Jeremias 4:13 - Tupàn zeꞌeg

¹³ Aze'eg Zuta ywy rehe har wanupe kury. — Peme'egatu nehe. Peàmàtyry'ymar ur waiko ywàkun ài wà. Wama'e ywyramawa nuzawy kwaw ywytuaiw wà. Waneimaw kawaru iàkwen wera'u wiràhu wanuwi wà. Zanezuka putar wà nehe. Zanemumaw putar wà nehe.

Jeremias 4:13 ပူးပေါင်းရင်းမြစ်များ

2 Samuel 1:23

Xau a'e, Zonata a'e no, ikatuahy teko wanupe a'e wà. Ipuràg eteahy wà, ikatuahy wà. Upyta uzehe we wikuwe mehe wà. Wiko uzehezehe we umàno mehe wà no. Uzàn wera'u wiràhu wanuwi wà. Ikàg wera'u zàwàruhu iriàw wanuwi wà no.

Isaías 13:5

Zauxiapekwer ur waiko Per ywy wi wà. Muitea'u waiwy. Ywy ahykaw wi wanur waiko wà. Wikwahy mehe Tupàn Tuweharupi Wiko Ma'e umumaw kar putar Mawiron a'e zauxiapekwer wanupe upaw rupi wà nehe.

Isaías 19:1

Na'aw Tupàn ze'eg Ezit ywy rehe zepyk àwàm xe kury. Tupàn Tuweharupi Wiko Ma'e ywàkun rehe wapyk ma'e oho iko tàrityka'i Ezit ywy rehe kury. Tupàn a'ua'u a'e ywy rehe har uryryryryz putar henataromo wà nehe. Ezit ywy rehe har paw ukyze putar izuwi wà nehe.

Isaías 3:8

Zauxiapekwer weityk Zeruzarez imumaw pà wà. Zuta ywy rehe weityk taw paw wà. Teko uzapo ikatu 'ym ma'e wà. Teko umume'u ikatu 'ym ma'e wà. Nezewe mehe nuweruzar katu kwaw Tupàn Tuweharupi Wiko Ma'e wà. Ikàg a'e, Ipuràg eteahy a'e no. Wanemiapo kwer iro henataromo wà.

Isaías 5:28

Wanu'yw hakwa katu. Uhyk waywyrapar ma'ezywà àwàm rehe. Waneimaw kawaru wapyàpe tàtàahy ita ài wà. Ywyramawa iapu'a ma'e nuzawy kwaw ywytu uzewara ma'e.

Isaías 66:15

Tupàn Tuweharupi Wiko Ma'e ur putar tata ipyteromo nehe. Hemirur ywyramawa zeàmàtyry'ymawhu pe har nuzawy kwaw ywytuhu wà. Ur putar wekwahy haw heityk pà wàmàtyry'ymar wanehe nehe. Wanehe uzepykaw nuzawy kwaw tata heny kwer nehe.

Jeremias 10:19

Teko Zeruzarez pe har uhapukaz wà. — Urekutuk urekixi pà wà, urumàno etea'i kury, i'i wà. — Urekixi awer na'ike'e wer kwaw. — Urupuner agwer ma'e rehe nehe, uru'e zepe. Nurupuner kwaw.

Jeremias 4:12

Ywytu neremimur ràm iaiw putar nehe. Ko 'ar rehe ne ae eremume'u neremiaihu wanehe nezepyk àwàm iko no, a'e izupe.

Jeremias 4:31

Aenu amo heiheihem mehe ihe. Nuzawy kwaw kuzà imemyr zexak kar ma'e. Heiheihem kuzà umemyr ipy imuzexak kar har ài. Zeruzarez a'e heiheihem ma'e romo hekon a'e. Zawaiw katu ipytuhemaw izupe kury. Upyho opo uze'eg pà. — Àmàno putar kury. Ur waiko hezuka pà wà kury, i'i uzeupe.

Jeremias 46:18

Ihe Tuwihawete ihe, aiko ko ma'e imume'u har romo ihe. Aiko Tupàn Tuweharupi Wiko Ma'e romo. Tupàn Tuweharupi Wiko Ma'e herer romo ihe. Upuner wera'u ma'e romo aiko. Tamor aiha katu wera'u amogwer ywytyruhu wanuwi. Ywytyr Karamew yryhu i'aromo hin a'e no. Nezewegatete peàmàtyry'ym àràm ikàg wera'u pewi, Ezit ywy rehe har wà.

Jeremias 48:40

Ihe Tupàn Tuweharupi Wiko Ma'e amume'uahy ko ma'e uzeapo ma'e ràm ihe. — Teko amo ywy rehe har uzàmàtyry'ym Moaw wà a'e wà nehe. Wiràhu u'ar wemiar rehe upepozaz pà a'e. Nezewegatete a'e teko u'ar putar Moaw rehe wà nehe no.

Jeremias 49:22

Zauxiapekwer uzàmàtyry'ym putar Mozira tawhu wà nehe. Nuzawy kwaw wiràhu upepozaz ma'e ywate wi wemiar ipyhyk pà u'ar ma'e. A'e 'ar mehe zauxiapekwer Enom izuapyapyr ukyze putar kuzà imemyrahy ma'e ài wà nehe.

Jeremias 6:23

Omono'og puruzuka haw wà: ywyrapar, u'yw, takihepuku. Purupe ma'erahy ipuraraw kar e har romo wanekon wà. Nupurupuhareko kwaw wà. Ur kawaru ku'az wà. Wànoànogaw nuzawy kwaw yryhu wikwahy ma'e iànoànogaw. Uzemuàgà'ym kwez Zeruzarez tawhu iàmàtyry'ymaw rehe wà.

