Jeremias 33:6 - Tupàn zeꞌeg

⁶ Nezewe rehe we amukatu putar 'aw tawhu ihe nehe. Amukatu putar teko ipupe har ihe wà nehe no. Amumaw kar putar kwarahy tetea'u xe zeàmàtyry'ym 'ymaw rehe ihe wà nehe. Ni amo nuzapo kwaw ikatu 'ym ma'e wanupe wà nehe.

Jeremias 33:6 ပူးပေါင်းရင်းမြစ်များ

Salmos 147:3

Umukatu uzemumikahy tuwe ma'e wà. Omono muhàg wakutuk awer rehe a'e, wakixi awer rehe a'e.

Salmos 37:11

Amo wanuwi wiko wera'u 'ym ma'e wiko putar katu haw rehe wà nehe, ywy imume'u pyrer rehe wà nehe. Hurywete putar wà nehe. Heta tetea'u putar ma'e wanupe nehe no. Wiko putar zeàmàtyry'ym 'ymaw rehe wà nehe.

Salmos 67:2

Nezewe mehe ywy nànànar ukwaw putar neremiapo putar haw wà nehe. Nepurupyro haw uzexak kar putar teko paw wanupe nehe.

Salmos 72:7

Tuwe ipureruze'egatu haw hezuz ma'eputyr ài hekuwe mehe nehe. Tuwe teko wiko katu tuweharupi wà nehe, zahy ihyape 'ym mehe nehe.

Êxodo 34:6

Ukwaw Tupàn oho Moizez henataromo. Ukwaw mehe uze'eg nezewe uzehe kury. — Tuweharupi wiko ma'e romo aiko ihe, Tupàn Tuweharupi Wiko Ma'e romo aiko ihe. Apurupuhareko ihe, apuraihu ihe: Heàrew hekwahy pà. Napytu'u kwaw heremiaihu wamutar katu re. Uhua'u hepuruamutar katu haw. Teko nupuner kwaw hepuruamutar katu haw paw ikwaw paw rehe wà.

Eclesiastes 3:3

Puruzuka ma'e uzuka teko puruzuka haw 'ar mehe wà. Ximukatu teko wamukatu haw 'ar mehe zane wà no. Xityk tàpuz heitykaw 'ar mehe. Xiapo tàpuz iapo haw 'ar mehe.

Isaías 2:4

Tupàn wiko putar teko ywy nànànar wanemiapo kwer imume'u har romo nehe. Umume'u putar wanehe uzepyk àwàm nehe no. Teko tetea'u oho putar henataromo a'e wà nehe. A'e ae umume'u putar wanemiapo kwer nehe. A'e teko uzapo putar utakihepuku wà nehe, ywy heruwaruwakaw iapo pà wà nehe. Uzapo putar upurukutukaw takiheapar romo wà nehe no. Teko ywy nànànar nuzapo pixik kwaw zeàmàtyry'ymawhu a'e wà nehe. Nuzemuàgà'ym pixik kwaw zeàmàtyry'ymawhu pe oho haw rehe wà nehe.

Isaías 30:26

Tupàn umukatu wemiaihu wamuahy kar awer nehe. Umuke'e putar wemiaihu waperew wemiapo kwer nehe no. A'e 'ar mehe zahy uhyape katu putar kwarahy ài nehe. Kwarahy uhyape katu wera'u 7 haw uhyape haw kwehe arer wi nehe. Pitài 'ar rehe ihyape katu haw nuzawy kwaw 7 'ar rehe ihyape katu awer nehe.

Isaías 39:8

Wenu Ezeki Izai ze'eg. — Herekuwe mehe we a'e zauxiapekwer nur kwaw heàmàtyry'ym pà heremiaihu wàmàtyry'ym pà a'e wà nehe, i'i uzeupe. A'e rupi uze'eg nezewe Izai pe kury. — Tupàn Tuweharupi Wiko Ma'e ze'eg ihewe neremimur kwer ikatu a'e, i'i izupe.

