Jeremias 4:19 - Tupàn zeꞌeg

¹⁹ Hahy ihewe. Napuner kwaw agwer ma'erahy ipuraraw haw rehe. Uhua'u. A, hepy'a. Hepy'a unununukahy iko. Napuner kwaw heze'eg 'ymaw rehe. Ta'e ainu xi'àm ma'e'ak kwer iapo pyrer ihe xe. Aenu zauxiapekwer zeàmàtyry'ymawhu pe oho ma'e wanehapukaz mehe ihe wà.

Jeremias 4:19 ပူးပေါင်းရင်းမြစ်များ

Gênesis 49:6

Naiko kwaw wapyr iaiw ma'e iapo àwàm rehe waze'eg mehe ihe nehe. Naiko kwaw wanehe we wazemono'og mehe nehe. Ta'e wehaite haw rupi uzuka awa a'e wà xe. Ta'e uzemaraz tapi'ak wanehe wamupàri kar pà a'e wà xe.

2 Reis 4:19

Na'arewahy uzypyrog u pe uhapukaz pà kury. — Az. Heàkàgahy tuwe ihe, i'i izupe. Uze'eg tu amo uma'ereko ma'e pe. — Eraha kwarer ihy pe kury, i'i izupe.

2 Reis 8:11

Ume'egatu Erizew iko Azaew rehe. Ume'e wi wi hehe. Te imaranugar Azaew kury. Na'arewahy uzypyrog Erizew uzai'o pà kury.

Salmos 103:1

O Tupàn Tuweharupi Wiko Ma'e. Tuwe hepy'a umume'u tuwe nekatu haw nehe. Tuwe amume'u Tupàn ikatuahy haw hekàgaw nànàn nehe.

Salmos 116:7

Ezeruzar wiwi Tupàn Tuweharupi Wiko Ma'e rehe nehe, a'e hezeupe, Ta'e ikatuahy ihewe tuweharupi a'e xe.

Salmos 119:136

Herehaykwer uwyryk yrykawhu ài, Ta'e amogwer nuweruzar kwaw neze'eg wà xe.

Salmos 119:53

Aikwahy teko ikatu 'ym ma'e Neze'eg izuhazuhaw har wanexak mehe ihe.

Salmos 146:1

Pemume'u Tupàn Tuweharupi Wiko Ma'e ikatu haw nehe. Tuwe hepy'a umume'u tuwe nekatu haw nehe, o Tuweharupi Wiko Ma'e.

Salmos 16:2

Nezewe aze'eg Tupàn Tuweharupi Wiko Ma'e pe ihe. — Ereiko hezar romo ne. Hema'e ikatu ma'e paw eremur ihewe, a'e izupe.

Isaías 15:5

Azai'o Moaw wanehe ihe. Teko uzàwehem oho Zoar tawhu pe wà, Ekirat-Xerizi tawhu pe wà no. Amo uzeupir Iruwi tawhu pe uzai'o pà wà. Amo uzàwehem oho Oronai tawhu pe wahy haw rehe uhapukaz pà wà.

Isaías 16:11

Hepy'a uryryryryz wioràwiràn ihàm ài hezemumikahy haw rupi teko Moaw izuapyapyr wanehe, tawhu Ki-Erez pe har wanehe no.

Isaías 21:3

A'e ma'e hexak mehe nakwaw kwaw hehem àwàm izuwi ihe. Apuraraw teko kuzà umemyrahy ma'e ài ihe. Napuner tària'i kwaw ma'erenu haw rehe. Ta'e hahy tuwe ihewe xe. Napuner kwaw ma'erexakaw rehe. Ta'e hekàgaw uhem ihewi a'e xe.

Isaías 21:4

Nakwaw kwaw ma'e. Aryryryryz hekyze pà. — Pyhaw hekatu wewer putar nehe, a'e zepe hezeupe. Pyhaw akyze wera'u.

Isaías 22:4

A'e rupi aze'eg nezewe peme kury. — Petyryk ihewi kury. Tuwe azai'o hezemumikahy haw iro ma'e rehe nehe. Pezeagaw zo hemurywete kar pà nehe, ta'e teko heremiaihu u'ar tuwe iaiw paw rehe a'e wà xe, a'e wanupe ihe, i'i Tupàn.

Jeremias 13:17

Aze napezekaiw kwaw hehe nehe, azai'o putar hezeàmim pà peneko wera'u haw rehe nehe. Azai'oahy putar nehe. Azuhen putar herehaykwer nehe. Ta'e zauxiapekwer weraha Tupàn hemiaihu wemipyhyk kwer romo wà xe.

