Jeremias 5:11 - Tupàn zeꞌeg

¹¹ Teko Zuta ywy rehe har a'e wà, Teko Izaew ywy rehe har a'e wà no, hereityk wà, amo hekar pà uzar romo wà. Ihe Tupàn Tuweharupi Wiko Ma'e aze'eg kwez kury.

Jeremias 5:11 ပူးပေါင်းရင်းမြစ်များ

Isaías 24:16

Teko ywy muite wera'u rehe har uzegar Tupàn Ikatuahy Ma'e ikatu haw rehe wà. Xinu wazegar mehe zane wà. Aze'eg nezewe ihe kury. — Hemaranugar ihe. Hepuhareko pe nehe. Napuner kwaw amo ma'erahy ipuraraw paw rehe. Teko wanupe ikatu 'ym ma'e iapo har wà, hemu'em wiwi waiko amo wanupe wà. Heta temu'emaw taw wanàwanàn, a'e ihe.

Isaías 48:8

Akwaw penehe hezeruzar 'ymaw ihe. Akwaw hereruzar har 'ym tuweharupi har romo peneko haw no. A'e rupi napeinu pixik kwaw ko ma'e. Napekwaw kwaw ma'e wazeapo àwàm.

Jeremias 12:1

— O Tupàn Tuweharupi Wiko Ma'e, aze mo apuranu nerehe a'e ma'e rehe, eremume'u katu mo ihewe. Apuranu putar nerehe purehe nezepykaw imume'u kar pà newe ihe nehe kury. Màràzàwe tuwe ikatu 'ym ma'e uzeapo hemetarer katu ma'e romo wà. Màràzàwe tuwe imunar ma'e waneko haw ikatu wanupe.

Jeremias 3:20

Napezawy kwaw kuzà umen 'ym puhe oho ma'e. Peiko nezewe nugar romo ihewe. Ihe Tupàn Tuweharupi Wiko Ma'e aiko uze'eg ma'e romo, i'i Tupàn.

Jeremias 5:10

Aze'eg putar waàmàtyry'ymar wanupe nehe. — Peityk wanemitygwer ma'ywa tyw nehe, a'e putar wanupe nehe. Nezewe rehe we namumaw kar kwaw paw rupi nehe. — Pezo'ok a'e ma'ywa 'yw ywy wi nehe, a'e putar wanupe nehe. Ta'e nuiko kwaw hema'e romo a'e wà xe.

Jeremias 9:2

Aputar zepe hereko haw ywyxiguhu pe har. Nezewe mehe mo apuner mo muite hereko haw rehe heànàm wanuwi. Paw rupi nuzawy kwaw wemireko 'ym puhe oho ma'e wà. Wiko uwihaw izuka haw iputar har uzemono'og ma'e romo wà.

Oséias 5:7

Nuzawy kwaw hemireko amo awa puhe oho ma'e kwer umen pe wà. Wamemyr wiko wyzài awa ta'yr romo wyzài awa tazyr romo wà. A'e rupi nan kwehe tete amo umumaw putar waiwy wà nehe.

Oséias 6:7

Heremiaihu Ànà tawhu pe waneko mehe, uhaw ze'egaw herehe we wemiapo katu kwer wà. Upytu'u hereruzar ire wà. Nuzawy kwaw heremireko amo awa puhe uker ma'e wà.