Isaías 54:13

Ihe ae ihe, amu'e putar nepupe wiko ma'e ràm ihe wà nehe. Wiko putar wàmàtyry'ymar wanuwi ukyze 'ym pà wà nehe, uzeàmàtyry'ym 'ym pà wà nehe.

Isaías 55:7

Tuwe teko iaiw ma'e upytu'u ikatu 'ym ma'e iapo re wà nehe. Tuwe upytu'u ikatu 'ym ma'e rehe uma'enukwaw ire wà nehe no. Pezewyr Tupàn Tuweharupi Wiko Ma'e Zanezar pe nehe, ta'e upurupuhareko a'e xe. Umunàn zaneremiapo kwer ikatu 'ym ma'e paw a'e no.

Isaías 57:18

Aexak wanemiapo kwer. Nezewe rehe we amukatu putar ihe wà nehe. Araha putar pe ikatu ma'e rupi ihe wà nehe no. Amurywete kar putar wazemumikahy re ihe wà nehe.

Isaías 57:19

Amono putar ze'eg hekatu haw rehe har ihe nehe uzai'o ma'e wazuru pe ihe nehe. Amume'u waàmàtyry'ym 'ym àwàm teko nànàn ihe, teko muite har wanupe, teko muite 'ymar wanupe no. Amukatu putar ihe wà nehe.

Isaías 58:8

A'e mehe nehe, hepurupyro haw heny katu putar kwarahy ài nehe. Na'arewahy apumukatu putar upaw rupi nehe. Pepyro har peneraha putar peho àwàm rupi nehe. Tupàn Tuweharupi Wiko Ma'e wiko putar penehe we nehe, peiwyiwyr nehe, ikatu 'ym ma'e wanuwi pepyro pà nehe.

Isaías 66:12

Ihe Tupàn Tuweharupi Wiko Ma'e amume'u ko ma'e Zeruzarez pe har wanupe ihe: Hemetarer katu ma'e ài peneko haw ur putar peme yrykawhu ài nehe. Temetarer ywy nànànar ur putar peme nehe no, hekuzar katu ma'e ywy nànànar ur putar peme nehe no, 'y tyhu ma'e uwyrykahy ma'e ài nehe. Na'e Zeruzarez wiko putar pehy ài nehe. Pemukamu putar nehe. Peneraha putar uzywa rehe nehe. Upuxi'awar rehe pepyhyk putar peamutar katu pà nehe no.

Jeremias 17:14

O Tupàn Tuweharupi Wiko Ma'e, hemukatu pe nehe. Nezewe mehe hekatu putar nehe. Hepyro pe nehe no. Nezewe mehe amuzàg putar zegar haw nekatu haw imume'u har ihe nehe no.

Jeremias 29:11

Xo ihe zo akwaw peme heremiapo ràm ihe. Peneko haw ikatuahy putar nehe. Narur kwaw iaiw haw peme nehe. Pepuner ikatu ma'e hàro haw rehe nehe. Ihe Tupàn Tuweharupi Wiko Ma'e aiko ko ma'e imume'u har romo ihe.

Jeremias 3:22

Pe Tupàn Tuweharupi Wiko Ma'e wi upuir ma'e kwer paw wà, pezewyr izupe nehe. Pemukatu putar pezeruzar 'ym awer wi nehe. — Azeharomoete uruzewyr uruiko Tupàn Tuweharupi Wiko Ma'e pe ure. Ta'e wiko Tupàn Tuweharupi Wiko Ma'e urezar romo a'e xe, peze peiko.

Oséias 6:1

Teko Izaew uze'eg wà kury. — Zazewyr zaha Tupàn Tuweharupi Wiko Ma'e pe upaw rupi zane nehe ty wà. Zanekutuk a'e. Azeharomoete zanemukatu wi putar nehe no. Uzepyk zanerehe. Azeharomoete heharaz putar zaneremiapo kwer wi nehe no.

