Jeremias 33:20 - Tupàn zeꞌeg

²⁰ Izypy mehe amume'u 'ar wanur àwàm ihe, ipytunaw wanur àwàm ihe. Uhem 'ar. A'e re uhem ipytunaw. Uhem wi 'ar. A'e re uhem wi ipytunaw no. Tuweharupi ur nezewe wà. Nupytu'u kwaw ur ire wà.

Jeremias 33:20 ပူးပေါင်းရင်းမြစ်များ

Gênesis 1:17

Tupàn omono a'e tatainy ywak rehe ywy rehe wamuhyape katu kar pà a'e wà.

Gênesis 8:22

Nazuka wi pixik kwaw ma'e wikuwe ma'e paw nezewe ihe wà nehe, ko 'ar rehe har zàwe ihe wà nehe, i'i uzeupe. — Ywy heta mehe we heta putar ma'eà'yz itymaw àmàn nànàn nehe, heta putar temi'u ipo'o haw kwarahy nànàn nehe no. Heta putar huwixàg mehe nehe, heta putar haku mehe nehe no. Heta putar kwarahy nehe, heta putar àmàkyhaw nehe no. Heta putar 'ar nehe, heta putar pytunaw nehe no, i'i tuwe uzeupe.

Salmos 148:6

Umume'u wanen àwàm. Upyta tuweharupi wenaw rehe wà. Nupuner kwaw heruzar 'ymaw rehe wà.

Salmos 89:34

Nazuhaw kwaw heze'egaw hehe we heremiapo katu kwer nehe. Azapo putar heremimume'u kwer tuweharupi nehe.

Salmos 89:37

Zahy upyta ywak rehe a'e. Nuzawy kwaw ywy rehe uzeapo ma'e hexakar a'e. Nezewegatete Tawi ipureruze'egaw nupaw kwaw a'e nehe no. Zahy ywak rehe har nuzuawy kwaw ko heze'eg henu katu har a'e.

Isaías 66:22

Uze'eg Tupàn Tuweharupi Wiko Ma'e: Azapo putar ywak ipyahu ma'e ihe nehe, ywy ipyahu ma'e ihe nehe no. Nupaw pixik kwaw wà nehe. Upyta putar wenaw rehe hepuner haw rupi tuweharupi wà nehe. Nezewegatete pener nukàzym pixik kwaw wà nehe. Tuweharupi heta putar pezuapyapyr wà nehe.

Jeremias 33:19

Tupàn Tuweharupi Wiko Ma'e umume'u ko ma'e ihewe a'e kury.

Levítico 26:44

Wiko putar amo ywy rehe wà nehe. Nezewe rehe we naityk kwaw ihe wà nehe. Namumaw kwaw ihe wà nehe. Ta'e nazuhaw kwaw heze'egaw wanehe we heremiapo katu kwer ihe nehe xe. Aiko Tuweharupi Wiko Ma'e romo wazar romo ihe.