Jeremias 9:19

Peinu teko Xiàw pe har wazai'o mehe pe wà nehe. Uze'eg nezewe wà: — Iaiw zanereko haw kury. Zanemaranugarahy zane kury. Weityk zaneràpuz wà. Zaha putar zaneywy wi nehe kury, i'i wà.

Lamentações de Jeremias 4:19

Zanekutyr ur ma'e uzàn wera'u wiràhu ywak rehe har wanuwi wà. Ur zaneraikweromo ywytyruhu rehe wà. Na'arewahy zaneàmàtyry'ym ywyxiguhu rehe zanemupytuhegatu kar pà wà.

Ezequiel 26:10

Waneimaw kawaru umuzeupir kar putar ywyku'i ywàkun zàwenugar wà nehe. Ywyku'i nepyk putar nehe. Nepyhyk ire wixe putar nerukenawhu rupi wà nehe. Kawaru umutyk putar ywyramawa tawhu pupe heraha pà wà nehe. A'e 'ar mehe iànoànogaw umuryryryryz kar putar pàrirogawtàtà nehe.

Ezequiel 38:9

A'e a'e, hemiruze'eg a'e wà no, teko amo ywy rehe har tetea'u hehe we har a'e wà no, ur putar ikutyr àmànuhu ywytuaiw inuromo har ài wà nehe. Upyk putar ywy ywàkun ài wà nehe no.

Daniel 11:40

'Ar iahykaw rehe har ihem mehe, Ezit wanuwihawete uzàmàtyry'ym putar Xir wanuwihawete wà a'e nehe. Xir wanuwihawete oho putar ikutyr upuner haw paw heraha pà nehe: ywyramawa zeàmàtyry'ymawhu pe har, wemiruze'eg zauxiapekwer kawaru iku'az har wà no, kanuhu tetea'u no. Xir hemiruze'eg zauxiapekwer wixe putar Ezit ywy rehe 'y typy ma'e uwyrykahy ma'e ài wà nehe.

Daniel 7:4

Àzàguhu ipy nuzawy kwaw zàwàruhu iriàw. Heta ipepo izupe wiràhu ài. Hehe heme'e mehe amo o'ok ipepo. Umupu'àm kar no. Wata awa ài kury. Amo omono awa ima'enukwaw paw izupe no. Ima'enukwaw awa ài kury.

Oséias 8:1

Uze'eg wi Tupàn Tuweharupi Wiko Ma'e. — Pezupy pexi'àm nehe. Heàmàtyry'ymar ur heywy rehe wiràhu miar rehe wezyw ma'e ài a'e. Ta'e heremiaihu uhaw heze'egaw heremiapo katu kwer a'e wà xe. Ta'e nuweruzar kwaw heze'eg waiko wà xe.

Miquéias 2:4

A'e 'ar ihem mehe nehe, amogwer teko umuzàg putar zegar haw amo ze'egaw penehe har wà nehe. Umuzàg putar ko zegar haw purumuzemumikahy kar haw wà nehe. — Azeharomoete zanemuaiw Tupàn a'e. Tupàn Tuweharupi Wiko Ma'e upyro kar zaneiwy zanewi amo wanupe. Upyro kar zanema'e zanewi no. Omono zaneiwy zanereityk arer wanupe. Omono zanema'e zanepyhyk arer wanupe no, i'i wanupe wà.

Naum 1:3

Iàrew ikwahy haw a'e. Ikàg no. Nuezar kwaw ikatu 'ym ma'e wà, wanehe uzepyk 'ym pà wà. Wata ywytuàiw myter pe. Ywàkun nuzawy kwaw ywy ku'i kwer ipy iwy pe har wà. Umuzeupir upy pupe wata mehe.

Habacuque 1:8

Waneimaw kawaru uzàn wera'u zàwàruhu ereopar her ma'e wanuwi wà. Hehaite wera'u awarahu ywyxiguhu pe har wanuwi wà. Zauxiapekwer kawaru ku'az har ur waiko weimaw waku'az wà. Uzàn wà waiko muite wi wà. Na'arewahy wiràhu u'ar wemiar rehe. Na'arewahy zauxiapekwer ur wiràhu ài wà.

Zacarias 6:1

Aexak amo ae ma'e hepuahu zàwenugar pe kury. Aexak mokoz ywytyr itazu morog iapo pyrer wà. 4 ywyramawa zeàmàtyry'ymawhu rehe har uhem wà waiko wamyter wi wà kury.

Mateus 24:30

Na'e uzexak kar putar ma'e ywak rehe a'e nehe, Awa ta'yr tur àwàm hexak kar pà purupe a'e nehe. Na'e teko ywy rehe har paw uzai'o putar a'e wà nehe. Ta'e herexak putar ywàkun rehe hezur mehe a'e wà nehe xe, hekàgaw hepuràg eteahy haw herur pà a'e wà nehe xe. Ta'e Tupàn hemimur karer awa romo uzeapo ma'e romo aiko ihe xe.

Deuteronômio 28:49

Tupàn Tuweharupi Wiko Ma'e umur kar putar amo teko pekutyr a'e wà nehe. Ur putar muite wi amo ywy wi wà nehe. Napekwaw kwaw waze'eg nehe. Peàmàtyry'ym putar wiràhu ài wà nehe.

Apocalipse 1:7

Peme'e nehe ty wà. Ur putar Zaneruwihawete ywàkun rehe a'e nehe. Teko paw wexak putar a'e wà nehe. Te izuka arer a'e wà nehe no, wexak putar a'e wà nehe no. Teko ko ywy rehe har paw rupi katete a'e wà nehe, uzemumikahy putar uzai'o pà a'e wà nehe, tur mehe hexak mehe a'e wà nehe. Azeharomoete ko ma'e uzeapo putar nezewegatete nehe.