Jeremias 5:3 - Tupàn zeꞌeg

³ Tupàn uputar pezeruzar ire pepytu'u 'ymaw a'e. Uzepyk penehe. Nezewe rehe we napezekaiw kwaw hehe. Pekamikamik a'e. Nezewe rehe we napekwaw kwaw ikatu 'ymaw wi petyrykaw. Pezàmàtyry'ym heruzar 'ym pà. Napezewyr wer kwaw izupe.

Jeremias 5:3 ပူးပေါင်းရင်းမြစ်များ

Gênesis 19:34

Iku'egwer pe i'i ukypy'yr pe kury. — Pyhaw aker zaneru puhe ihe. Ximuka'u kar wi kutàri pyhaw nehe no. Eho ipuhe nehe. Nezewe heta putar zanememyr zanewe wà nehe. Nezewe heta putar izuapyapyr izupe wà nehe no, i'i izupe.

1 Reis 13:33

Nezewe rehe we tuwihaw Zeromoàw nupytu'u kwaw ikatu 'ym ma'e iapo re. Nuzemumikahy kwaw Tupàn henataromo. Wexaexak wi wyzài awa oho waiko xaxeto romo wà. A'e xaxeto uzapo ma'e tupàn a'ua'u wanenataromo ma'ea'yr zuka haw ywytyr rehe har pe, teko wanekuzaromo wà. Wyzài awa a'e, aze heko wer xaxeto romo wà, tuwihawete umuigo kar a'e awa xaxeto romo a'e wà.

2 Reis 1:13

Omono kar wi tuwihawete amo tuwihaw 50 zauxiapekwer wanupi izupe. Uzeupir ywytyr rehe. Wapyk upenàràg rehe Eri henataromo ma'e henoz pà izupe. — Awa Tupàn hemiruze'eg, i'i. — Aze ikatu newe, hezuka zo pe nehe. Ezuka zo ko 50 awa ne wà nehe.

2 Crônicas 16:9

Tupàn Tuweharupi Wiko Ma'e ume'e ywy rehe uzeapo ma'e nànàn. Nezewe mehe omono ukàgaw hehe uzeruzar ma'e azeharomoete har wanupe a'e. Ko 'ar rehe erezapo neranaiw haw. A'e rupi ko 'ar henataromo ereiko putar zeàmàtyry'ymawhu inuromo tuweharupi nehe, i'i Anani Az pe.

2 Crônicas 28:22

Weko haw izawaiw katu wera'u mehe tuwihawete Akaz uzapo ikatu 'ym wera'u ma'e Tupàn henataromo kury. Nezewe hekon a'e. Iaiw azeharomoete.

Salmos 51:6

Ereputar teko ikatu ma'e ne wà. Emynehem kar hepy'a nema'ekwaw paw pupe nehe.

Salmos 51:8

Einu kar wi teko hurywete ma'e ihewe ne wà nehe. Einu kar ikatu ma'e rehe wazegar mehe ne wà nehe. Hezuhazuhaw pe ne. Hemu'i pe no. Nezewe rehe we herurywete wi putar nehe.

Salmos 55:20

Herehe we arer kwehe arer uzàmàtyry'ym umyrypar wà. Nuzapo kwaw ma'e uze'eg umyrypar wanupe wemimume'u kwer rupi a'e.

Provérbios 21:29

Awa ikatu ma'e uzeruzar uzehe a'e. Ikatu 'ym ma'e umume'u mua'u uzehe uzeruzar haw.

Provérbios 22:12

Tupàn Tuweharupi Wiko Ma'e ume'egatu a'e. Uzekaiw katu ze'eg azeharomoete har rehe. Umuaiw hemu'em ma'e wanemiapo ràm.

Provérbios 23:35

Na'e ereze'eg putar nezewe nehe. — Amo hepetek ru'u aipo. Amo henupànupà ru'u aipo. Nahema'enukwaw kwaw ihewe uzeapo ma'e kwer rehe. Màràzàwe tuwe napuner kwaw hepu'àmaw rehe. Amo kanek por hemukatu putar nehe, ere putar zepe nehe.

Provérbios 27:22

Aze mo erepetek iranaiw ma'e, aze mo umàno etea'i, nezewe rehe we mo iranaiw mo izypy mehe arer ài.

