Jeremias 51:3 - Tupàn zeꞌeg

³ Pezywà kar zo zauxiapekwer Mawiron pe har wanupe pe wà nehe. Pemunehew kar zo wapuxi'a imimaw wanupe nehe. Pezuka kwàkwàmo pe wà nehe. Pepytu'u zo wazuka re nehe. Pezuka zauxiapekwer paw pe wà nehe.

Jeremias 51:3 ပူးပေါင်းရင်းမြစ်များ

Salmos 137:9

Upyhyk putar kwarer pena'yr wà nehe, kuzàtàigwer penazyr wà nehe no. Ukamikamik putar itahu rehe wà nehe.

Jeremias 46:4

Pemono zuru pe har kawaru rehe nehe. Peapyk wakupe pe nehe. Peata pezeirogatu pà nehe. Pemunehew peàkàg imimaw tàtà ma'e nehe. Pemuaime katu penu'ywpuku nehe. Pemunehew pepuxi'a imimaw tàtà ma'e nehe no.

Jeremias 50:14

U'yw pupe puruzywà ma'e wà, peze'yrogatu Mawiron waàmàtyry'ym pà nehe. Pemàmàn tawhu izywyr nehe. Pezywà penu'yw nànàn nehe. Ta'e uzapo ikatu 'ym ma'e hekutyr a'e wà xe. Aiko Tupàn Tuweharupi Wiko Ma'e romo ihe.

Jeremias 50:21

Tupàn Tuweharupi Wiko Ma'e uze'eg kury. — Pezàmàtyry'ym teko Meratai pe har pe wà nehe, Pekoz pe har pe wà nehe no. Pemumaw tuwe pe wà nehe. Pezapo heremiapo kar paw nehe no.

Jeremias 50:27

Pezuka zauxiapekwer a'e pe har paw rupi pe wà nehe. Mawiron pe har uzemumikahy putar wà nehe. Uhem wanehe hezepyk àwàm 'ar kwez kury.

Jeremias 51:53

Aze mo Mawiron upuner ywak rehe uzeupir haw rehe wà, aze mo upuner tàpuzuhu tàtà a'e pe iapo haw rehe wà, nezewe rehe we mo amono kar teko a'e pe ihe wà. — Pemumaw pe wà nehe, a'e mo wanupe. Ihe Tupàn Tuweharupi Wiko Ma'e aze'eg kwez kury.

Jeremias 9:21

Màno haw uzeupir pàrirogaw rupi, zaneràpuzuhu pupe wixe pà. Umumaw kwarearer nahu rupi har wà. Umumaw kwàkwàmo ma'eme'egaw pe har katu pe har wà no.

Deuteronômio 32:25

Katu pe wàpuz wi umàno putar oho zeàmàtyry'ymawhu pe wà nehe. Umàno putar wàpuz me ukyze haw wi wà nehe. Zauxiapekwer uzuka putar kwàkwàmo wà. Uzuka putar kuzàwaza wà nehe no. Uzuka putar kwarearer wà nehe no. Uzuka putar kuzàtàigwer wà nehe no. Uzuka putar tua'uhez kwer wà nehe no. Uzuka putar ihya'uhez kwer wà nehe no.

Tiago 2:13

Amo 'ar mehe Tupàn umume'u putar teko wanemiapo kwer amogwer wanuwa rupi paw rupi nehe. Aze awa nupurupuhareko kwaw ko 'ar rehe nehe, a'e 'ar mehe Tupàn nupuhareko kwaw a'e awa a'e nehe no. Aze awa upurupuhareko katu ko 'ar rehe nehe, Tupàn upuhareko katu putar a'e awa a'e 'ar mehe nehe no.