmos 18:4

Hemàno àwàm heàpixipixi iko kyhàhàm ài a'e. Hemumaw pàwàm ur he'aromo ykotok uhua'u ma'e ài no.

Salmos 65:7

Eremupytu'u kar yryhu ikotok ire ne. Eremumaw ikotok iànoànogaw no. Eremupytu'u kar teko waneiheihem ire ne wà.

Salmos 93:3

O Tupàn Tuweharupi Wiko Ma'e, yryhu ohoete ma'e uze'eg iko. Ykotok okororoahy a'e.

Isaías 21:1

Na'aw ze'eg Mawiron kutyr har xe kury: Ywyxiguhu yryhu iwyr har, i'i teko izupe wà: Ywytuaiw upeipeir ywy kwarahy hemaw awyze har kutyr har hereko. Nezewegatete puruzuka ma'e ràm ur putar ywyxiguhu wi a'e. Teko ukyze tuwe a'e ywyxiguhu wi wà.

Jeremias 51:55

Amumaw Mawiron teko ihe. Amupytu'u kar ize'eg ire ihe. Zauxiapekwer ipupe wixe ma'e a'e wà, Nuzawy kwaw ykotok ipuruzukaiwahy ma'e wà. Uzàmàtyry'ym a'e pe har uhapukazahy pà wà.

Ezequiel 26:3

Ihe pezar Tuweharupi Wiko Ma'e ihe kury, amume'u ko ma'e ihe kury. — Xir tawhu. Aiko neàmàtyry'ymar romo ihe. Arur putar zauxiapekwer amo ywy rehe har tetea'u neàmàtyry'ym kar pà wanupe ihe wà nehe. Ur putar ykotok yryhu rehe har ài wà nehe.

Daniel 11:10

Xir wanuwihawete ta'yr uzemuàgà'ym putar zeàmàtyry'ymawhu rehe wà nehe. Omono'og putar zauxiapekwer tetea'u wà nehe. Pitài ta'yr uhem putar oho Ezit heityk pà nehe. Weityk putar ma'e paw imumaw pà 'y tyhu ma'e uwyrykahy ma'e ài nehe. Wixe putar Ezit ywy rehe nehe no. Uzàmàtyry'ym putar tuwihawete hàpuzuhu tàtà a'e nehe.

Daniel 7:2

Na'aw ize'eg awer pape rehe imuapyk pyrer xe kury: A'e 'ar mehe pyhaw hepuahu mehe aexak ywytu ma'ema'e wi wanur mehe ihe wà. Omokotok kar yryhu uhua'u ma'e a'e.

Daniel 9:26

A'e kwarahy paw ire amo uzuka e putar a'e tuwihawete Tupàn hemixak kwer a'e wà nehe. Uhem putar amo tuwihawete wemiruze'eg zauxiapekwer tetea'u wanupi a'e nehe. Umumaw putar Zeruzarez tawhu wà nehe. Umumaw putar Tupàn Hàpuzuhu wà nehe no. Iahykaw ur putar 'y tyhu haw uwyrykahy ma'e ài nehe. Werur putar zeàmàtyry'ymawhu nehe. Tupàn umur kar putar ma'e imumaw paw nehe no. Iahykaw werur putar a'e ma'e imumaw paw nehe no.

Lucas 21:25

Uze'eg wiwi wanupe. — Teko ume'e putar kwarahy rehe zahy rehe zahytata rehe a'e wà nehe, wexak putar amo ae ma'e romo uzeapo mehe a'e wà nehe. — Kwa, uhem etea'i ywy iahykaw, i'i putar uzeupeupe wà nehe. Teko ywy rehe har uzemumikahy putar wà nehe, ukyze putar yryhu ànoànogaw wi wà nehe, 'y penopenogaw wi wà nehe no.