Isaías 26:11

O Tupàn Tuweharupi Wiko Ma'e, ereupir nepo teko wanehe nezepyk pà. Nezewe rehe we neàmàtyry'ymar nuzekaiw kwaw nerehe wà. Erezamutar katu neremiaihu ne wà. Amogwer teko wexak putar wamutar katu haw wà nehe. Hexak mehe imaranugar putar wà nehe. Tuwe nekwahy haw wapy a'e teko tata ài wà nehe.

Isaías 42:25

A'e rupi uzakook wekwahy haw zanerehe. Uzepyk zanerehe zeàmàtyry'ymawhu herur pà zanewe. Ikwahy haw ukaz tata ài ureiwyr. Nezewe rehe we ni amo nuzekaiw kwaw hehe wà. Ni amo zanerehe we har nuzemu'e kwaw ma'e rehe wà. Nukwaw kwaw ma'e wà.

Isaías 48:4

Akwaw pezapezarahy haw ihe. Pe tàtàahy itaper ài itazu morog ài.

Isaías 9:13

Tupàn Tuweharupi Wiko Ma'e Ikàg Wera'u Ma'e uzepyk wemiaihu wanehe. Nezewe rehe we nuweityk kwaw ukatu 'ymaw wà. Nuzewyr kwaw Tupàn pe wà.

Jeremias 15:7

Teko omomor arozràn ywytu ikutyr wà, henuhenuhem pà iapirer wi wà. Pe tawhu ko ywy nànànar pe wà, apomomor peàmàtyry'ymar wakutyr nezewegatete ihe no. Apumumaw ihe, heremiaihu wà. Azuka pena'yr wà. Ta'e napezar kwaw penape ikatu 'ym ma'e pe xe.

Jeremias 17:23

Peipy nuenu kwaw heze'eg wà. Nuzekaiw kwaw hehe wà. Wiko hereruzar 'ymar romo wà. Na'ipureruzar wer kwaw heze'eg rehe wà. Na'izemu'e wer kwaw wà, ere wanupe nehe, i'i ihewe.

Jeremias 19:15

— Amume'u putar Tupàn Tuweharupi Wiko Ma'e upuner wera'u ma'e Izaew wazar ize'eg peme ihe nehe kury, a'e wanupe. — Peiko hereruzar 'ymar romo. Napepurenu wer kwaw heze'eg rehe. Amume'u iaiw haw 'aw tawhu rehe tawhu nànàn heremimu'ar ràm ihe. Amu'ar kar putar azeharomoete ihe nehe, i'i Tupàn peme.

Jeremias 2:30

Azepyk penehe ihe. Nezewe rehe we napekatu wera'u kwaw. Napepurukwaw wer kwaw ihewe pezur àwàm rehe. Peiko zàwàruhu iriàw wikwahy ma'e ài. Pezuka heze'eg peme imume'u har wà.

Jeremias 3:3

A'e rupi àmàn umumaw 'ar tetea'u ukyr 'ym pà. Ni àmàn u'ar mehe har izypy mehe har nukyr kwaw. Te peneko haw nuzawy kwaw kuzà wyzài waneko haw. Pexak kar pemaranugar 'ymaw purupe wazàwe.

Jeremias 32:19

Nema'enukwaw uhua'u ma'e iapo àwàm rehe. Erezapo ikatuahy ma'e. Erexak teko wanemiapo paw rupi. Erereko teko wanemiapo hekuzaromo waneko haw hekuzaromo ne wà.

Jeremias 44:10

Nezewe rehe we te ko 'ar rehe napezemuigo kar kwaw ikàg 'ym ma'e romo herenataromo. Napezeruze'eg kwaw herehe. Naperuzar kwaw heze'eg peme heremimono kwer peipy wanupe heremimono kwer. Napezapo kwaw heremiapo karer.

Jeremias 7:26

Napezekaiw kwaw wanehe. Naperuzar kwaw wà no. Pezaezarahy wiwi ikatu 'ym ma'e iapo pà. Pezapo wera'u peipy wanuwi pe kury.

Jeremias 8:5

Heremiaihu wà. Màràzàwe tuwe pewak pekupe hexak kar pà ihewe. Màràzàwe tuwe petyryk ihewi tuweharupi. Penemiawy kwer hete katu peme. Napezewyr wer kwaw ihewe.