Oséias 7:1

Azeagaw zepe teko Izaew wamukatu haw rehe ihe. Azeagaw zepe hemetarer katu ma'e romo wamuigo kar wi haw rehe no. Xo wanemiapo kwer ikatu 'ym ma'e zo aexak ihe, xo waiw paw zo aexak ihe. Hemu'em ma'e romo wanekon wà. Teko wanàpuz rehe imunar ma'e romo wanekon wà. Teko pe rupi wata ma'e tawhu pupe wata ma'e wama'e rehe imunar ma'e romo wanekon wà.

Miquéias 4:3

Wiko putar teko tetea'u waneruze'egar romo nehe. Aze amo ywy rehe har uzàmàtyry'ym amo ae ywy rehe har muitea'u har wà nehe, Tupàn umume'u putar ikatu 'ym ma'e iapo arer wà nehe, wamupytu'u kar pà wàmàtyry'ym ire wà nehe. Teko uzapo putar utakihepuku a'e wà nehe, ywy heruwaruwakaw romo a'e wà nehe. Uzapo putar upurukutukawhu uzyapar romo wà nehe no. Teko ywy nànànar nuzeàmàtyry'ym wi pixik kwaw wà nehe. Nuzemuàgà'ym wi pixik kwaw zeàmàtyry'ymawhu pe oho haw rehe wà nehe.

Miquéias 7:20

Kwehe mehe eremume'u neremiapo ràm ureipy wanupe. — Tuweharupi aiko putar pemyrypar romo nehe. Tuweharupi apuamutar katu putar nehe, ere ureipy wanupe. A'e rupi erezamutar katu putar Àmàrààw izuapyapyr tuweharupi ne wà nehe, Zako izuapyapyr ne wà nehe no. Ureamutar katu pe tuweharupi nehe. Upaw.

Malaquias 4:2

Pe ihewi ukyze ma'e, napemàno kwaw nezewe nehe. Apupyro putar nehe. Pepyro haw nuzawy kwaw kwarahy heny katu haw nehe. Kwarahy uhyape katu ma'e imuigo kar pà. Nezewegatete apumuigo kar putar nehe no. Tapi'aka'yr opoopor pari wi uhem mehe wà. Pepopor putar penurywete haw rehe nezewegatete nehe no.

João 10:10

Ma'e rehe imunar ma'e a'e, ur ma'e rehe imunar pà a'e, ma'e izuka pà a'e, ma'e imumaw pà a'e. Ihe azur ywy rehe ihe, a'e rupi teko wiko putar Tupàn pyr tuweharupi a'e wà nehe. Hurywete putar tuwe wà nehe, uzemumikahy 'ym pà wà nehe, ma'erahy ipuraraw 'ym pà wà nehe.

Efésios 6:23

Tupàn zaneru a'e, Zanezar Zezuz Zaneruwihawete a'e no, tuwe pemupytu'u kar ma'e wi pekyze re a'e wà nehe. Tuwe pemuzeamutamutar katu kar wà nehe no. Tuwe pemuzeruzar katu kar uzehe wà nehe no.

Deuteronômio 32:39

Pe paw rupi nehe, pekwaw ko ma'e nehe. Xo ihe zo aiko Tupàn romo ihe. Naheta kwaw amo tupàn wà. Apuruzuka ihe. Apurumuigo kar ihe no. Apurukutuk no. Apurumukatu no. Aze hepurapo wer amo ma'e rehe nehe, ni amo nupuner kwaw hemupytu'u kar haw rehe iapo re wà nehe.

1 Pedro 1:3

Tuwe ximume'u Tupàn ikatu haw nehe, izupe nehe. Tupàn a'e, Zanezar Zezuz Zaneruwihawete tu romo hekon a'e. Zanepuhareko katu a'e, a'e rupi zanemuigo kar ukweraw wi ma'e kwer zàwenugar romo a'e. Zanemuigo kar putar uzepyr tuweharupi nehe. Ta'e umugweraw kar Zezuz Zaneruwihawete a'e xe, imàno re a'e xe. A'e rupi tuweharupi xiàro tur àwàm zane kury. Nazapytu'u kwaw hàro re.