Jeremias 45:3 - Tupàn zeꞌeg

³ — Napuner kwaw iapo haw rehe, ere iko. Tupàn Tuweharupi Wiko Ma'e umuhua'u kar hezemumikahy haw. Umuhua'u kar heremipuraraw. Hekene'o hekuhem ire. Napuner kwaw hepytu'u haw rehe, ere iko, a'e izupe.

Jeremias 45:3 ပူးပေါင်းရင်းမြစ်များ

Jó 23:2

Ihewe uzeapo ma'e kwer iro ihewe a'e rihi. Amume'u Tupàn hemiapo kwer ikatu 'ymaw ihe no. Napuner kwaw hekuhem ire hepytu'u haw rehe.

Salmos 120:5

Peinuromo hereko haw upuraraw kar ma'erahy ihewe Mezek ywy rehe hereko haw ài, Kenar ywy rehe hereko haw ài.

Salmos 27:13

Tupàn Tuweharupi Wiko Ma'e wexak kar putar ukatu haw herekuwe mehe nehe. Akwaw tuwe ikatu haw hexak kar àwàm ihe nehe.

Salmos 6:6

Hekene'o hezai'o re ihe. Tuweharupi pyhaw herupaw tynehem herehaykwer pupe a'e. Hezai'o haw umuàkym heàkàg iwy pe har.

Salmos 6:7

Heàmàtyry'ymar ipuruzuka wer herehe wà. A'e rupi hereha hezun hezai'o tetea'u haw rehe. A'e rupi zawaiw katu ma'e hexakaw ihewe.

Salmos 69:3

Heze'eg myaw ihe, ta'e ahapukaz tetea'u ihe xe. He'az uxinigahy ihewi. Hereha ikene'o, ta'e aikar tuwe hezar tuweharupi ihe xe. Àro hepyro àwàm.

Provérbios 24:10

Ikatu 'ym ma'e izeapo mehe ikàg 'ym ma'e a'e, azeharomoete ipyw a'e.

Jeremias 8:18

Ni amo nupuner kwaw hezemumikahy haw henuhemaw rehe ihewi wà. Hepy'a ima'eahy.

Jeremias 9:1

Aze mo heàkàg nuzawy iwer yzygwar, ikatu mo ihewe. Nezewe mehe hereha nuzawy iwer mo tehaykwer tetea'u imuhem kar haw. Nezewe mehe apuner mo hezai'o tetea'u haw rehe, 'aromo, pyhaw, heànàm izuka pyrer wanehe.

Lamentações de Jeremias 1:13

'A ywate wi Tupàn umur kar amo tata urerehe. Ukaz urepupe. Uzapo puruzuka haw urepyhyk pà. Urereityk ywy rehe no. A'e re upuir urewi ma'erahy pupe urerezar pà. A'e ma'erahy nupaw kwaw.

Lamentações de Jeremias 1:22

Emume'u wanehe nezepyk àwàm nehe. Ta'e uzapo ikatu 'ym ma'e tetea'u wà xe. Erezepyk urerehe ureremiapo kwer ikatu 'ym ma'e hekuzaromo. Ezepyk wanehe nezewegatete nehe no. Nurupytu'u kwaw urekuhem ire. Urepy'a ima'eahy, i'i wà.

Lamentações de Jeremias 3:32

Upuner ma'erahy zanewe ipuraraw kar pà a'e. Nezewe rehe we zanepuhareko katu a'e no. Ta'e upuruamutar katu tuwe a'e xe.

2 Coríntios 4:1

Tupàn urepuhareko katu a'e, a'e rupi uremuma'ereko kar iko a'e, umume'u kar uze'eg urewe a'e. A'e rupi nuruzemumikahy kwaw ure, ma'erahy kwer ipuraraw mehe ure.

2 Coríntios 4:16

A'e rupi nuruzemumikahy kwaw a'e ma'erahy kwer ipuraraw ire ure. Tuweharupi uretua'uete wera'i uruiko ure, uremàno haw huwakea'i ure. Tuweharupi Tupàn umupyahu katu kar wera'u urerekwe iko a'e, uremurywete kar pà a'e.

Gálatas 6:9

Aze nazapytu'u kwaw nehe, zaha putar ipyr nehe.

2 Tessalonicenses 3:13

Urerywyr wà. Pezapo ikatuahy ma'e peho peiko nehe. Pepytu'u zo iapo re nehe.