Jeremias 49:19 - Tupàn zeꞌeg

¹⁹ Amo zàwàruhu iriàw uhem ka'a Zotàw yrykawhu izywyr har wi a'e. Uzeupir ywy ka'api'i ikatu ma'e pe no. Nezewegatete amuzàn kar putar Enom waiwy wi ihe wà nehe no. Na'e awa heremixak ràm wiko putar a'e ywy rehe har wanuwihaw romo a'e nehe. Mo upuner herehe wà. Mo nukyze kwaw ihewi wà. Mo heàmàtyry'ym putar wà nehe. Ma'enugar tuwihaw upuner hereitykaw rehe wà.

Jeremias 49:19 ပူးပေါင်းရင်းမြစ်များ

1 Crônicas 12:15

Amo 'ar mehe, zahy ipy mehe, Zotàw yrykaw tyhu a'e. A'e 'ar mehe a'e zauxiapekwer uwahaw yrykaw oho wà. Umuzàn kar teko ywyàpyznaw rehe wikuwe ma'e waneko haw wi wà: kwarahy ihemaw kutyr har wà, kwarahy heixe haw kutyr har wà no.

2 Crônicas 20:6

O Tupàn Tuweharupi Wiko Ma'e ureipy wazar. Ereiko Tupàn ywak rehe har romo ne. Ereiko teko ywy nànànar wanuwihawete romo. Nekàg. Erepuner no. Ni amo nupuner wera'u kwaw newi wà.

Jó 41:10

Aze amo uputupyk, Wikwahy a'e. Mo oho iàmàtyry'ym pà wà.

Jó 9:19

Aipo hekàg ihe. Ikàg wera'u a'e. Aipo ainoz putar tàmuzgwer wanenataromo ihe nehe. Mo umur kar putar nehe, aze natur wer kwaw nehe.

Jó 9:21

Naiko kwaw ikatu 'ym ma'e iapo har romo. Nezewe rehe we nazekaiw kwaw hereko haw rehe. Hekene'o hereko haw wi.

Salmos 143:2

Aiko neremiruze'eg romo ihe. Ezepyk zo herehe heremiapo kwer hekuzaromo nehe. Xo ne zo nekatu. Naheta kwaw amo ikatu 'ym ma'e iapo 'ymar a'e wà.

Salmos 76:7

Teko upaw rupi katete ukyze newi wà. Ni amo nupuner kwaw nerenataromo weko haw rehe nekwahy mehe wà.

Salmos 76:8

Ywak rehe nereko mehe erekwaw kar ikatu 'ym ma'e wanehe nezepyk àwàm purupe ne. Ywy rehe har ukyze wà, uze'eg 'ym pà wà.

Salmos 89:6

O Tuweharupi Wiko Ma'e, naheta kwaw amo nezàwenugar ywak rehe wà. Ywak rehe har paw neawy a'e wà.

Salmos 89:8

O Tupàn Tuweharupi Wiko Ma'e Ikàg Wera'u Ma'e. Ni amo na'ikàg kwaw ne ài wà. Erezapo neremimume'u kwer upaw rupi, o Tupàn Tuweharupi Wiko Ma'e.

Êxodo 15:11

Ma'enugar tupàn a'ua'u wiko ne ài a'e wà. Ma'enugar ikatu ne ài wà. Ma'enugar ikàg ne ài wà. Ma'enugar uzapo hexak pyr 'ym ne ài wà. Ma'enugar uzapo purumupytuhegatu kar haw ne ài wà.

Isaías 40:25

Mo ikàg Tupàn Ikatuahy Ma'e ài wà. Mo wiko izàwe wà.

Isaías 46:9

Pema'enukwaw ma'e kwehe mehe uzeapo ma'e kwer rehe nehe. Xo ihe zutyka'i aiko Tupàn romo ihe. Pekwaw hereko haw. Naheta kwaw amo hezàwenugar.

