Jeremias 46:23 - Tupàn zeꞌeg

²³ Zawaiw katu a'e ka'a pupe teixe haw. Weityk a'e ywyra paw wà. Heta tetea'u awa wà. Teko nupuner kwaw wapapar haw rehe wà. Waàmàtyry'ymar zauxiapekwer waneta haw uhua'u wera'u tukur waneta haw wi.

Jeremias 46:23 ပူးပေါင်းရင်းမြစ်များ

Isaías 10:18

Tupàn Tuweharupi Wiko Ma'e umumaw putar tuwe ka'aete paw nehe. Imumaw paw nuzawy kwaw ma'eahy haw puruzuka ma'e a'e.

Jeremias 21:14

Ihe Tupàn Tuweharupi Wiko Ma'e azepyk putar nerehe ihe nehe, neremiapo kwer hekuzaromo ihe nehe. Amunyk putar tata tàpuzuhu nepupe har rehe nehe. Ukaz putar nehe. Huwake har paw ukaz putar nehe no. Ihe Tupàn Tuweharupi Wiko Ma'e aze'eg kwez kury, ere wanupe nehe, i'i ihewe.

Jeremias 46:22

Ezit uzàn oho wà. Uze'eg moz ài wà. Ta'e zauxiapekwer uhem waiko wà xe. Waàmàtyry'ymar uzàmàtyry'ym wà itazy pupe wà. Nuzawy kwaw zepe'aw imonohokar wà.

Ezequiel 20:46

— Awa ta'yr, Eme'e kwarahy ihemaw awyze har kutyr nehe. Eze'eg a'e ywy rehe har wakutyr nehe. Emume'u ikatu 'ym ma'e a'e ka'a pe uzeapo ma'e ràm nehe.

Joel 2:25

Amuzewyr kar putar ma'e pewi ukàzym ma'e kwer paw ihe nehe. Amur kar tukur tetea'u ywàkun zàwenugar peiwy rehe ihe. Nuzawy kwaw zauxiapekwer tetea'u wà. Umuaiw arozràn paw uwà paw uri paw wà.

Juízes 6:5

Heta tetea'u wà, nuzawy kwaw tukur wà. Werur weimaw tapi'ak wà. Werur wàpuzràn wà no. Heta tetea'u wà. Heta tetea'u waneimaw kàwàruràn kamer her ma'e wanupe no. Teko nupuner kwaw waneta haw ipapar haw rehe wà. Ur ywy imumaw pà wà.

Juízes 7:12

Minià izuapyapyr a'e wà, Amarek a'e wà no, ywyxiguhu rehe har a'e wà no, uhàuhàz ywyàpyznaw rehe upaw rupi tukur tetea'u wazàwe wà. A'e ae wà, waneimaw kamer a'e wà no, heta tetea'u wà. Waneta haw nuzuawy kwaw ywyxig yryhu iwyr har.