Jeremias 31:36 - Tupàn zeꞌeg

³⁶ Umume'uahy ko wemiapo ràm a'e. Ma'e ywy rehe hekuwe mehe we Izaew izuapyapyr wiko putar teko uzemono'og ma'e romo a'e wà nehe no.

Jeremias 31:36 ပူးပေါင်းရင်းမြစ်များ

Jó 38:33

Aipo erekwaw Tupàn ze'eg ywak rehe har waneruze'egar. Aipo erekwaw a'e Tupàn ze'eg heruzar kar haw rehe ywy rehe har wanupe.

Salmos 102:28

Zanera'yr wiko putar ikatu 'ym ma'e wi ukyze 'ym pà wà nehe. Erezekaiw putar wazuapyapyr wanehe tuweharupi ne wà nehe.

Salmos 119:89

O Tupàn Tuweharupi Wiko Ma'e, neze'eg nupaw pixik kwaw nehe. Ikàgaw nuzawy kwaw ywak ikàgaw a'e.

Salmos 148:6

Umume'u wanen àwàm. Upyta tuweharupi wenaw rehe wà. Nupuner kwaw heruzar 'ymaw rehe wà.

Salmos 72:17

Tuwe teko naheharaz pixik kwaw tuwihawete her wi wà nehe. Tuwe her ikwaw paw nukàzym kwaw kwarahy heta we mehe nehe. Tuwe teko paw wenoz Tupàn ze'egatu izupe wà nehe. Uzapo ikatu ma'e tuwihawete pe a'e. Tuwe uzapo ikatu ma'e teko wanupe nezewegatete nehe no.

Salmos 72:5

Tuwe tuwihawete wikuwe wiwi kwarahy heta we mehe nehe, zahy heta we mehe nehe no. Tuwe nupytu'u kwaw teko wanuwihawete romo wiko re nehe.

Isaías 65:9

Amono putar wazuapyapyr tetea'u Zako izuapyapyr wanupe ihe wà nehe, Zuta izuapyapyr wanupe ihe wà nehe no. Amuigo kar putar a'e teko heywy izar romo ihe wà nehe no. Teko heremixamixak kwer wiko putar Ywy Heremimume'u kwer izar romo wà nehe. Wiko putar hehe tuweharupi wà nehe.

Jeremias 46:28

Aiko putar penehe we pepyro pà nehe. Apumuhàz ywy tetea'u rehe ihe. Amumaw putar teko a'e ywy rehe har paw ihe wà nehe. Napumumaw kwaw nehe. Napezepyro kwaw hezepykaw wi nehe. Nezewe rehe we penehe hezepyk mehe nazepykahy kwaw nehe. Ihe Tupàn Tuweharupi Wiko Ma'e aze'eg kwez kury.

Deuteronômio 32:26

Apuner mo ywy nànàn wamuhàmuhàz haw rehe ihe. Nezewe mehe teko paw heharaz mo wanuwi wà.