Jeremias 20:9

— Hereharaz putar Tupàn Tuweharupi Wiko Ma'e wi nehe, a'e hezeupe. — Namume'u pixik kwaw her ihe nehe, a'e hezeupe. Nezewe haw rehe hema'enukwaw mehe neze'eg uzemunehew hepupe a'e. Ukaz tata ài hepy'a pupe. Hekene'o hepupe ipyhyk ire. Napuner kwaw hehe kury.

Jeremias 23:9

Amume'u ko ma'e Tupàn ze'eg imume'u har wanehe no. — Hepy'a uzemumikahy. Aryryryryz. Aiko uka'u ma'e ài. Nazawy kwaw awa win tetea'u i'u romo arer romo ihe, Ta'e Tupàn Tuweharupi Wiko Ma'e uze'eg ihewe a'e xe. Ize'eg ikatuahy ma'e hemukyze kar a'e.

Jeremias 4:21

Màràn zahy amumaw putar pàn zaneàmàtyry'ymar her hereko har hexak pà nehe. Màràn 'ar amumaw putar xi'àm ma'e'ak kwer iapo pyrer ipy haw henu pà zeàmàtyry'ymawhu pe nehe.

Jeremias 4:5

Pezupy xi'àm ma'e'ak kwer iapo pyrer ywy nànàn nehe. Pehapukazahy peze'eg imume'u katu pà nehe. Pemume'u ko ze'eg teko Zuta ywy rehe har wanupe nehe, Zeruzarez tawhu pe har wanupe nehe no. — Pezàwehem tawhu pàrirogawtàtà ma'e pupe pezepyro pà nehe.

Jeremias 49:2

Uhem amo 'ar iko kury. A'e 'ar mehe ainu kar putar zeàmàtyry'ymawhu iànoànogaw Hama tawhu pe har wanupe nehe. Zauxiapekwer umumew putar a'e tawhu Amon izuapyapyr waneko haw wà nehe. Tata umumaw putar taw waneko haw wà nehe no. Upyhyk a'e ywy Izaew izuapyapyr wanuwi wà. Izaew upyhyk wi putar uiwy a'e teko wanuwi wà nehe no. Ihe Tupàn Tuweharupi Wiko Ma'e aiko ko ma'e imume'u har romo ihe.

Jeremias 50:22

Teko wenu zauxiapekwer wazeàmàtyry'ym mehe a'e ywy rehe wà. Heta ma'e imumaw paw tetea'u.

Jeremias 6:24

Zeruzarez pe har uze'eg nezewe wà. — Urenu wanur haw imume'u haw ure. Na'e urepo ipyw. Urekyze haw wiko urezar romo. Hahy haw wiko kuzà izar romo imemyr zexak kar mehe. Nezewegatete urekyze haw wiko urezar romo.

Jeremias 8:18

Ni amo nupuner kwaw hezemumikahy haw henuhemaw rehe ihewi wà. Hepy'a ima'eahy.

Jeremias 8:21

Hepy'a nuzawy kwaw ikutuk pyrer a'e. Ta'e heànàm wiko ikutuk pyrer romo wà xe. Azai'o hezemumikahy pà.

Jeremias 9:1

Aze mo heàkàg nuzawy iwer yzygwar, ikatu mo ihewe. Nezewe mehe hereha nuzawy iwer mo tehaykwer tetea'u imuhem kar haw. Nezewe mehe apuner mo hezai'o tetea'u haw rehe, 'aromo, pyhaw, heànàm izuka pyrer wanehe.

Jeremias 9:10

Ihe Zeremi aze'eg ihe kury. — Azai'o putar ywytyruhu rehe nehe. Azemumikahy putar nehe, ta'e ka'api'i àràpuhàràn wanemi'u uxinig a'e xe. Ni amo nuwata kwaw hupi wà. Ni amo nuenu kwaw tapi'ak waze'egaw wà. Wiràmiri wà, miar wà no, uzàwehem oho a'e wi a'e wà.

Lamentações de Jeremias 1:16

A'e ma'e paw uremuzai'o kar. Umynehem urereha urerehay kwer pupe. Naheta kwaw uremurywete kar har wà. Naheta kwaw uremukàg kar har wà. Ureàmàtyry'ymar urereityk wà. Teko tawhu pe har upyta heityk pyrer inuinuromo wà.

