Jeremias 51:16 - Tupàn zeꞌeg

¹⁶ Aze Tupàn Tuweharupi Wiko Ma'e omokororo kar, 'y ywak rehe har okororo. Umuzeupir kar ywàkun ywy iahykaw wi. Uzapo àmàn iweraw paw. Umuhem kar ywytu imono ipyta haw wi no.

Jeremias 51:16 ပူးပေါင်းရင်းမြစ်များ

Gênesis 8:1

Na'e Tupàn ima'enukwaw Noe rehe a'e kury, ma'ea'yr kanuhu pupe har wanehe upaw rupi a'e no. Umur kar ywytu ywy rehe kury. 'Y uzypyrog typaw pà a'e kury.

Jó 37:13

Tupàn umugyr kar àmàn ywy rehe Zanerehe uzepyk pà. Umugyr kar àmàn ywy rehe zaneamutar haw hexak kar pà zanewe no.

Jó 38:22

Amonokatu àmàn huwixàg ma'e amo me ihe. Amonokatu àmàntàtà a'e pe no. Aipo amo 'ar mehe ereho wamonokatu awer pe.

Jó 40:9

Aipo nekàgaw nuzawy kwaw hekàgaw. Aipo neànoànogaw ikàg heànoànogaw ài.

Salmos 104:7

Neze'egahy henu mehe 'y uhem a'e wi. Imono kar mehe uzàn oho a'e wi.

Salmos 135:7

Werur ywàkun ywy iahykaw wi. Umuàgà'ym iweraw paw àmànuhu pe ywytuhu pe. Umuhem kar ywytu imonokatu haw wi no.

Salmos 147:18

Umume'u wemimutar. Na'e 'y tàtà huwixàgahy ma'e typyràn na'arewahy. Umur kar ywytu. Umuyryk kar 'y.

Salmos 18:13

Na'e Tupàn Tuweharupi Wiko Ma'e wànoànog ywak rehe kury. Teko wenu Tupàn Ywate Wera'u Har ize'eg wà kury.

Salmos 46:6

Amo ae ywy rehe har ukyze tuwe wà. Tuwihawete wanemiaihu uzemumaw wà. Wànoànog Tupàn, ywy upaw no.

Salmos 68:33

Pemume'u ikatu haw nehe, kawaru ku'az har ywak rehe har, ywak kwehe arer rehe har. Pezeapyaka katu zanezar ize'eg mehe nehe. Ikàg ize'eg.

Salmos 78:26

Na'e umur kar ywytu kwarahy hemaw wi ywak wi kury. Upuner haw rupi umuhem kar ywytu kwarahy hemaw awyze har rehe har no.

Êxodo 10:13

A'e rupi Moizez upyho ywyra opokokaw Ezit ywy kutyr kury. Umur kar Tupàn Tuweharupi Wiko Ma'e ywytu kwarahy ihemaw wi kury. Ywytu nupytu'u kwaw a'e 'ar rehe. Nupytu'u kwaw pyhaw. Iku'egwer pe ywy tynehem tukur pupe, ta'e ywytu werur a'e wà xe.

Êxodo 10:19

Umupytu'u kar Tupàn ywytu kwarahy ihemaw wi ur ma'e kury. Umuhem kar ywytu kwarahy heixe haw wi kury. Ywytu weraha tukur paw Yryhupiràg pe wazuka pà 'y pupe wà. Nupyta kwaw ni pitài tukur Ezit ywy rehe wà kury.

Êxodo 14:21

Na'e Moizez upyho opo yryhu 'aromo kury. Pyhaw Tupàn Tuweharupi Wiko Ma'e umuhem kar ywytuhu heruwà kwarahy ihemaw wi kury. Ywytuhu umumaw pytun gatu 'y 'yryhu pe har imunyryk pà. Umuzekwa ywy yryhu iwype har kury. Ikàg kury. Uzemuza'ak 'y mokoz pehegwer romo.

Ezequiel 10:5

Te teko katu pe har wenu wapepo iànoànogaw wà. Nuzawy kwaw Tupàn upuner wera'u ma'e ize'egaw a'e.

Amós 9:7

Tupàn Tuweharupi Wiko Ma'e uze'eg nezewe kury. — Teko Izaew wà, azamutar katu teko Exio ywy rehe har ihe wà. Apuamutar katu ihe no. Wamutar katu haw nuzawy kwaw peamutar katu haw. Apuerur Ezit ywy wi ihe. Nezewegatete arur Piri ywy rehe har Kereta yrypypo'o wi ihe wà no. Arur Aram izuapyapyr Kir ywy wi ihe wà no.

Jonas 1:4

Tupàn umur kar ywytu wakutyr kury. Uhua'u ykotokaw yryhu rehe har. Iaiw ywytu. — Uzeka putar kanuhu umyter pe nehe, i'i ipupe har wà.

Jonas 4:8

A'e re uhem kwarahy. Tupàn umur kar amo ywytu hakuahy ma'e kwarahy hemaw wi kury. Iàkàzym tària'i Zon kwarahy hakuahy mehe. Nuzawy kwaw iàkàg ukaz ma'e. A'e rupi imàno wer zepe kury. — Hemàno àwàm ikatu wera'u ihewe herekuwe wi àwàm wi, i'i uzeupe.