Jeremias 46:9 - Tupàn zeꞌeg

⁹ Ezit ywy rehe har wà. Pemono kar kawaru pe wà nehe. Pemuzàn kar ywyramawa zeàmàtyry'ymawhu pe pe wà nehe. Pemono kar zauxiapekwer a'e pe pe wà nehe: Awa Exio ywy rehe har wà, Irim rehe har wà no, Uzemimaw hereko har wà. Awa Iru ywy rehe har wà, U'yw uwyrapar pupe imomor har wà.

Jeremias 46:9 ပူးပေါင်းရင်းမြစ်များ

Gênesis 10:13

Heta Ezit izuapyapyr a'e wà. Na'aw a'e teko waner xe wà kury: Iri, Anam, Ereaw, Napitu,

Gênesis 10:6

Na'aw Kàm ta'yr waner xe wà kury: Kuxi, Ezit, Irim, Kànàà.

1 Crônicas 1:11

Na'aw Ezit izuapyapyr waner xe wà kury: Irim, Anam, Ereaw, Napitu,

Isaías 66:19

Amono putar amo hepuner haw hexak kar haw wamyter pe ihe nehe. Amo wikuwe wi wi putar wanemiapo kwer imume'u re wà nehe. Amono kar putar amo a'e teko ywy muitea'u har wanupe ihe wà nehe. A'e teko muite har nuenu pixik kwaw hereko haw imume'u haw wà. Nuexak pixik kwaw hepuner haw wà. Amono kar putar Epàn ywy rehe wà nehe, Iriw ywy rehe wà nehe no, Iri ywy rehe wà nehe no. Heta u'yw pupe ma'e izywà katu haw ikwaw par a'e ywy rehe wà. Oho putar Tumaw ywy rehe wà nehe no, Kere ywy rehe wà nehe no. Umume'u putar hepuner haw uhua'u ma'e oho ywy nànànar wanupe wà nehe.

Jeremias 30:5

— Aenu amo ukyze hawhu wi uhapukaz ma'e ihe wà. Uhapukaz wà, ta'e ukyze wà xe. Nuhapukaz kwaw zeàmàtyry'ym 'ymaw rehe wà.

Jeremias 47:3

Kawaru wapy uwànoànog putar wà nehe. A'e teko wenu putar wànoànog mehe wà nehe. Wenu putar ywyramawa zeàmàtyry'ymawhu pe har wà nehe no. Wànoànog putar wà nehe. Awa nuzewyr kwaw wa'yr wapiaromo wà nehe. Ta'e wazywa na'ikàg kwaw wà xe. U'ar putar wà nehe.

Jeremias 51:11

Tupàn Tuweharupi Wiko Ma'e ipurumumaw wer Mawiron rehe a'e, a'e rupi uma'ereko Mez wanuwihawete wapy'a pupe a'e. A'e rupi uzàmàtyry'ym oho wà kury. Nezewe mehe uzepyk putar wanehe nehe, ta'e umumew hàpuzuhu a'e wà xe. Nezewe haw tuwihaw uzapo kar wà. — Pemuaime penu'yw nehe. Pemuàgà'ym pemimaw nehe no.

Ezequiel 27:10

Awa ywy nànànar wiko zauxiapekwer ipupe wà: Pezi rehe arer wà, Iri rehe arer wà, Irim rehe arer wà. Umuzaiko umimaw wàkàg imimaw rehe we neràpuz me wà. Upyhyk nepuner haw newe wà. Upyhyk ywy tetea'u tuwihaw ikàg wera'u ma'e romo nemuigo kar pà wà no.

Ezequiel 30:4

Heta putar zeàmàtyry'ymawhu Ezit ywy rehe nehe. Teko Exio ywy rehe har upuraraw putar ma'erahyhu wà nehe no. Zauxiapekwer uzuka putar teko tetea'u Ezit ywy rehe wà nehe. Imunar putar wama'e rehe wà nehe. Umumaw putar waiwy wà nehe no.

Ezequiel 30:5

Tuwihawete omono wemetarer zauxiapekwer amo ywy rehe har wanupe. A'e rupi wiko hemiruze'eg romo wà: Exio ywy rehe har wà, Iri ywy rehe har wà, Irim ywy rehe har wà, Araw ywy rehe har wà, Kume ywy rehe har wà. Te heremiaihu wà no. A'e zeàmàtyry'ymawhu uzuka putar a'e zauxiapekwer paw wà nehe.

Naum 3:9

Tew tawhu pe har wiko Ezit wanuwihaw romo Exio wanuwihaw romo a'e wà. Ikàg wera'u amogwer tawhu wanuwi upaw rupi a'e. Teko Irim ywy rehe har wiko wamyrypar romo a'e 'ar rehe wà.

Atos 2:10

heta Pampir ywy rehe har wà no, heta Ezit ywy rehe har wà no, heta Irim ywy rehe har Xiren taw huwake har wà no, heta Hom tawhu pe har wà no,

1 Coríntios 1:8

Tupàn pemuzeruzar katu kar putar a'e nehe. Zezuz Zaneruwihawete Zanezar ur putar amo 'ar mehe nehe. Tur mehe uze'eg putar nezewe peme nehe, — Kwa, ikatuahy ko heremiruze'eg a'e wà, i'i putar peme nehe.