Lamentações de Jeremias 1:20

O Tupàn Tuweharupi Wiko Ma'e exak ma'erahy ureremipuraraw nehe. Uruzemumikahy tuwe. Urezemumikahy haw hahy urepy'a pe. Ta'e urema'enukwaw neze'eg heruzar 'ym awer rehe ure xe. Teko uzuka amo teko nahu rupi wà. Te tàpuz pupe uzuka wà, i'i Zeruzarez pe har wà.

Lamentações de Jeremias 2:11

Hereha ikene'o ta'e azai'o tetea'u ihe xe. Azemumikahy tuwe. Hezemumikahy haw hemumaw a'e. Ta'e amo umumaw heremiaihu a'e wà xe. Aexak kwarer tawhu pupe nahu rupi ima'uhez ma'e umàno ma'e ihe wà. Aexak kwarera'i wamàno mehe ihe wà no.

Daniel 4:19

A'e ma'e henu mehe Taniew Mewtexazar inugwer her ma'e ipytuhegatu a'e kury. A'e 'ar mehe we nukwaw kwaw imume'u haw rihi. Uze'eg wi tuwihawete izupe. — Mewtexazar, nema'enukwawahy zo hepuahu awer rehe nehe, ni hemimume'u rehe nehe, i'i izupe. Taniew uwazar ize'eg izupe. — O Tuwihawete, aze mo nepuahu awer hemimume'u nuze'eg iwer nerehe, ikatu wera'u mo. Aze mo umume'u neàmàtyry'ymar waneko àwàm, ikatu wera'u mo.

Daniel 7:15

Hepuahu awer hemupytuhegatu kar a'e. Nahepy'apy'a katu kwaw heremixak kwer rehe.

Daniel 7:28

Upaw imume'u haw kwez xe kury. Azemumikahy wiwi hema'enukwaw haw rehe ihe rihi. Heruwa xigatu hekyze pà ihe. Nezewe rehe we namume'u kwaw ma'e amo wanupe.

Daniel 8:27

Ihe Taniew amumaw 'ar tetea'u hezemumikahy pà hema'eahy romo ihe. A'e re hekatu. Azypyrog wi tuwihaw ima'ema'e haw iapo pà. Nezewe rehe we hema'enukwaw wiwi heremixak kwer rehe. Ta'e napuner kwaw ikwaw katu haw rehe xe.

Amós 3:6

Aze zauxiapekwer upy uxi'àm wà, aipo teko nukyze kwaw wà. Aze Tupàn Tuweharupi Wiko Ma'e numu'ar kwaw iaiw paw amo tawhu rehe, aipo iaiw paw u'ar a'e tawhu rehe.

Habacuque 3:16

A'e ma'e henu mehe hepytuhegatu ihe. Hereme uryryryryz hekyze mehe ihe. Hekàgaw uhem ihewi. Napuner kwaw hepy rehe hepu'àmaw rehe kury. Nezewe rehe we àro putar Tupàn 'ar hezemumik 'ym pà nehe. A'e 'ar mehe uzepyk putar ureàmàtyry'ymar wanehe nehe.

Números 10:9

Aze peàmàtyry'ym amo teko peywy rehe pe wà nehe, aze pezepyro peiko peàmàtyry'ymar penehe ipuruzuka wer ma'e wanuwi nehe, pezupy kar a'e xi'àm peànàm zauxiapekwer wamono'og kar pà nehe. Ihe Tupàn Tuweharupi Wiko Ma'e pezar apupytywà putar peàmàtyry'ymar wanuwi pepyro pà ihe nehe.

Romanos 10:1

Heànàm zutew nuzeruzar kwaw Zezuz rehe a'e wà. A'e rupi Tupàn nupyro kwaw tatahu wi a'e wà nehe. Aputar zepe wapyro àwàm ihe. Tuweharupi aze'eg Tupàn pe wapyro àwàm rehe.

1 Coríntios 14:8

Aze amo upy uxi'àm puruzukaiw paw rehe purumumuranu haw nehe, mo uzemuàgà'ym putar a'e pe oho haw rehe nehe.

Gálatas 4:19

Hepurumuzàmuzàg heremiamutar katu wà. Kuzà imemyr izexak kar mehe hahy izupe. Nezewegatete hahy ihewe kury, ta'e iàrew tuwe Zaneruwihawete ài peneko haw xe. Iàrew kuzà imemyr izexak kar haw. Nezewegatete iàrew Zaneruwihawete ài peneko haw no.

Juízes 5:21

Yrykaw Kizom tynehem 'y pupe a'e. Weraha Izaew waàmàtyry'ymar wazuka pà a'e wà. Yrykawhu kwehe arer a'e, Kizom her ma'e a'e. Ata putar nehe, Ata putar hekàgaw rupi nehe.