Ezequiel 2:4

Nahereruzar kwaw wà. Nuzeruze'eg kwaw herehe wà no. Ihe Tupàn Tuweharupi Wiko Ma'e wazar ihe, hepurumume'u wer amo ma'e rehe wanupe. Oromono kar wanupe ihe kury. Emume'u heze'eg wanupe nehe.

Ezequiel 24:13

Zeruzarez, neremiapo kwer iro ma'e nemuaiw a'e. Azeagaw nemukatu pà. Ereiko wiwi ikatu 'ym ma'e romo. Azepyk putar tuwe nerehe hekwahy haw nànàn ihe nehe. Xo a'e mehe zo nekatu putar herenataromo nehe.

Daniel 9:13

A'e ma'e uzeapo ma'e Moizez ze'eg awer rupi katete. Nezewe rehe we nurupytu'u kwaw ikatu 'ym ma'e iapo re. Nuruzeagaw kwaw neze'eg azeharomoete har heruzar pà. Nuruzapo kwaw ma'e nemurywete kar pà, Tupàn Tuweharupi Wiko Ma'e urezar.

Levítico 26:23

Nezewe rehe we nehe, aze napezewyr kwaw ihewe nehe, aze peiko wiwi heàmàtyry'ymar romo nehe,

Amós 4:10

Amu'ar kar amo purumuma'eahy kar haw penehe, Ezit pe uzeapo ma'e kwer zàwenugar. Azuka kar kwàkwàmo zauxiapekwer wanupe zeàmàtyry'ymawhu pe ihe wà. Araha kar peneimaw kawaru paw peàmàtyry'ymar wanupe wà. Umàno teko tetea'u wà. Inem wanetekwer wà. Amuhàmuhàz inemaw zauxiapekwer waker haw nànàn no. Nezewe rehe we napezewyr kwaw ihewe. Ihe Tupàn Tuweharupi Wiko Ma'e amume'u ko ma'e teko ihe kury.

Amós 4:11

Amumaw tawhu Xotom kwehe mehe ihe. Amumaw tawhu Komor kwehe mehe ihe no. Amumaw amo tawhu peiwy rehe har nezewegatete no. Amo pepyro zepykaw wi ywyra hàkàgwer tata wi ikaz paw etea'i mehe ipyro pyrer ài. Nezewe rehe we napezewyr kwaw ihewe.

Amós 4:6

Amumaw temi'u tawhu nànàn ihe. Amuma'uhez kar teko paw ihe wà no. Nezewe rehe we napezewyr kwaw ihewe.

Amós 4:8

Teko wata oho taw nànàn 'y hekar pà wà. Xo pixika'i wexak wà. Iziwez wiwi wà. Nezewe rehe we napezewyr kwaw ihewe. Ihe Tupàn Tuweharupi Wiko Ma'e amume'u ko ma'e teko ihe kury.

Amós 4:9

Amono kar ywytu haku ma'e tetea'u peme penehe hezepyk pà. Amono kar tukur tetea'u penemi'u ko pe har rehe wà no. Tukur umumaw ma'e ko pe itym pyrer paw wà. Umumaw uwà tyw wà no. Umumaw pi tyw wà no. Umumaw uri tyw wà no. Nezewe rehe we napezewyr kwaw ihewe.

Sofonias 3:7

Nezewe aze'eg hezeupe. — Heremiaihu hemuwete katu putar a'e wà nehe, a'e zepe hezeupe. — Uruputar nepureruze'egaw ure nehe, i'i putar ihewe wà nehe, a'e zepe hezeupe. — Azepyk tetea'u wanehe ihe. Naheharaz kwaw hezepyk tetea'u haw wi wà nehe, a'e zepe hezeupe. Nan kwaw nezewe. Uzeagaw wera'u ikatu 'ym ma'e iapo pà wà, i'i Tupàn uzeupe a'e.

Romanos 2:2

Tupàn uzepyk putar agwer ikatu 'ym ma'e iapo har wanehe a'e nehe, ta'e a'e ae ikatu a'e xe. Xikwaw ikatu haw.

Hebreus 12:9

Zaneru ywy rehe har a'e wà, uzepyk zanerehe a'e wà, zanekwarer mehe a'e wà. Ximuawate katu zane wà. Nezewegatete tuwe xiruzar zaneru ywate har zane. Tuwe zaiko hemiruze'eg romo nehe no.