Jeremias 38:9 - Tupàn zeꞌeg

⁹ O tuwihawete hezar, a'e awa wanemiapo kwer na'ikatu kwaw. Weityk Zeremi yzygwar pupe wà. Umàno putar uma'uhez romo azeharomoete a'e nehe. Ta'e naheta kwaw temi'u tawhu pupe xe, i'i izupe.

Jeremias 38:9 ပူးပေါင်းရင်းမြစ်များ

Jó 31:34

Nakyze pixik kwaw amo wanemimume'u wi. Napyta kwaw heràpuz pupe heze'eg 'ym pà. Nakyze kwaw herehe wapuka haw wi.

Jeremias 19:9

Waàmàtyry'ymar umàmàn putar tawhu izywyr wà nehe. Uzeagaw putar ipupe har wazuka pà wà nehe. Umumaw putar 'ar tetea'u izywyr upyta pà wà nehe. Iaiw putar nehe. Zeruzarez pe har u'u putar wa'yr wano'o kwer wà nehe, wanazyr wano'o kwer wà nehe no. U'u putar uzeake wiko ma'e wano'o kwer wà nehe no, ere wanupe nehe, i'i Tupàn ihewe.

Jeremias 37:21

A'e rupi tuwihawete Zeneki hemono kar zauxiapekwer waneko haw pe. Tuweharupi umur typy'ak typy'ak iapo haw parer wà. Te upaw typy'ak tawhu pe har. Xo a'e 'ar mehe upytu'u imur ire ihewe wà. Nezewe apyta zauxiapekwer waneko haw pe.

Jeremias 38:10

Na'e tuwihawete uze'eg izupe kury. — Eraha 30 awa xe wi ne wà nehe. Enuhem kar Zeremi yzygwar wi imàno 'ym mehe we nehe, i'i izupe.

Jeremias 39:17

Nezewe rehe we ihe Tupàn Tuweharupi Wiko Ma'e oromonokatu putar ihe nehe. Erekyze amo wanuwi ne. Noromono kwaw a'e teko wanupe ihe nehe.

Jeremias 52:6

A'e kwarahy rehe 4 haw zahy rehe 9 haw 'ar mehe ma'uhez haw uhua'u tawhu pupe kury. Naheta kwaw temi'u teko wanupe.

Lamentações de Jeremias 1:11

Teko Zeruzarez pupe har ukuhem waiko wà. Wekar wemi'u ràm oho waiko wà. Omono wemetarer paw temi'u hekuzaromo wà. Nezewe mehe wikuwe wiwi wà. Tawhu pe har uze'eg nezewe a'e wà. — O Tupàn Tuweharupi Wiko Ma'e eme'e urerehe ureaiw haw hexak pà nehe, i'i wà.

Lamentações de Jeremias 3:53

Hereityk hemàno 'ym mehe yzygwar pupe wà. Uwàpytym itahu pupe wà.