Jeremias 31:11 - Tupàn zeꞌeg

¹¹ Amuhem kar Zako izuapyapyr ihe wà, wapyhyk arer wanuwi ihe wà. Wapyhyk arer ikàg wera'u wanuwi wà. Nezewe rehe we apyro wanuwi ihe wà.

Jeremias 31:11 ပူးပေါင်းရင်းမြစ်များ

Salmos 142:6

Herenu pe hepytywà àwàm henoz mehe nehe, Ta'e hemàno àwàm uhem etea'i ihewe xe. Hepyro pe heàmàtyry'ymar wanuwi nehe, Ta'e ikàg wera'u ihewi a'e wà xe.

Êxodo 15:16

Ma'e wi wakyze haw u'ar wanehe. Wexak nepuner haw uhua'u ma'e wà. Upytu'u uzemumyz 'ym pà ita ài wà. Te neremiaihu ukwaw waneko haw rupi wà. Neremipyro kwer wahaw waiwy wà.

Isaías 44:23

O ywak, ehapukaz nerurywete haw rupi nehe, Tupàn Tuweharupi Wiko Ma'e hemiapo kwer rehe nehe. Pemuzàg Tupàn ikatu haw rehe zegar haw nehe, ywykwar ywy wy pe har. Ywytyruhu wà, ka'a wà, pezegar penurywete haw rupi nehe ta'e Tupàn Tuweharupi Wiko Ma'e upyro Izaew a'e wà xe. Nezewe mehe wexak kar ikàg wera'u haw purupe a'e.

Isaías 48:20

Pehem Mawiron tawhu wi nehe. Pezàwehem a'e wi nehe. Penehapukaz penurywete haw rupi ko ze'eg imume'u pà ywy nànànar wanupe nehe. — Tupàn Tuweharupi Wiko Ma'e upyro wemiruze'eg a'e wà, teko Izaew izuapyapyr her ma'e wapyro pà a'e wà, peze purupe nehe.

Isaías 49:24

Zeàmàtyry'ymawhu imumaw ire zauxiapekwer upyhyk ma'e tetea'u a'e wà. Aipo amo upuner a'e ma'e ipyro haw rehe wanuwi wà. Tuwihawete ma'erahy ipuraraw kar har weraha teko uma'ereko e ma'e romo wamuigo kar pà a'e wà. Aipo amo upuner wamuhem kar haw rehe izuwi a'e wà.

Isaías 49:25

— Amo upuner, i'i Tupàn Tuweharupi Wiko Ma'e. — Amo upyro putar a'e ma'e zauxiapekwer wanuwi a'e nehe. Amo umuhem kar putar teko tuwihawete ikatu 'y ma'e hemipyhyk kwer a'e nehe no, ta'e ihe azàmàtyry'ym putar peàmàtyry'ymar ihe wà nehe xe. Ihe ae apyro putar pena'yr ihe wà nehe no.

Isaías 51:11

Tupàn Tuweharupi Wiko Ma'e hemipyro ràm uzewyr putar weko awer pe wà nehe. Uzewyr Zeruzarez tawhu pe uzegar pà wà nehe. Wiko putar a'e pe tuweharupi urywete pà wà nehe. Turywete haw oho putar wanupi nehe. Wata putar urywete pà wà nehe. Naheta kwaw zemumikahy haw nehe. Nuzai'o kwaw wà nehe.

Jeremias 15:21

Urupyro putar teko iaiw ma'e wapo wi ihe nehe, teko puruzuka ma'e wapuner haw wi ihe nehe.

Jeremias 50:33

Tupàn Tuweharupi Wiko Ma'e upuner wera'u ma'e uze'eg kury. — Izaew wà, Zuta wà no, upuraraw ma'erahy waiko wà. Wapyhyk arer ume'egatu wanehe wanuwake wiko pà wà. Na'ipurumuhem kar wer kwaw wanehe wà.

Jeremias 50:34

Nezewe rehe we wamuhem kar àràm ikàg a'e. Tupàn Tuweharupi Wiko Ma'e upuner wera'u ma'e her romo a'e. Upyro putar a'e wà nehe, waiwy pe waneruzewyr kar pà a'e wà nehe. Xo xiroxiroahy haw werur putar teko Mawiron wanupe nehe.

Lamentações de Jeremias 3:58

O Tupàn Tuweharupi Wiko Ma'e erezur hepytywà pà. Hepyro pe ne.

Oséias 13:14

Aipo apyro putar heremiaihu wamàno àwàm wi wà nehe. Aipo namono kwaw umàno ma'e kwer waneta haw pe ihe wà nehe. O màno haw. Ezur kury. Erur ma'erahy neremipuraraw kar ràm nehe. O umàno ma'e kwer waneta haw. Erur purehe nezepyk àwàm nehe. Napuhareko kwaw ko teko ihe wà nehe.

Zacarias 9:16

Àràpuhàràn mono'ogar upyro weimaw zàwàruhu wi wà. Nezewegatete a'e 'ar mehe Tupàn Tuweharupi Wiko Ma'e upyro putar wemiaihu wà nehe. Heny katu putar uiwy rehe wà nehe. Nuzawy kwaw ita hekuzar katu ma'e heny katu ma'e tuwihawete àkàg rehe har pe har wà nehe.

Mateus 12:29

Aze awa heixe wer amo awa puruzukaiw ma'e hàpuz me nehe, ima'e rehe imunar pà a'e nehe, aze izar ikàg a'e nehe, a'e mehe imunar ma'e uzàpixi putar tàpuz zar a'e nehe, ima'e rehe imunar zanune a'e nehe. Xo iàpixi re weraha putar ima'e izuwi nehe.

Mateus 20:28

Ihe Awa ta'yr ihe, nazur kwaw ma'e iapo kar pà purupe ihe. Azur ma'e iapo pà purupe ihe. Azur hezezuka kar pà teko tetea'u wapyro pà ihe.

Mateus 22:29

Uze'eg Zezuz wanupe. — Napekwaw kwaw ma'e pe. Ta'e napekwaw kwaw Tupàn ze'eg kwehe arer pape rehe imuapyk pyrer pe xe, ta'e napekwaw kwaw Tupàn ikàgaw pe no xe.

Tito 2:14

Zezuz a'e, uzemono zanerekuzaromo a'e, uzezuka kar pà a'e. Umàno ikatu 'ym ma'e zaneremiapo kwer hekuzaromo. A'e rupi umunyryk kar ikatu 'ym ma'e zanewi. Zanemukatu uzeupe no. A'e rupi zanepurapo wer tuwe ikatuahy ma'e rehe amogwer wanupe zane kury, Tupàn pe zane no.