Jeremias 48:3 - Tupàn zeꞌeg

³ Teko Oronaim pe har uhapukaz wà. — Umumew paw rupi wà. Umumaw paw rupi wà.

Jeremias 48:3 ပူးပေါင်းရင်းမြစ်များ

Isaías 15:2

Nimon tawhu pe har uzai'o putar ywy uzar pe imonokatu pyrer ywytyr rehe har pe wà nehe. Moaw izuapyapyr uzai'o a'e wà no ta'e zauxiapekwer weityk New tawhu wà xe, weityk Menew tawhu wà no. Upin u'aw uzemumikahy haw hexak kar pà wà. Upin wamutaw wà no.

Isaías 15:5

Azai'o Moaw wanehe ihe. Teko uzàwehem oho Zoar tawhu pe wà, Ekirat-Xerizi tawhu pe wà no. Amo uzeupir Iruwi tawhu pe uzai'o pà wà. Amo uzàwehem oho Oronai tawhu pe wahy haw rehe uhapukaz pà wà.

Isaías 15:8

Uzenu teko wanehapukaz mehe Moaw ywy nànàn wà, ta'e upuraraw ma'erahy tetea'u wà xe. Egaraim tawhu pe har wazai'o haw wànoànog. Meereri tawhu pe har wazai'o haw wànoànog no.

Isaías 22:4

A'e rupi aze'eg nezewe peme kury. — Petyryk ihewi kury. Tuwe azai'o hezemumikahy haw iro ma'e rehe nehe. Pezeagaw zo hemurywete kar pà nehe, ta'e teko heremiaihu u'ar tuwe iaiw paw rehe a'e wà xe, a'e wanupe ihe, i'i Tupàn.

Jeremias 20:16

Tupàn Tuweharupi Wiko Ma'e umuaiw amo tawhu wapuhareko 'ym pà a'e wà. Tuwe a'e awa wiko a'e tawhu wazàwe nehe. Tuwe wenu teko wahy haw rehe wakuhemaw ku'em mehe wà nehe. Tuwe wenu zauxiapekwer waàmàtyry'ym mehe kwarahy wapytepe hin mehe wà nehe no.

Jeremias 47:2

— Pexak nehe. Ywy kwarahy heixe haw awyze har kutyr har rehe uzeupir 'y iko. A'e wi uwyryk putar yrykawhu ài tyhu haw 'ar rehe zàwenugar ài. Upyk putar ywy nehe. Upyk putar ywy rehe har paw wà nehe no: Tawhu wà, wapupe har wà no. Uhapukaz upyro àwàm henoz pà wà nehe. Ko ywy rehe har paw heiheihem putar wahy haw pupe wà nehe.

Jeremias 48:34

Teko Ezemon tawhu pe har wà, Ereaw pe har wà no, uhapukaz wà. Te Zaxa pe har upuner wanehapukaz haw henu haw rehe wà. Zoar pe har wenu wà. Oronaim pe har wà, Ekirat pyahu pe har wà no, upuner henu haw rehe wà. Te Niri yrykaw typaw no.

Jeremias 48:4

Moaw ywy uzeapo heityk pyrer romo. Kwarearer uzai'o waiko wà.

Jeremias 48:5

Pezeapyaka wazozokaw rehe Iruwi tawhu piar rupi nehe. Peinu ma'eahy haw wi wanehapukaz haw Oronaim tawhu piar rupi nehe no.

Jeremias 51:54

Uze'eg wi Tupàn Tuweharupi Wiko Ma'e. — Peinu teko Mawiron pe har wanehapukaz mehe pe wà nehe. Uzai'o waiko wà, ta'e zauxiapekwer umumaw a'e ywy a'e wà xe.