Jeremias 50:43 - Tupàn zeꞌeg

⁴³ Amo umume'u uzeapo ma'e kwer Mawiron wanuwihawete pe wà. Izywa ipyw henu mehe. Ma'erahy a'e, ma'eahy haw a'e no, wiko tuwihawete izar romo kury. Nuzawy kwaw kuzà umemyr izexak kar haw 'ar mehe.

Jeremias 50:43 ပူးပေါင်းရင်းမြစ်များ

Jeremias 30:6

Aipo awa upuner umemyr haw rehe a'e. Màràzàwe tuwe aexak awa tetea'u opo wie pyhykar ihe wà. Nuzawy kwaw kuzà imemyrahy ma'e wà. Màràzàwe tuwe itawaahy paw rupi wà.

Jeremias 49:22

Zauxiapekwer uzàmàtyry'ym putar Mozira tawhu wà nehe. Nuzawy kwaw wiràhu upepozaz ma'e ywate wi wemiar ipyhyk pà u'ar ma'e. A'e 'ar mehe zauxiapekwer Enom izuapyapyr ukyze putar kuzà imemyrahy ma'e ài wà nehe.

Jeremias 49:24

Teko Namaz tawhu pe har na'ikàg kwaw wà. Uwak uzàn pà wà ta'e ukyze katu wà xe. Tynehem ma'erahy pupe wà. Nuzawy kwaw kuzà imemyrahy ma'e wà.

Jeremias 51:31

Ze'eg heraha har tetea'u uhem oho Mawiron wanuwihawete pe uzeapo ma'e kwer imume'u pà wà. — Zauxiapekwer wixe tawhu pupe ma'ema'e wi a'e wà.

Jeremias 6:24

Zeruzarez pe har uze'eg nezewe wà. — Urenu wanur haw imume'u haw ure. Na'e urepo ipyw. Urekyze haw wiko urezar romo. Hahy haw wiko kuzà izar romo imemyr zexak kar mehe. Nezewegatete urekyze haw wiko urezar romo.