Jeremias 51:34 - Tupàn zeꞌeg

³⁴ Mawiron wanuwihawete upei'ài'àg Zeruzarez a'e. A'e re u'u. Wenuhem teko paw a'e wi wà. Wenuhem ma'e paw no. Nuzawy kwaw 'y y'a wi uzeakook ma'e. Nuzawy kwaw àzàg tawhu i'u arer. Weraha wemimutar paw. Weityk ikurer.

Jeremias 51:34 ပူးပေါင်းရင်းမြစ်များ

Jó 20:15

Awa ikatu 'ym ma'e uhuhuk, temetarer amo wanuwi wemipyhyk kwer imur pà wie wi. Ta'e imunar hehe xe. Tupàn wenuhem hie wi.

Salmos 74:13

Nekàgaw uhua'u ma'e rupi eremuza'aza'ak yryhu. Erezuhaw miar uhua'u ma'e yryhu pupe har waàkàg ikamikamik pà ne wà.

Provérbios 1:12

Wanexak mehe wikuwe putar wà nehe. Na'ima'eahy kwaw wà rihi. Ximumaw putar zane wà nehe.

Isaías 34:11

Pypy wà nehe, zàpuun wà nehe no, wiko putar a'e ywy izar romo wà nehe. Uzapo putar waity a'e ywy nànàn wà nehe. Tupàn Tuweharupi Wiko Ma'e umuigo kar putar a'e ywy teko heta 'ymaw romo nehe, tuwihaw heta 'ymaw romo nehe. Izypy mehe ywy iapo mehe naheta kwaw teko a'e ywy rehe. Iahykaw rehe nuzawy kwaw izypy mehe arer nehe.

Isaías 42:22

Waàmàtyry'ymar upetek hemiaihu wà. Imunar wama'e rehe wà no. Umunehew kar zemunehew paw pe wà. Naheta kwaw ipupyaikaw pyrer wi wamuhem kar àràm wà, zemunehew paw wi wà. Naheta kwaw wamuhem kar àràm wà.

Jeremias 50:17

Tupàn Tuweharupi Wiko Ma'e uze'eg kury. — Teko Izaew izuapyapyr nuzawy kwaw àràpuhàràn hawitu ma'e wà. Zàwàruhu iriàw oho wanaikweromo wamuhàmuhàz pà wà. Izypy mehe Axir wanuwihawete uzàmàtyry'ym Izaew wà. A'e re Namukononozor Mawiron wanuwihawete uxi'uxi'u wàkàgwer wà.

Jeremias 50:7

Wanuwàxi har paw uzàmàtyry'ym wà. Waàmàtyry'ymar uze'eg nezewe wà. — Uzapo ikatu 'ym ma'e Tupàn henataromo wà. A'e rupi, waàmàtyry'ym mehe naxiapo kwaw ikatu 'ym ma'e zane. Aze mo uzeruzar katu Tupàn Tuweharupi Wiko Ma'e rehe uwipy wazàwe wà, ikatu mo. Nuzeruzar kwaw wà, i'i wà.

Jeremias 51:44

Azepyk putar Mew Mawiron watupàn rehe ihe nehe. Imunar hema'e rehe a'e. Amuzewyr kar putar a'e ma'e ihe nehe. Teko ywy nànànar upytu'u putar imuwete re a'e wà nehe. — Mawiron ipàrirogawtàtà u'ar kwez kury.

Jeremias 51:49

Mawiron uzuka teko ywy nànàn a'e wà. Ko 'ar rehe u'ar a'e, ta'e uzuka Izaew tetea'u a'e wà xe. Ihe Tupàn Tuweharupi Wiko Ma'e aze'eg kwez kury.

Lamentações de Jeremias 1:1

Azeharomoete naheta kwaw teko Zeruzarez pe wà. Kwehe mehe heta tetea'u teko a'e pe wà. Teko ywy nànànar uzeruze'eg a'e tawhu rehe wà. Ko 'ar rehe nuzawy kwaw kuzà imen umàno ma'e kwer. Kwehe mehe nuzawy kwaw tuwihawete kuzà. Ko 'ar rehe nuzawy kwaw amo pe uma'ereko e ma'e.

Lamentações de Jeremias 2:16

Neàmàtyry'ymar paw uze'eg zemueteahy nerehe upuka pà wà. Na'iakatuwawahy kwaw nerehe wà. A'e rupi — Ximumaw Zeruzarez zane, i'i wà. — Uhem 'ar zaneremiàro kwez kury, i'i wà. — Xixak uzeapo ma'e kwer paw rupi zane, i'i wà.

Ezequiel 36:3

Ihe wazar Tuweharupi Wiko Ma'e aze'eg teko ihe kury. Emume'u heze'eg wanupe nehe. Teko ywy Izaew huwake har upyhyk ywytyruhu Izaew rehe har wà. Imunar ma'e ywytyruhu rehe har rehe wà no. Paw rupi uze'eg urywahyahy Izaew wanehe wà.

Oséias 8:8

Upaw putar Izaew wà nehe. Teko amogwer ywy rehe har uze'eg nezewe Izaew wanehe wà. — Hekuzar pixik 'ym ma'e zàwenugar a'e. Ikatu pixik 'ym ma'e a'e, i'i wanehe wà.

Amós 8:4

Peinu katu ko ze'eg nehe. Pezapo ikatu 'ym ma'e ma'e hereko 'ymar wanupe. Pezo'ok e temetarer hereko 'ymar wanuwi ko ywy rehe.

Naum 2:2

Tupàn Tuweharupi Wiko Ma'e umuzewyr kar putar teko Izaew wakàgaw wapuràg eteahy haw wanupe nehe. Waàmàtyry'ymar weraha teko paw Izaew ywy wi wà, weraha wama'e paw Izaew ywy wi wà no. Ywy nuzawy kwaw ywyra hàkà 'ym ma'e. A'e ywy rehe har ikàg wi putar wà nehe. Wakàg àwàm nuzawy kwaw wakàg awer nehe.

Mateus 23:13

Uze'eg Zezuz upurumu'e ma'e wanupe kury. — Pe upurumu'e ma'e pe ty wà, pe ze'eg kwehe arer kwaw par parizew her ma'e pe no ty wà, Tupàn uzepyk putar penehe a'e nehe, ta'e pepurumu'e peiko Tupàn ze'eg rehe pe xe, ta'e naperuzar kwaw a'e ze'eg pe xe. Pemupytu'u kar teko Tupàn hemiruze'eg romo waneko re pe wà. Pe napeiko kwaw hemiruze'eg romo. Aze awa uzeagaw Tupàn hemiruze'eg romo wiko pà a'e nehe, — Kwa, nerepuner kwaw, peze putar izupe nehe.