Jeremias 12:5

Uwazar Tupàn heze'eg ihewe. — Nekene'o awa wanupi nezàn ire. Aipo erepuner putar kawaru wanupi nezàn àwàm rehe nehe. Nerezepyro kwaw ywy zeàmàtyry'ym 'ymaw heta haw pe, aipo erepuner nereko haw rehe ka'a Zotàw yrykaw iwyr har rehe nehe.

Jeremias 25:9

— Arur kar putar teko kwarahy heixe haw awyze har kutyr har paw rupi ihe wà nehe. Arur kar putar heremiruze'eg Namukononozor Mawiron pe har nehe no. Arur putar a'e teko Zuta ywy rehe har waàmàtyry'ym kar pà wanupe ihe wà nehe, ywy ko ywy huwake har waàmàtyry'ym kar pà wanupe ihe wà nehe no. Amumaw putar paw rupi ihe wà nehe. Nuzeupir pixik kwaw wà nehe. — Iaiw wà, i'i putar teko a'e teko wanexak mehe wà nehe. Ipytuhegatu putar wanexak mehe wà nehe. Ihe Tupàn Tuweharupi Wiko Ma'e aiko ko ma'e imume'u har romo ihe.

Jeremias 30:21

Amo wainuinuromo har wiko putar wanuwihaw romo nehe. Waànàm wiko putar wanuwihaw romo nehe. Aze ainoz imuwà hezeupe nehe, Uhem putar heruwake a'e nehe. Aze naenoz kwaw amo nehe, a'e teko nur kwaw heruwake nehe. Ta'e ukyze putar a'e wà nehe xe. Wiko putar heremiaihu romo wà nehe. Aiko putar wazar romo nehe no. Ihe Tupàn Tuweharupi Wiko Ma'e aze'eg kwez kury.

Jeremias 4:7

Teko waiwy imumaw har ur iko. Nuzawy kwaw zàwàruhu iriàw uker haw wi uhem ma'e kwer. Umumaw putar teko Zuta ywy rehe har wà nehe. Weityk putar tawhu Zuta ywy rehe har wà nehe. Ni amo nuiko kwaw a'e tawhu wapupe wà nehe.

Daniel 7:4

Àzàguhu ipy nuzawy kwaw zàwàruhu iriàw. Heta ipepo izupe wiràhu ài. Hehe heme'e mehe amo o'ok ipepo. Umupu'àm kar no. Wata awa ài kury. Amo omono awa ima'enukwaw paw izupe no. Ima'enukwaw awa ài kury.

Naum 1:6

Tupàn Tuweharupi Wiko Ma'e ikwahy mehe, ni amo nupuner kwaw upu'àmaw rehe wà. Mo upuner ikwahy haw ipuraraw paw rehe wà. Ikwahy haw uwyryk oho iko tata yrykawhu romo uzeapo ma'e kwer ài. Henataromo itahu uzekazeka wà.

Zacarias 11:3

Àràpuhàràn mono'ogar ikuhem waiko uzai'o pà wà. Ta'e amo umumaw ka'api'i ikatu ma'e a'e wà xe. Zàwàruhu iriàw okororo waiko wà, ta'e amo omonohok ka'a Zotàw yrykaw izywyr har wà xe.

Números 16:5

Na'e uze'eg Kora pe, hemiruze'eg nànàn no. — Pyhewe izi'itahy Tupàn wexak kar putar wemiruze'eg purupe nehe. Wexak kar putar uma'ereko haw pe imunyryk kar pyrer nehe. Wexaexak putar amo nehe. A'e awa uhem putar ma'ea'yr hapy haw pe nehe.

Apocalipse 6:17

— Ta'e Tupàn 'ar uhem kwez kury xe, ta'e urerehe izepykaw uhem kwez kury xe, i'i wanupe wà. — Mo upuner a'e ma'erahy ipuraraw paw rehe a'e wà nehe, i'i wanupe wà.